«7/24. tm», № 17 (152), 24.04.2023.
Ýurdumyzda ähli ugurlar bilen bir hatarda sport ulgamyny ösdürmek boýunça uly işler amala aşyrylýar. Şonuň netijesinde ýaşlarymyzyň sportuň dürli görnüşleri bilen meşgullanmaklary üçin paýtagtymyz Aşgabatda, welaýatlarymyzda we obadyr şäherlerimizde sport desgalary, köpugurly sport toplumlary, stadionlar yzygiderli gurlup ulanylmaga berilýär. Ertirki gün döwlet we halkara derejeli ýaryşlarda ýaşyl Tugumyzy belentden parlatjak milli türgenlerimizi irgözinden taýýarlamak üçin sport mekdepleri hem hereket edýär. Şolaryň biri hem Köneürgenç etrabyndaky 1-nji sport mekdebidir.