Degişli bejeriş işleri tamamlanyp, gämi barlaglaryndan üstünlikli geçirilen «Huseýn Jawid» ýük gämisi gaýtadan işe girizildi hem-de Türkmenistana tarap ýüzüşe ugradyldy. Azerbaýjan Respublikasynyň deňiz ulaglary flotuna degişli bolan ýük gämisiniň hereketlendirijilerini, mehanizmlerini abatlamak işleriniň «Zyh» gämi abatlaýyş kärhanasynda geçirilendigi barada ASCO-nyň metbugat gullugy habar berýär.
Ýük gämisinde gurnama, radionawigasiýa we kebşirlemek işleri geçirildi. Onuň suwasty we ýerüsti bölekleri abraziw gum bilen doly arassalanyp boýaldy, şunuň bilen birlikde hem ýaşaýyş we hyzmat ediş otaglary döwrebap ülňülerine kybap derejede gurnaldy.