Türkmenistan Garaşsyzlygyna eýe bolandan soň, ähli ýurtlar bilen özara bähbitli, dostlukly, ikitaraplaýyn we köptaraplaýyn gatnaşyklary ýola goýdy. Gözbaşyny gadymyýetiň jümmüşinden alyp gaýdýan türkmen-täjik dostluk ýörelgeleri, hyzmatdaşlyk gatnaşyklary häzirki wagtda täze many-mazmun bilen baýlaşdyrylýar.
Türkmen hem-de täjik halklary asyrlaryň dowamynda dostlukly ýaşap, edil dogan ýaly agzybirlikde, ýakyn gatnaşykda bolup gelen halklardyr. Nakyllarda «Dogan dogana gala» diýlişi ýaly, iki doganlyk ýurduň halklarynyň arasyndaky gatnaşyklar hem berk taryhy köklere daýanýar.