«7/24 tm». № 24 (159) 12.06.2023
Bäherden etrabynyň edermen babadaýhanlarynyň tutanýerli zähmeti netijesinde kemala getirilen bereketli dänäniň bol hasylyny ýitgisiz ýygnamak işleri gyzgalaňly dowam edýär. Bu möhüm we jogapkärli möwsümi guramaçylykly geçirmäge ýardam etmek maksady bilen, TMÝG-niň Bäherden etrap Geňeşi, TAP-nyň Bäherden etrap komiteti, etrap jemgyýetçilik guramalarynyň işgärleri etrabyň çäklerinde daýhan birleşiklerine baryp, edermen gallaçylarymyz üçin medeniýet-sungat işgärleriniň gatnaşmagynda aýdym-sazly çäreleri yzygiderli geçirip durýarlar. Bu bolsa babadaýhanlarymyzy täze zähmet üstünliklerine ruhlandyrýar. Şu günler galla oragy gyzgalaňly dowam edýär. Etrap jemgyýetçilik guramalarynyň işgärleri hem has tapawutlanýan oba hojalyk işgärlerine höweslendiriji sowgatlary gowşurýarlar.