«7/24 tm». № 24 (159) 12.06.2023
Watandaşlarymyzyň sporta bolan höwesi barha artýar we olaryň sport bilen meşgullanmaklary üçin ähli şertler döredilýär. Ýurdumyzda köpçülikleýin bedenterbiýe-sport we sagaldyş hereketiniň ösdürilmeginiň netijesinde sporty söýýän türgenleriň mekdebi kemala gelýär. Çünki sport adamyň fiziki taýdan işjeňligini kadalaşdyrmagy bilen birlikde, onuň akyl işjeňligini tijendirýär, ruhuny galkyndyrýar, ynsanda zähmetsöýerlik, erjellik ýaly gowy endikleri terbiýeleýär. Eziz Diýarymyzda durmuşa geçirilýän maksatnamalaýyn işleriň ählisi ynsan saglygyna, halkyň bagtyýar durmuşda ýaşamagyna gönükdirilendir.