Halkara Awtoulaglar Federasiýasy (FIA) 1904-nji ýylyň 20-nji iýunynda döredildi. Federasiýasynyň 140 döwletden 235 agzasy bar. Halkara Sport Federasiýasy görnüşinde döredilen bu guramanyň ştab-kwartirasy Fransiýanyň Pariž şäherinde ýerleşýär. Esasy dilleri iňlis we fransuz dilleridir.
Halkara Awtoulaglar Federasiýasy dürli ýyllarda awtomobil sporty boýunça yzygiderli bäsleşikleri geçirýär. Ilkinji gezek 1950-nji ýylda Formula-1 sport ýaryşyny geçirýär. Şondan soň Karting boýunça çempionat, awtoralli, Formula-E we beýleki ýaryşlar geçirilip gelinýär.