10-11-nji maýda hormatly Prezidentimiz Serdar Berdimuhamedow iki günlük döwlet sapary bilen Täjigistan Respublikasynda boldy
Türkmen hem-de täjik halklary asyrlaryň dowamynda dostlukly ýaşap, edil dogan ýaly agzybirlikde, ýakyn gatnaşykda bolup gelen halklardyr. Halk nakyllarynda «Dogan — dogana gala» diýlişi ýaly, iki doganlyk ýurduň halklarynyň arasyndaky gatnaşyklar hem berk taryhy köklere daýanýar. Şoňa görä-de, diplomatik gatnaşyklary 1993-nji ýylyň 27-nji ýanwarynda ýola goýlan Türkmenistan bilen Täjigistanyň arasyndaky gatnaşyklar döwlet Baştutanymyzyň tagallasy bilen täze derejelere çykýar. Muny hormatly Prezidentimiziň Täjigistan Respublikasyna amala aşyran ilkinji döwlet sapary nobatdaky gezek subut etdi.