«7/24 tm» № 26 (161) 26.06.2023
Lukmançylyk ylmynda yz goýan meşhur alym Abu Ali Ibn Sina Buhara ýakynlaryndaky Afşana obasynda eneden dogulýar. Ol ýaşlykdan ylym-bilime höwesek bolupdyr. Öz döwrüniň ylmyň dürli ugurlaryndan söhbet açýan kitaplaryny okan Ibn Sina soňlugy bilen lukmançylyk we pelsepe ugurlary boýunça 200 töweregi kitap ýazypdyr. Ol ylym-bilimiň gurujysy, hekimleriň baştutany hökmünde tanalar eken. Lukmançylyga degişli işleri ençeme asyrlar bäri alymlara çeşme hökmünde hyzmat edýär.