Özbegistanyň Daşarky zähmet migrasiýasy agentligi Latwiýanyň «Kreiss» ulag we logistika kompaniýasy bilen ýük awtoulag sürüjilerini Latwiýada guramaçylykly işe almak barada şertnama baglaşdy. Bu barada «Dunýo» habar berýär.
«Kreissiň» wekilleri Özbegistana eden sapary wagtynda Ulag ministrliginiň we Halkara ýol ulaglary assosiasiýasynyň ýolbaşçylary bilen gepleşik geçirdiler. Sürüjiler «Watanparwar» sürüjilik mekdebiniň binýadynda tälim alarlar. Okuwyň netijelerine esaslanyp, Ýewropa standartlaryna laýyklykda şahadatnamalar alyp, Ýewropa Bileleşiginiň ýurtlarynda iş alyp bararlar. Latwiýa guramaçylykly işe almak baradaky şertnamada 600 özbek sürüjisiniň ýollanylmagy göz öňünde tutulýar.
