«Demirýollary» açyk görnüşli paýdarlar jemgyýetiniň wekilleri we IBA Group Halkara holdingi IT-tehnologiýalar we hünärmenleri okatmak babatynda hyzmatdaşlygy ösdürmegi ylalaşdylar. Aşgabatda geçen ITTC-2023 ulag maslahatynyň meýdançasynda taraplar hyzmatdaşlyk etmek hakynda degişli ähtnama gol çekdiler.
IBA Group kompaniýasynyň Türkmenistanyň demir ýol edarasy bilen gepleşikleriniň barşynda ýurduň ugurdaş edaralarynyň milli demir ýol toplumynyň tehniki düzüm bölegini kämilleşdirmegiň üstünde hemişelik işleýändikleri nygtaldy.
