ÝHHG bilen hyzmatdaşlyga ygrarlylyk
Golaýda Türkmenistanyň daşary işler ministriniň orunbasary W.Hajiýewiň ýolbaşçylygyndaky wekiliýet Demirgazyk Makedoniýa Respublikasynyň Skopýe şäherinde geçirilen ÝHHG-niň ministrler Geňeşiniň 30-njy mejlisine gatnaşdy. Ol gurama agza döwletleriň 57-siniň daşary syýasat edaralarynyň ýolbaşçylarydyr wekillerini, şeýle-de hyzmatdaş ýurtlaryň 11-sinden wekiliýetleri bir ýere jemledi. Nobatdaky duşuşyk Ýewroatlantika sebitinde we Ýewraziýada howpsuzlygy üpjün etmek bilen bagly möhüm meseleleri ara alyp maslahatlaşmak üçin netijeli meýdança bolup hyzmat etdi.
