Berkarar döwletiň täze eýýamynyň Galkynyşy döwründe Gahryman Arkadagymyzyň we hormatly Prezidentimiziň tagallasy bilen ýurdumyzyň daşary syýasaty üstünlikli durmuşa geçirilýär. Şonuň netijesinde Garaşsyz, hemişelik Bitarap Türkmenistan dünýäniň ýurtlary, iri halkara guramalary we olaryň ýöriteleşdirilen düzümleri bilen dostlukly hyzmatdaşlyk gatnaşyklary yzygiderli pugtalandyrýar. Munuň özi ýurdumyzyň daşary syýasatynyň parahatçylyk söýüjilikli häsiýetiniň, halkymyzyň döwletlilik ýörelgeleriniň dünýä ýaýylmagynda möhüm ähmiýete eýe bolýar.
Mälim bolşy ýaly, Bitarap Türkmenistan daşary syýasatyny üstünlikli durmuşa geçirmek bilen, sebit we halkara gatnaşyklarda medeni-ynsanperwer ugur boýunça hyzmatdaşlygy hemmetaraplaýyn hem-de yzygiderli ösdürmäge möhüm ähmiýet berýär. Şu ýylyň 29 — 31-nji marty aralygynda Koreýa Respublikasynda Türkmenistanyň Medeniýet günleriniň geçirilmegi munuň nobatdaky aýdyň subutnamasy boldy. Bu Medeniýet günleri türkmen-köreý dostluk gatnaşyklarynyň pugtalanmagynda möhüm ähmiýete eýe boldy.