"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Bagtyýarlygyň mekany

Paýtagtymyz Aşgabat Ýer ýüzünde uly meşhurlyga eýe bolup, ähli ugurlarda ösýän şäherleriň birine öwrüldi. Türkmen paýtagtynyň milli aýratynlyklarymyz bilen utgaşýan ak mermerli binalaryň has köp jemlenen ýeri hökmünde Ginnesiň rekordlar kitabynda orun almagy bolsa has-da buýsandyryjydyr. Gahryman Arkadagymyz «Ak şäherim Aşgabat» atly ajaýyp kitabynda: «Aşgabady özgerdip, biz onuň diňe bir gözelligiň şäheri däl, eýsem, iň bagtly adamlaryň şäheri, bagtyýar adamlaryň berkarar ýurdunyň paýtagty bolmagy hakynda alada edýäris» diýip ýazýar. Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynyň şu ajaýyp günlerinde gözel Aşgabadyň nurana keşbine we onda ýaşamak, okamak, işlemek, döretmek, gurmak babatda üpjün edilen şert-mümkinçiliklere ser salanyňda, Milli Liderimiziň badalga beren beýik işleriniň hormatly Prezidentimiziň parasatly ýolbaşçylygynda üstünliklere beslenip, dowamat-dowam bolmagynyň netijesinde paýtagtymyzyň hakykatdan hem, bagtly adamlaryň şäherine, bagtyýar adamlaryň berkarar ýurdunyň paýtagtyna öwülendigine buýsanç bilen göz ýetirýärsiň.

24 Maý 2024

Garaşsyzlyk

Paýhas ummany

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly baştutanlygynda Türkmenistan döwletimiz bedew bady bilen öňe barýar. 17-nji maýda sanly ulgam arkaly geçiren Ministrler Kabinetiniň nobatdaky mejlisiniň dowamynda döwlet Baştutanymyz Ministrler Kabinetiniň agzalaryna ýüzlenip, türkmeniň beýik ogly Magtymguly Pyragynyň doglan gününiň 300 ýyllygy mynasybetli «Magtymguly» atly kitabyň çapdan çykandygyny we onda akyldar şahyryň umumadamzat gymmatlygyna öwrülen goşgularynyň ýerleşdirilendigini nygtady. Hormatly Prezidentimiz kitabyň ilkinji sanyny Gahryman Arkadagymyza ibermegi makul bilendigini aýdyp, bu eseriň «Pähim-paýhas ummany Magtymguly Pyragy» ýylynda mähriban halkymyza mynasyp sowgat boljakdygyny belledi.

24 Maý 2024

Garaşsyzlyk

Täze eýýamyň taryhy wakasy

Magtymguly Pyragynyň doglan gününiň 300 ýyllygynyň giňden bellenilen ýyly hökmünde taryha altyn harplar bilen ýazyljak «Pähim-paýhas ummany Magtymguly Pyragy» ýylynda türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň taýsyz tagallalary bilen şahyryň edebi mirasyny, şan-şöhratyny dünýä ýaýmakda, abraý-mertebesini öňküdenem belende götermekde jahana nusgalyk ägirt uly işleriň amala aşyrylýandygyna geçen hepdede bütin Ýer ýüzi ýene bir ýola göz ýetirdi.

24 Maý 2024

Garaşsyzlyk

Ynsan kalbynyň lukmany

Magtymguly Pyragy – pähim-paýhasyň ummany, parasatlylygyň nusgasy. Gündogaryň beýik akyldarynyň we şahyrynyň doglan gününiň 300 ýyllygynyň giňden bellenilen ýyly hökmünde taryha altyn harplar bilen ýazyljak «Pähim-paýhas ummany Magtymguly Pyragy» ýylynda Gahryman Arkadagymyzyň, Arkadagly Gahryman Serdarymyzyň taýsyz tagallalary bilen söz ussadynyň dünýädäki şan-şöhraty has-da belende göterilýär, edebi mirasyny ylmy esasda öwrenip, dünýä jemgyýetçiligine ýetirmekde nusgalyk işler alnyp barylýar. Ýer ýüzüniň çar künjeginde dana şahyrymyzyň hormatyna geçirilýän dürli çäreler bolsa türkmeniň milli buýsanjyna öwrülen beýik ynsanyň abraý-mertebesiniň barha belende göterilýändigini görkezýär. Magtymguly atamyzyň döredijiligi durmuşyň ähli ugurlaryny öz içine alýanlygy bilen kalplarda baky orna eýe boldy. Beýik akyldaryň biri-birinden ajaýyp şygyrlarynda saglyga, lukmançylyga, ynsan derdine em etmek ýaly sogaply käriň eýeleri bolan lukmanlara hem giň orun berlipdir.

24 Maý 2024

Garaşsyzlyk

Sportuň ösüşli menzilleri

Gahryman Arkadagymyzyň binýadyny goýan sport syýasaty bu gün hormatly Prezidentimiziň parasatly ýolbaşçylygynda mynasyp dowam etdirilip, ulgamyň okgunly ösüşlerini, täze sepgitlerini şertlendirýär. Watanymyzda yzygiderli geçirilýän halkara ýaryşlardyr dünýä hem-de yklym çempionatlary Diýarymyzyň sport ýurdy hökmünde uly abraýdan peýdalanýandygynyň beýanyna öwrülýär. Iň uly ýaryşlary geçirmegiň Türkmenistana ynanylmagy ýurdumyzyň sportdaky mümkinçiliklerine goýulýan belent hormatdan nyşandyr. Çünki ülkämiziň kämil sport düzümi diňe ulgamyň sazlaşykly ösüşini üpjün etmek bilen çäklenmän, eýsem, Watanymyzyň halkara arenasyndaky mynasyp ornuny has-da pugtalandyrmagynda möhüm ähmiýete eýedir. Hakykatdan hem, bu gün sebitde deňi-taýy bolmadyk Olimpiýa şäherçesini görmäge göz, taryplamaga söz gerek. Elbetde, gözbaşyny türkmen halkynyň Milli Lideriniň başlangyçlaryndan alyp, Watanymyzyň iň ajaýyp sport baýramçylyklaryny kabul etmegine mümkinçilik döredýän sport desgalarydyr toplumlaryň birnäçesini özünde jemleýän Olimpiýa şäherçesi ýurdumyzyň myhmanlarynyň, halkara sport jemgyýetçiliginiň, federasiýalaryň ýolbaşçylarynyň hem-de wekilleriniň ýokary bahasyna mynasyp bolýar. Bu bolsa Diýarymyzyň sportdaky mümkinçilikleriniň halkara ykrarnamasyna eýe bolýandygynyň nyşanydyr.

24 Maý 2024

Garaşsyzlyk

Taryhy ýerlere gezelenç

    Türkmenistanyň Bilim ministrliginiň degişli meýilnamasy esasynda Türkmen döwlet neşirýat gullugynyň Neşirýat-çaphana orta hünär okuw mekdebiniň mugallymlary we talyplary 2024-nji ýylyň mart, aprel, maý aýlarynyň degişli senelerinde Änew şäheriniň çäginde ýerleşýän taryhy-medeni ýadygärliklerdir muzeýlere syýahat etdiler. Änew şäherindäki «Ak bugdaý» muzeýinde bolanymyzda ajaýyp duýgulary başdan geçirdik. Mälim bolşy ýaly, Arkadagly Gahryman Serdarymyz ýakynda «Änew – müňýyllyklarda gözbaş alýan medeniýet» atly kitabyny giň okyjylar köpçüligine sowgat etdi. Kitap üç bölümden ybarat bolup, onuň 1-nji babynda hormatly Prezidentimiz Rafael Pampelliniň adyny hem hormat bilen tutýar.

24 Maý 2024

Garaşsyzlyk

Welaýatlardan habarlar

Ýa­kyn­da Bal­kan we­la­ýat ki­tap­ha­na­syn­da TKA-nyň we­la­ýat bir­leş­me­si­niň hem-de ylym we bi­lim iş­gär­le­ri­niň Kär­deş­ler ara­ka­ly­şyk­la­ry­nyň Bal­ka­na­bat şä­her ge­ňe­şi­niň bi­le­lik­de gu­ra­ma­gyn­da «Türk­me­niň ru­hy çy­ra­gy» at­ly wa­gyz-ne­si­hat du­şu­şy­gy ge­çi­ril­di. Mas­la­hat­da edi­len çy­kyş­lar­da bel­le­ni­li­şi ýa­ly, Gün­do­ga­ryň be­ýik akyl­da­ry we nus­ga­wy şa­hy­ry Mag­tym­gu­ly Py­ra­gy­nyň dog­lan gü­nü­niň 300 ýyl­ly­gy my­na­sy­bet­li 2024-nji ýy­lyň «Pä­him-paý­has um­ma­ny Mag­tym­gu­ly Py­ra­gy» diý­lip at­lan­dy­ryl­ma­gy akyl­dar şa­hy­ra go­ýul­ýan be­lent sar­pa­nyň aý­dyň ny­şa­ny­dyr.

24 Maý 2024

Garaşsyzlyk

Täzelikler

Amyderýa döwlet tebigy goraghanasynda ýangyn howpsuzlygy boýunça okuw maslahaty geçirildi. Oňa welaýat polisiýa müdirliginiň ýangyn howpsuzlygy bölüminiň, Türkmenistanyň Tebigaty goramak jemgyýetiniň welaýat bölüminiň wekilleri, jemgyýetiň işjeň agzalary gatnaşdylar. Okuw maslahatyna gatnaşyjylar goraghanada tokaýlyklary we olarda mesgen tutan haýwanlary goramak boýunça alnyp barylýan işler bilen ýakyndan tanyşdylar. Bu ýerde gorag işleri bilen birlikde ylmy işler utgaşykly alnyp barylýar. Şol bir wagtyň özünde tebigy baýlyklarymyzy ýangyndan goramak meselesi hem gündelik üns merkezinde saklanylýar. Maslahatda şeýle işleriň howanyň gyzmagy bilen has möhüm ähmiýete eýe bolýandygy we degişli düzgünleri berk berjaý etmegiň esasy talap bolup durýandygy bellenildi. Degişli hünärmenler çykyşlarynda ýangyn howpsuzlygyny üpjün etmekde tehniki serişdelerden netijeli peýdalanmak barada hem giňden durup geçdiler.

24 Maý 2024

Garaşsyzlyk

Aşgabatda beýik taryh ýazylýar

Aşgabadyň gün-günden ösýändigi hiç kim üçin täzelik däl. Paýtagtymyzdaky durmuş-medeni maksatly binalar toplumlary täsin inženerçilik-tehniki çözgütleri bilen haýran galdyryp, şäheriň döwrebap binagärlik keşbini emele getirýär. Olarda döredilýän şertler halkara ülňülere, bildirilýän ýokary talaplara laýyk gelýär. Şonuň üçin-de Aşgabat halkara derejeli syýasy we işewürlik merkezi, ýaşamak üçin amatly şäher hasaplanýar. Öňler agyz dolduryp waspyny ýetiren desgalarymyza häzir şäherliler adaty zat hökmünde garaýarlar. Sebäbi döwrebap gurluşyk-binagärlik taslamalary dowamly durmuşa geçirilip gelinýär. Biri-birinden kaşaň binalardyr desgalar, giň gerimli gurluşyklar bu gün paýtagtyň durmuş kadasyna öwrüldi. Aşgabat şäheriniň güni mynasybetli Bagtyýarlyk etrabynda kuwwaty bir gije-gündizde 150 müň kub metr agyz suwuny arassalamaga ukyply desganyň açylyp ulanmaga berilmegi, «Çoganly» ýaşaýyş toplumynda 136 sany iki gatly ýaşaýyş jaýynyň açylyş dabarasyna görülýän taýýarlyk hem munuň şeýledigini görkezýär.

24 Maý 2024

Garaşsyzlyk

Ýurdumyzyň welaýatlarynda

AHAL Semente isleg uly

24 Maý 2024

Garaşsyzlyk

Çitimlere siňdirilen keşp

Türkmen halysy asyrlardan aşyp, heňňamlardan geçip, şu günlerimize gelip ýeten deňsiz-taýsyz gözellikdir. Ol diňe bir senetçilik önümi bolman, eýsem, sungat derejesine ýetirilip, ajaýyp esere öwrülipdir. Nepis halylarymyz türkmen halkynyň taryhyndan, däp-dessurlaryndan dünýägaraýşyndan habar berýär. Ondan gelin-gyzlaryň ýürek mährini, zenan kalbynyň owazyny eşitmek, duýmak bolýar. Haly türkmeniň soňlanmajak aýdymlar çemenidir. Hut şonuň üçin-de bu gün türkmen zenanlary iň gowy zatlary, gözellikleri öz dokaýan halylaryna çitýärler. «Türkmenhaly» döwlet birleşigi bolsa hala çitilýän nagyşlaryň, adam keşpleriniň has-da gözel, gelşikli bolmagy üçin tagalla edýär. Birleşigiň hünärmenleri şu ýylyň «Pähim-paýhas ummany Magtymguly Pyragy» ýyly diýlip atlandyrylmagy mynasybetli dana şahyryň keşbini hala çitip, onuň her bir türkmeniň öýüni bezemegi üçin zerur bolan işleri amala aşyrmaga girişdiler. Olar akyldar şahyryň keşbi şekillendirilen eserleriň ençemesini gözden geçirdiler. Hatda onuň käbir heýkeline-de nazar aýladylar. Iň soňunda Magtymguly Pyragynyň: Pikir derýasyna aklym gämisin,Batyrmyşam, geçe bilmen, neýläýin?! —

24 Maý 2024

Garaşsyzlyk

Nepis önümleriň sany artýar

«Türkmenhaly» döwlet birleşiginiň Daşoguz çeper halyçylyk kärhanasynyň eli çeper halyçylary «Pähim-paýhas ummany Magtymguly Pyragy» ýylynyň geçen dört aýynda 1 müň 200 inedördül metre golaý haly dokap, meýilnamada göz öňünde tutulan tabşyryklaryny üstünlikli berjaý etdiler. Haly we haly önümleriniň möçber ölçegi pul hasabynda aňladylanda, bir million manatlykdan gowrak iş edilendigini görkezýär. Bu görkezijileriň geçen ýylyň degişli döwründäkiden ep-esli ýokarydygyny bellemek gerek. Ähli ugurlar boýunça uly ösüşlere beslenýän şanly ýylymyzyň degişli döwründe şeýle üstünligiň gazanylmagyna Akdepe, Boldumsaz, Köneürgenç etraplaryndaky, Gubadag hem Andalyp şäherlerindäki önümhanalar uly goşant goşdular. Häzirki wagtda ýerlerdäki önümhanalaryň aglabasynda edara-kärhanalaryň, guramalaryň buýurmalary esasynda we baýramçylyklar mynasybetli 60, 65, 70 inedördül metr ölçegli halylar dokalýar. Ajaýyp göllerinde türkmen tebigatynyň ähli gözelliklerini şöhlelendirýän, owadan nagyşlary, gül görki bilen tapawutlanýan halylar ýurt derejesinde geçirilýän bäsleşiklerde ýokary baha mynasyp bolýar. Olaryň birnäçesi haly we haly önümleriniň yzygiderli geçirilýän sergilerini bezeýär.

24 Maý 2024

Garaşsyzlyk

Beýik döwre beýik işler ýaraşýar

Beýik söz ussady Magtymguly Pyragynyň doglan gününiň 300 ýyllygynyň halkara jemgyýetçiligi bilen bilelikde bellenilmegi göwünlerimizi galkyndyryp, beýik şahyrymyza bolan buýsanjymyzy has hem artdyrýar. Bu gündogar edebiýatynda, filosofiýasynda uly yz goýan Magtymguly atamyzyň sönmez-ýitmez döredijiligine goýulýan sarpanyň aýdyň nyşanydyr. Ýaňy-ýakynda hormatly Prezidentimiziň gatnaşmagynda paýtagtymyzyň günorta künjeginde beýik akyldar şahyrymyzyň ýadygärliginiň we Köpetdagyň dag eteginde «Magtymguly Pyragy» medeni-seýilgäh toplumynyň açylmagy ýurdumyzyň medeni durmuşyndaky şatlykly wakalaryň biri boldy. Ýurdumyzda goşa toýuň bellenilýän günleriniň şeýle şatlykly wakalar bilen utgaşmagy şahyryň ruhy-edebi mirasyny tutuş dünýäde şöhratlandyrmak ugrunda durmuşa geçirilýän işleriň üstüni ýetirdi. Halkara metbugatynda bellenilişi ýaly, akyldar şahyrymyzyň ajaýyp heýkeli, onuň gurluş aýratynlygy dünýä jahankeşdeleriniň ünsüni ýene-de güneşli ülkämize gönükdirdi. Hut şonuň üçin hem goňşy döwletleriň wekilleriniň hem köpsanlysy bu şatlykly wakanyň şaýady bolmak üçin ýurdumyzda myhman boldular. Dogrudan hem, dürli öwüşginli yşyklar, çyralar bilen bezelen ýadygärlik baş şäherimizde ýene-de bir ajaýyp binagärlik düzümiň dörändigini äleme buşlaýar. Bu ýerde dürdäne eserleri bilen dünýä edebiýatynda yz goýan beýik şahsyýetleriň hem heýkelleriniň oturdylmagy ýurdumyzda dost-doganlyk, parah

23 Maý 2024

Garaşsyzlyk

Dünýä edebiýatynyň ägirdine belent sarpa

Şanly ýylymyzda nusgawy şahyrymyz Magtymguly Pyragynyň baý edebi mirasyny öwrenmäge bagyşlanyp geçirilýän çäreler, şatlykly wakalar biri-birine utgaşýar. Şeýle toýly günlerde Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty tarapyndan taýýarlanylan «Magtymguly» atly kitabyň çapdan çykmagy beýik akyldara goýulýan belent sarpanyň aýdyň nyşanydyr. Kitapda akyldaryň halkymyzyň edep-terbiýe, ylym-bilim, çaga terbiýesi, ula hormat, kiçä sarpa goýmak, gahrymançylyk, watançylyk, döwletlilik garaýyşlaryny wasp edýän şygyrlary ýerleşdirilipdir. Olar ýaşlary milli ruhda terbiýelemekde aýratyn gymmata eýedir. Biz hem «Pähim-paýhas ummany Magtymguly Pyragy» ýylynda beýik şahyryň doglan gününiň 300 ýyllygy mynasybetli geçirilýän çärelere işjeň gatnaşýarys. Ýaş nesli beýik söz ussadynyň nusgalyk döredijiligine çäksiz buýsanç we hormat goýmak ruhunda terbiýelemek maksady bilen, ilat arasynda maslahatlary, duşuşyklary ýygy-ýygydan guraýarys. Çärelerde edilýän çykyşlarda beýik söz ussadynyň baý we köpugurly döredijiligini öwrenmekde dünýä jemgyýetçiligi bilen bilelikde alnyp barylýan işleriň ähmiýeti aýratyn nygtalýar.

23 Maý 2024

Garaşsyzlyk

Arassa agyz suwy bilen üpjünçilik — abadan ýaşaýşyň möhüm şerti

Düýn Arkadagly Gahryman Serdarymyzyň gatnaşmagynda paýtagtymyzyň Bagtyýarlyk etrabynda kuwwaty bir gije-gündizde 150 müň kub metr bolan täze «Bagtyýarlyk» agyz suwuny arassalaýjy desgasynyň açylyş dabarasy boldy. Bu döwrebap desganyň taslamasynyň durmuşa geçirilmegi diňe etrap üçin däl, eýsem, tutuş Aşgabat şäheri üçin hem uly ähmiýete eýedir. Açylyş dabarasyna gatnaşanlaryň käbiriniň täze desga baradaky pikirlerini okyjylara ýetirýäris.

23 Maý 2024

Garaşsyzlyk

Täzelikler

Halkyň çörek we çörek önümlerine bolan islegini kanagatlandyrmakda «Lebapgallaönümleri» önümçilik birleşiginiň Türkmenabat şäherindäki 2-nji çörek kärhanasynda netijeli işler durmuşa geçirilýär. Kärhanada şu ýylyň ýanwar-aprel aýlarynda çörek we çörek önümleriniň 5 müň 704 tonnasy, pul hasabynda bolsa 11 million 449 müň 100 manatlygy öndürilip, ilata ýetirildi. Şeýle-de bu döwürde kärhanada unaş önümleriniň hem 196 tonnasy öndürilip, 229 müň 300 manatlyk iş edildi. Netijede geçen dört aýda jemi öndürilen önümleriň pul hasabyndaky möçberi 11 million 678 müň 420 manatlyga deň boldy. Bu bolsa meýilnamada bellenilenden ep-esli artykdyr. Kärhanada taýýarlanylýan çörek we çörek önümleri, unaş önümleri bilen bir hatarda süýji-köke önümlerine-de islegler barha artýar.

22 Maý 2024

Garaşsyzlyk

Ynanyşmagyň we hyzmatdaşlygyň güýji bilen

«Ynanyşmak we hyzmatdaşlyk». Bu jümle ýakynda Russiýa Federasiýasynyň Tatarystan Respublikasynda geçirilen «Russiýa — Yslam dünýäsi: KazanForum 2024» XV halkara ykdysady forumynyň esasy şygary boldy. Bu foruma ynanyşmagyň we netijeli hyzmatdaşlygyň merkezi bolan Türkmenistandan Gahryman Arkadagymyzyň ýolbaşçylygyndaky wekiliýetiň gatnaşmagy bolsa onuň halkara derejesindäki ähmiýetini has-da artdyrdy. Milli Liderimiziň dostlukly döwlete iş sapary türkmen-rus we türkmen-tatar hyzmatdaşlygynyň nobatdaky sahypasyna öwrüldi. Iş saparynyň birinji gününde Milli Liderimiziň Tatarystan Respublikasynyň Baştutany Rustam Minnihanow bilen geçiren gepleşikleri iňňän netijeli boldy. Gepleşikleriň dowamynda nebitgaz, gämi gurluşygy, himiýa senagaty pudaklarynda, awiasiýa tehnikasyny, ýük awtoulaglaryny ibermek babatda üstünlikli alnyp barylýan bilelikdäki işlere üns çekildi. Ynsanperwer ulgamda, şol sanda bilim, medeniýet, sungat boýunça hyzmatdaşlyk türkmen-tatar gatnaşyklarynyň möhüm ugry bolup durýar. Gahryman Arkadagymyzyň duşuşykda nygtaýşy ýaly, Türkmenistan Russiýa Federasiýasy bilen strategik hyzmatdaşlygyň çäklerinde Tatarystan bilen köpugurly gatnaşyklary hemmetaraplaýyn pugtalandyrmagy we giňeltmegi ugur edinýär.

22 Maý 2024

Garaşsyzlyk

Ruhy dünýämiziň şamçyragy

Arkadagly Gahryman Serdarymyzyň beýik başlangyçlary bilen okgunly ösüşlere beslenýän Berkarar Diýarymyzda Türkmenistanyň Konstitusiýasynyň hem-de Türkmenistanyň Döwlet baýdagynyň gününiň öňüsyrasynda mermer paýtagtymyzyň günortasynda, Köpetdagyň gerşinde Magtymguly Pyragynyň ýadygärliginiň we «Magtymguly Pyragy» medeni-seýilgäh toplumynyň açylyp, ulanylmaga berilmegine bagyşlanan dabaralaryň çawy dünýä doldy. Şol toý günlerinde akyldar şahyrymyzyň täze goşgular ýygyndysynyň neşir edilmegi-de şatlygymyza şatlyk goşdy. Bu dabaralara gatnaşyp, taryhy wakalaryň jümmüşinde bolmak ýüregiňde şygryýete şine bolýan beýik duýgular bilen birlikde akyldar şahyryň döredijiligini äleme nagyş eden Gahryman Arkadagymyza, hormatly Prezidentimize çäksiz buýsanjy hem kalbyňa bagyşlaýar. Hut Gahryman Arkadagymyzyň asylly başlangyjy, yzygiderli aladalary bilen bina bolan, dünýä halklarynyň naýbaşy ýazyjy-şahyrlarynyň başyny jemlän Magtymguly Pyragynyň ýadygärliginiň we medeni-seýilgäh toplumynyň açylyş dabarasyna hormatly Prezidentimiziň gatnaşmagy hem-de bu ýerde taryhy söz sözlemegi umumadamzat medeniýetiniň aýrylmaz bölegine öwrülen edebi mirasymyza, taryhymyza şan beren beýik şahsyýetlerimize, ruhy dünýämiziň ganaty bolan döredijilige döwletimiz tarapyndan goýulýan belent sarpanyň ýüze çykmasy boldy.

22 Maý 2024

Garaşsyzlyk

Ak ýollar ak paýtagtda birleşýär

Diňe bir ýurdumyzyň ýollary däl, eýsem, halkara gatnaşyklarynda hem möhüm çözgütlere uzaýan ýollar türkmen paýtagtynda birleşýär. Dünýäniň iň möhüm ylalaşdyryjy we parahatçylygy dörediji merkezleriniň biri bolan ak şäherimiz bu goşa güýjüni gözelligine hem siňdirýär. Bu bolsa XIX asyryň segseninji ýyllarynda düýbi tutulan merjen paýtagtymyzyň barha juwanlaşmagyna şert döredýär. Aýdymlarda aýdylyşy ýaly, juwan şäher Aşgabat Gahryman Arkadagymyzyň we Arkadagly Gahryman Serdarymyzyň taýsyz tagallalary bilen gaýtadan dünýä indi. Ol bu gün dünýäniň iň owadan şäherleriniň birine öwrülýär. Bu günki gün Ýer ýüzüniň Nýu-Ýork, Pariž, Dubaý, London, Şanhaý, Er-Riýad, Sankt-Peterburg ýaly has iri we gözel şäherlerinden iş sapary ýa gezelenç maksady bilen paýtagtymyza sary ýola düşen her bir adamyň: «Men Aşgabada barýaryn» diýen sözleri buýsanç bilen aýdýandygyny eşidýäris. Hawa, biziň paýtagtymyz daşary ýurtlularyň ählisiniň gelip görmek isleýän gözelligine, täsinligine öwrülýär.

22 Maý 2024

Garaşsyzlyk

Aşgabat

Aşyklaryň şäheri, dag goýnunyň düri sen,Gül Zeminiň zynaty, dünýäň tylla-zeri sen,Dost-doganlyk halklaryň toý toýlaýan ýeri sen,Göýä, asmandan inen, sahypjemal peri sen,Arkadagyň yhlasy, ak bagtymyz Aşgabat,Aziýanyň merjeni paýtagtymyz Aşgabat. Göwün deý giň ýollaryň çar tarapa uzaýar,Gyzyl-elwan gülleriň giň gujagyň bezeýär,Depäňden tylla Güneş ýyly nurun gezeýär,Bir keşbiňi synlanlar ýene gelmä dyzaýar.Egsilmejek arzuwlar ak bagtymyz Aşgabat,Aziýanyň merjeni paýtagtymyz Aşgabat.

22 Maý 2024

Garaşsyzlyk