"Rysgal" gazeti

Esaslandyryjysy: Türkmenistanyň Senagatçylar we telekeçiler birleşmesi
Salgysy: Aşgabat şäheri, A.Nyýazow şaýoly, 174
Telefon belgileri:21-23-57

Habarlar

Bagtyýar çagalar — eşretli ertirimiziň eýeleri

Şu hepdäniň duşenbe güni, ýagny 19-njy awgustda gözel paýtagtymyzyň merkezinde ýerleşýän, kaşaň «Garagum» myhmanhanasynyň ýanyndaky giň açyk meýdançada säher bilen başlan baýramçylyk şowhuny, çagalar döredijilik toparlarynyň joşgunly aýdym-sazly çykyşlary daş-töwerege şirinden-şirin owazlary bilen ýaň salyp, bu ýerde ýurdumyzda ilkinji gezek geçirilýän «Kids Ekspo: ähli zat çagalar üçin» atly halkara sergi-ýarmarkasynyň açylyşyna aýratyn öwüşgin çaýdy.

Il-ýurt bähbitli möhüm ädimler

Mälim bolşy ýaly, şu ýylyň 24-nji sentýabrynda, mukaddes Garaşsyzlygymyzyň şanly baýramynyň öňüsyrasynda Türkmenistanyň Halk Maslahatynyň nobatdaky mejlisi geçiriler. Gahryman Arkadagymyzyň beýik başlangyçlary, Arkadagly Gahryman Serdarymyzyň taýsyz tagallalary esasynda halk bilen häkimiýetiň jebisligini üpjün etmek, ýurdumyzda hemmetaraplaýyn kämil jemgyýeti kemala getirmek boýunça giň gerimli işler alnyp barylýar. Bu ugurda taryhy özgertmeler amala aşyrylyp, uly üstünliklere ýetilýär. Türkmenistanyň Halk Maslahatynda ýurdumyzy mundan beýläk-de okgunly ösdürmek, halkymyzyň bagtyýar we abadan ýaşaýşyny üpjün etmäge gönükdirilen düýpli özgertmeleri durmuşa geçirmek barada ileri tutulýan wezipelere garalar. Eziz Watanymyzyň iň täze taryhynda biziň ýetýän belent sepgitlerimiziň, gazanýan üstünliklerimiziň, halkymyzyň durmuşynda amala aşyrylýan düýpli özgertmeleriň ajaýyp esasy bar. Ol bolsa döwlet Garaşsyzlygymyzdyr. «Pähim-paýhas ummany Magtymguly Pyragy» ýylynda mukaddes Garaşsyzlygymyzy gazananymyza 33 ýyl dolýar.

Halk häkimiýetiniň dabaralanmasy

Türkmenistanyň Halk Maslahatynyň döredilmegi we onuň mejlisleriniň yzygiderli geçirilmegi raýat jemgyýetini has-da kämilleşdirmäge, halk häkimiýetiniň milli nusgasyny kemala getirmäge giň mümkinçilikleri açdy. Şeýle hem döwletimizi syýasy, ykdysady, durmuş we medeni taýdan ösdürmek meseleleri Türkmenistanyň Halk Maslahatynyň öňünde durýan esasy wezipeler bolup, bu ugurda dünýä nusgalyk işler üstünlikli dowam edýär. Bular dogrusynda şu günler etrabymyzyň edara-kärhanalarynda guralýan maslahatlarda we duşuşyklarda hem buýsançly çykyşlar diňlenilýär. Gahryman Arkadagymyzyň we hormatly Prezidentimiziň mukaddes Garaşsyzlygymyzyň şanly 33 ýyllyk baýramynyň öň ýanynda geçiriljek Türkmenistanyň Halk Maslahatynyň mejlisine ýokary derejede taýýarlyk görmek boýunça beren tabşyryklaryndan ugur alnyp geçirilýän şeýle ähmiýetli işlere ildeşlerimiz uly ruhubelentlik bilen gatnaşýarlar. Çünki watandaşlarymyzyň bagtyýar şu gününi we nurana ertirlerini berkarar etmek ugrundaky özgertmelere goşant goşmak biziň her birimiz üçin mukaddes borç we belent mertebedir. Ýurdumyzda halkymyzyň bagtyýarlygy ugrunda edilýän aladalardan ruhlanyp, ilatyň arasynda Gahryman Arkadagymyzyň we Arkadagly Gahryman Serdarymyzyň dünýä nusgalyk işlerini yzygiderli wagyz ederis.

Erşi — tar, çitimi — aýdym

Haly hakynda öň hem köp zatlar aýdylypdyr. Rowaýatlar, tymsallar, nakyllar döräpdir. Gahryman Arkadagymyz bu barada «Arşyň nepisligi», «Janly rowaýat» atly ajaýyp kitaplaryny ýazdy. Ine, şu ýagdaýlaryň özi hem halynyň diňe maddy gymmatlyk bolup çäklenmeýändigini, onuň halkymyzyň ruhy durmuşynda-da aýratyn ornunyň bardygyny aňladýar. Halyçylyk sungatyna türkmen halkynyň durmuşynyň, häsiýetleriniň, dünýägaraýşynyň şöhlelenmesi diýip bolar. Ýaşaýşyň, dünýäniň gözelliklerini aýratyn ýitilik bilen duýýan, pany jahany elmydama oňyn tarapdan görüp, ähli ruhy, aňyýet, döredijilik güýjüni durmuşy gözelleşdirmäge sarp edip gelen halkymyzyň halyçylygy diňe bir sungat derejesine ýetirmek bilen çäklenmän, öz durmuşynyň köp taraplaryny, ýagny adamçylyk gatnaşyklary, ynsaplylyk, işe yhlas, sabyrlylyk, edep-ekram, hoşniýetlilik ýaly iň oňat häsiýetleri terbiýelemegiň, ýüze çykarmagyň inçe senedi hökmünde kämilleşdirendigi bellidir.

To­mus­da ke­sel­den go­ran­mak üçin...

Dür­li mi­we­le­riň­dir gök önüm­le­riň ýe­tiş­ýän döw­rün­de gyş üçin iş­däa­çar­la­ry, mü­rep­be­le­ri, gaý­nat­ma­la­ry taý­ýar­la­ýan ge­lin-gyz­la­ry­my­zyň bu gün­ler hy­syr­dy­sy ýe­tik bol­sa ge­rek. Biz hem dür­li ke­sel­çi­lik­le­riň ýü­ze çyk­maz­ly­gy üçin hök­ma­ny su­rat­da ber­jaý edil­me­li düz­gün­ler ba­ra­da söz aç­ma­gy ma­kul bil­dik. Bo­tu­lizm­den ägä bo­luň!

Türkmenistanyň wekiliýeti IX Hazar mediaforumyna gatnaşdy

Türkmenistanyň metbugat hünärmenleriniň wekiliýeti 16-17-nji awgustda Astrahanda geçirilen IX Hazar mediaforumyna gatnaşdy.Mediaforumyň birinji gününde oňa gatnaşýan Azerbaýjan, Eýran, Gazagystan, Russiýa, Türkmenistan, şeýle hem Belarus we Özbegistan ýaly ýurtlaryň wekilýetleriniň ýolbaşçylarynyň ýygnagy boldy. Çäräniň esasy gününde, 17-nji awgustda umumy mejlis we tematiki sessiýalaryň bäşisi geçirildi. Oňa gatnaşyjylar sungatda we metbugatda sanly tehnologiýalaryň ösüşi, nusgawy sungatyň we kinonyň ählumumy aragatnaşyk dili hökmünde täze durmuşyny, şeýle hem Ýewraziýa giňişliginde medeni hem taryhy jebisligiň mysallaryny ara alyp maslahatlaşdylar. Mundan başga-da, «Derňew žurnalistikasy» atly ussatlyk sapagy we Hazar ýurtlarynyň habarlar agentlikleriniň wekilleriniň duşuşygy boldy.

HALK MASLAHATY – SYÝASY JEBISLIGIŇ MILLI NUSGASY

Halkymyzyň müňýyllyklaryň dowamynda kämilleşdirilen döwlet gurmagyň baý tejribesi, şöhratly ýoly, nusgawy milli demokratik mekdebi bar. Oguz hanyň döwründen bäri akylly, paýhasly, tejribeli ýaşululara geňeş salyp, maslahat etmek däbi ýörgünli bolupdyr. Adalatlylygy bilen belli bolan Oguz türkmen döwletiniň, Seljuk türkmenleriniň döwletiniň, Osman türkmenleriniň döwletiniň ählumumy halk ýygnagy esasynda döredilendigi taryhdan mälimdir. Berkarar döwletiň täze eýýamynyň Galkynyşy döwründe döwleti dolandyrmak işinde asyrlaryň dowamynda synagdan geçen milli ýörelgelerimize uly ähmiýet berip, demokratik institutlar ösdürilýär, raýat jemgyýeti kemala getirilýär, hakyky halk häkimiýetliliginiň esaslary pugtalandyrylýar.

Türkmenistanyň Belarus Respublikasyndaky ilçihanasy Magtymguly Pyragynyň ýubileýi mynasybetli çäre gurady

14-nji awgustda Belarusuň Daşary ýurtlar bilen dostluk we medeni gatnaşyklar jemgyýetiniň — Dostluk öýüniň binasynda beýik türkmen şahyry Magtymguly Pyragynyň doglan gününiň 300 ýyllygyna bagyşlanan dabaraly çäre geçirildi. Çäräni Türkmenistanyň Belarus Respublikasyndaky Ilçihanasy gurady. Çärä Belarus Respublikasynyň Daşary işler ministrliginiň, Minskde akkreditirlenen diplomatik wekilhanalaryň we halkara guramalaryň wekilleri, alymlar we medeniýet işgärleri, türkmen diasporasynyň wekilleri we ýerli ýokary okuw mekdepleriniň talyplary, şeýle hem habar beriş serişdeleriniň wekilleri gatnaşdylar.

Özbegistanda türkmen suratkeşleriniň eserleriniň Magtymguly Pyragynyň doglan gününiň 300 ýyllygyna bagyşlanan sergisi açyldy

16-njy awgustda Özbegistan Respublikasynyň Çeperçilik akademiýasynyň binasynda Gündogaryň beýik şahyry we akyldary Magtymguly Pyragynyň doglan gününiň 300 ýyllygy mynasybetli türkmen suratkeşleriniň eserleriniň sergisiniň açylyş dabarasy geçirildi. Dabara Ilçi Ş.Meredow, Özbegistan Respublikasynyň Çeperçilik akademiýasynyň başlygy A.Nuridinow, medeniýet we sungat işgärleri hem-de köpçülikleýin habar beriş serişdeleriniň wekilleri gatnaşdylar.

Mä­lik­gu­ly Berdimuhamedowyň ýa­dy­gär­li­gi ha­ty­ra­lan­yldy

«7/24.tm»:№34 (221) 19.08.2024 2024-nji ýylyň 12-nji aw­gust­ynda Türk­me­nis­ta­nyň Pre­zi­den­ti Ser­dar Berdimuhamedowyň ata­sy, Gurbanguly Berdimuhamedowyň kyb­la­sy, içe­ri iş­ler eda­ra­la­ry­nyň hor­mat­ly we­te­ra­ny Mä­lik­gu­ly Berdimuhamedowyň nus­ga­lyk öm­rü­ne ba­gyş­la­nan çä­re­ler ge­çi­ril­di. Bu ba­ra­da «Türk­me­nis­tan» ga­ze­tin­de ha­bar be­ril­di.

Şahyryň dilinde — Garaşsyzlyk, döwletlilik senasy

Türkmen halkynyň Milli Lideri Gahryman Arkadagymyz «Garaşsyzlyk — bagtymyz» atly kitabynda biziň ähli arzuw-maksatlarymyzyň hasyl bolmagynyň esasynda mukaddes Garaşsyzlygymyzyň durandygyny nygtamak bilen, ýene şeýle ýazýar: «Ata-babalarymyzyň asyrlarboýy arzuw edip gelen döwletini, beýik Magtymgulynyň: «Berkarar döwlet istärin» diýip şygra salan we: «Gurdugym, aslynda, bilgil, bu zeminiň myhydyr, //Erer ol erkin mydam, budur türkmen binasy» diýip, ruhy taýdan esaslandyran döwletini gurduk»... Milli Liderimiziň şu we beýleki eserlerinde, şol sanda “Pähim-paýhas ummany Magtymguly Pyragy” goşgusynda parasatly söze, milletiň erkinliginiň, garaşsyzlygynyň, berkarar döwletliliginiň, ynam-ygtykatynyň gymmatyna, adamzat ýaşaýşynyň manysyna düşünmegiň altyn açary bar. Gahryman Arkadagymyz akyldar şahyryň eserlerine halkymyzyň erkinlik, berkarar döwlet baradaky baş arzuw-umydynyň, dünýäniň islendik halky üçin gymmatly röwşen sözleriň siňendigini nygtaýar. Magtymguly öz halkynyň, şeýle-de tutuş adamzat nesliniň parahat, dostlukly, halal, bagtly durmuşyny üpjün etmek bilen baglanyşykly iň kämil pikirleri aýdyp gidipdir. Ol pikirler mydama ähmiýetli bolup gelipdir we dünýäniň şu güni, geljegi üçin hem ähmiýetlidir.

Baky bagtyň binýady

Mukaddes Garaşsyzlyk halkymyzyň baky bagtydyr, ýurdumyzyň ösüşleriniň berk binýadydyr. Eziz halkymyzyň asuda ýaşamagynyň, döretmeginiň we gurmagynyň, ösüşleriň ýolunda has belent sepgitlere ýetmeginiň baş şerti şanly Garaşsyzlykdyr. Berkarar döwletiň täze eýýamynyň Galkynyşy döwründe durmuşa geçirilýän beýik işler ýurdumyzyň ykdysadyýetiniň kuwwatlydygyny aýdyň beýan edýär. Bu beýik işlere buýsanmak, Watanymyza guwanmak, şanly Garaşsyzlygymyzyň toýuny toýlamak indi asylly däbe öwrüldi. Garaşsyzlyk türkmen halkynyň beýik maksatlarynyň durmuş ýüzünde amala aşmasydyr. Türkmen halkynyň buýsanjy bolan Garaşsyzlyk ata-babalarymyzyň parahatçylyk söýüjilik ýörelgesini dünýäde dabaralandyrmaga ýardam edýän mukaddeslikdir. Häzirki ajaýyp döwrümizde Türkmenistan dünýäde öz ornuny berkidýär, ösüşiň we parahatçylygyň ýurdy hökmünde ykrar edilýär. Halkara gatnaşyklarynyň doly hukukly agzasy hökmünde Garaşsyz, baky Bitarap Türkmenistan dünýä döwletleri, şol sanda abraýly halkara guramalary bilen hyzmatdaşlygyň berk binýadyny goýdy. Dünýäniň iň abraýly halkara guramasy bolan Birleşen Milletler Guramasynyň agzasy bolan ýurdumyz daşary syýasatda öz alyp barýan parahatçylyk söýüjilik ugruny anyk beýan edýär. Döwletimiziň parahatçylygyň tarapdary bolup çykyş etmek ýaly belent ynsanperwer syýasaty hemişelik Bitaraplyk ýörelgesinde öz beýanyny tapdy.

Azi­ýa­nyň dür-mer­je­ni

Paý­tag­ty­myz­da iri gur­lu­şyk­lar al­nyp ba­ryl­ýar Aş­ga­bat ýyl­sa­ýyn ös­ýär, öz­ger­ýär. Gaý­ta­lan­ma­jak mil­li we döw­re­bap bi­na­gär­lik aý­ra­tyn­lyk­la­ry bi­len gö­ren­le­ri haý­ran gal­dyr­ýar. Aş­ga­bat­da al­nyp ba­ryl­ýan gur­lu­şyk-bi­na­gär­lik iş­le­ri dün­ýä nus­ga­lyk bo­lup, ýur­du­my­zyň aja­ýyp hä­zir­ki gü­nü­ni we röw­şen gel­je­gi­ni dün­ýä ýaý­ýar.

Ýurdumyzyň welaýatlarynda

AHAL Baý­ram­çy­lyga sow­gat

Sagdynlygyň, sportuň, syýahatçylygyň sazlaşygy

Hormatly Prezidentimiz Serdar Berdimuhamedowyň taýsyz tagallasy bilen amala aşyrylýan ägirt uly işleriň netijesinde «Awaza» milli syýahatçylyk zolagy Berkarar döwletiň täze eýýamynyň Galkynyşy döwründe öz gözelligini has-da artdyryp, syýahatçylygyň merjeni, sagdynlygyň, ruhubelentligiň, sportuň mekany, dynç almak hem-de saglygyňy berkitmek, sagdyn durmuş ýörelgesine eýermek, sport bilen meşgullanmak üçin nusgalyk şert-mümkinçilikleriň üpjün edilen künjegi hökmünde dünýäde giňden tanalýar. Sagdyn durmuş ýörelgesine eýermekde, sport bilen meşgullanmakda bolsa döwlet Baştutanymyzyň peder ýörelgesini dowam etdirip, her bir raýata görelde bolup durýandygy döwrümiziň ajaýyp hakykatydyr. Muňa 14-nji awgustda zähmet rugsadynda bolýan hormatly Prezidentimiziň Hazar deňziniň kenarynda ýerleşýän «Awaza» milli syýahatçylyk zolagynda welosipedli gezelenç etmeginiň mysalynda hem aýdyň göz ýetirdik. Şol gün ir bilen döwlet Baştutanymyz deňiz kenaryna geldi. Tomsuna günüň bu çagynda «Awaza» milli syýahatçylyk zolagynda ýakymly howa gurşawy emele gelýär. Munuň özi deňizden we «Awaza» emeli derýasyndan öwüsýän sergin şemalyň, ýaşyl seýilgähleriň, tokaý zolaklarynyň döredýän salkyn howasynyň esasynda mümkin bolýar. Soňky ýyllarda şeýle zolaklaryň çägi ep-esli giňeldildi. Bu çäreler kenarýaka sebitiň ekologiýa ýagdaýynyň has-da gowulanmagyny hem şertlendirdi.

Gahryman Arkadagymyzyň nusgalyk göreldesi

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz: «Garaşsyz, hemişelik Bitarap Watanymyzda adam jemgyýetimiziň we döwletimiziň iň ýokary gymmatlygydyr. Şoňa görä-de, Bitarap döwletimiziň her bir raýatynyň, jemgyýetimiziň hem-de tutuş halkymyzyň beden we ruhy taýdan sagdynlygyny gazanmagy, sporty ösdürmegi hem-de sagdyn durmuş ýörelgelerini berkitmegi baş maksadymyz hökmünde öňe sürýäris» diýip nygtaýar. Milli Liderimiziň bu ugurda badalga beren dünýä nusgalyk işleriniň Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly baştutanlygynda üstünlikli dowam etdirilýändigi hemmämizi buýsandyrýar. Gahryman Arkadagymyzyň sportuň dürli görnüşleri bilen yzygiderli meşgullanmagy bolsa her bir raýat üçin nusgalyk ýörelgedir, göreldedir, mekdepdir. Sagdyn durmuş ýörelgeleriniň berkidilmegine möhüm ähmiýet berýän we bu ugurda ösüp gelýän ýaş nesle nusgalyk görelde bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow zähmet rugsady wagtynda paýtagtymyzyň demirgazygynda ýerleşýän Sport ulag merkezine bardy.

Halk maslahaty – milli jebisligiň nyşany

Halk demokratiýasy dabaralanýar Merdana pederlerimiziň arzuwlaryny hasyl eden berkarar döwletimiziň gülläp ösüşi, ähli ugurlarda gazanylýan üstünlikler we jemgyýetimiziň abadançylygy agzybir halkymyzyň yhlasynyň, tutanýerli zähmetiniň miwesidir. Her bir güni şanly wakalara beslenýän «Pähim-paýhas ummany Magtymguly Pyragy» ýylynda mukaddes Garaşsyzlygymyzyň 33 ýyllyk toýuna we Türkmenistanyň Halk Maslahatynyň mejlisine barýan günlerimizde biz bu hakykata ýene bir gezek göz ýetirýäris. Türkmenistanyň Halk Maslahatynyň Prezidiumynyň 20-nji iýulda kabul eden Kararyna laýyklykda, ýurdumyzyň jemgyýetçilik-syýasy durmuşynda möhüm ähmiýete eýe bolan umumymilli forumy şu ýylyň 24-nji sentýabrynda çagyrmak we Maslahat köşgünde geçirmek bellenildi.

Ylmy-amaly maslahat geçirildi

12-nji awgustda «Awaza» milli syýahatçylyk zolagynda Hazar deňziniň güni dabaraly bellenildi. Türkmen halkynyň Milli Lideri tarapyndan başy başlanyp, häzirki wagtda hormatly Prezidentimiziň baştutanlygynda üstünlikli durmuşa geçirilýän döwlet ekologiýa maksatnamalarynyň we taslamalarynyň binýadynda Hazarýaka sebitde ýaşaýan halklaryň, şol sanda dünýädäki ähli halklaryň abadançylygynyň hatyrasyna gönükdirilen, has takygy, täsin suw giňişliginiň baýlyklaryny aýawly saklamak we artdyrmak, daşky gurşawyň abadançylygyna aýawly çemeleşmek maksatlary durýar. Şu gezekki dabaralar hem ýurdumyzyň alyp barýan ekologiýa syýasatynyň üstünliklere beslenýändiginiň nobatdaky aýdyň beýany boldy.

Halkara hyzmatdaşlygyň çäklerinde

Hormatly Prezidentimiz Berkarar döwletiň täze eýýamynyň Galkynyşy döwründe halkymyzyň, ozaly bilen, ýaş nesliň saglygyny berkitmegi döwlet syýasatynyň ileri tutulýan wezipeleriniň biri hökmünde yglan edip, köpçülikleýin bedenterbiýe-sagaldyş hereketiniň hem-de ýokary netijeli sportuň ösdürilmegine uly ähmiýet berdi. Biz muny ýurdumyzda sportuň görnüşleri boýunça geçirilýän ýaryşlaryň mysalynda hem görýäris. Sport ulgamynda halkara hyzmatdaşlygyny pugtalandyrmak hem öňde durýan esasy wezipeleriň biridir. Ine, şu günler hem Birleşen Arap Emirlikleriniň Abu-Dabi welosport klubunyň welosipedçileri Aşgabat şäherinde okuw-türgenleşik ýygnanyşygyny geçýärler.

Lebap welaýaty: ýetilen sepgitler

Daň saz berip, jahan ýagtylyp ugrandan eýýäm düýnki umyt-arzuwlarymyzyň Türkmen halkynyň Milli Lideri Gahryman Arkadagymyzyň başlangyçlary, hormatly Prezidentimiz Arkadagly Gahryman Serdarymyzyň tagallalary bilen hasyl bolup, günsaýyn ösýän-özgerýän Garaşsyz baky Bitarap Türkmenistan döwletimiziň at-abraýy, mähriban halkymyzyň şan-şöhraty dünýä dolýar. 2022-nji — Halkyň Arkadagly zamanasy ýyly Garaşsyz baky Bitarap Türkmenistan döwletimiziň taryhyna altyn harplar bilen ýazylan Berkarar döwletiň täze eýýamynyň Galkynyşy döwrüni özi bilen alyp geldi.