Täze goşgular
RubagylarIki pälwan orta göreşe çykdy,Biri daýanykly, biri arrykdy.Tutluşykda emel hem hile bilenÇepiksi diýenmiz daýawy ýykdy.* * *Toýlaryň bezegi ozan, bagşydyr,Döwräni bezeýän söhbet ýagşydyr.Märekede dogry sözläp bilmeseň,Sepiňi syzdyrman dyman ýagşydyr.* * *Bilbil deý ýakymly saýramaz serçe,Gyjagyň owazyn bermez kemençe.Seteran goýsalar on gyzy, läläm,Barysy birigip bolmaýar sençe!* * * Günler günler bilen sapylýan eken,Her günde özgeriş tapylýan eken.Eger-de ykbalyň gaýtgyny bolsa,Öz itiň özüňe topulýan eken.* * * Ekiniň hasylly bolmagyn isle,Dokmaňyzlyk ynam, buýsançdyr nesle.Ýeňleslik hiç haçan oňlanýan däldir,Suwda gaýýan tohum gögermez asla.* * * Dert gelýändir hetden aşa doýmakdan,Kanagatyň gidip, geçeňde çakdan.Tagamlaryň hersi melhemdir, derman,Erkli bolsaň şypa geler iýmekden.* * * Täsin ýeri, oňuşmansoň bu serde,Iki gulak ýerlemändir bir ýerde.Burun iki göze kazy bolupdyr,Goýmasyn diýp biri-birini derde.* * * Beýge çyksaň, seretmegin yzyňa,Ynam bilen berk ýapyş-da dyzyňa.Öňdenem, yzdanam bolma tamakin,Maksadyňy hemra edip özüňe.* * * Suwa girme erkin ýüzüp bilmeseň,Dutary gynama çalybilmeseň.Terbiýäň ýerlemez nesilleriňde,Özüň ata pendin tutup bilmeseň. Bazar Şa
