"Rysgal" gazeti

Esaslandyryjysy: Türkmenistanyň Senagatçylar we telekeçiler birleşmesi
Salgysy: Aşgabat şäheri, A.Nyýazow şaýoly, 174
Telefon belgileri:21-23-57

Gazeti PDF görnüşinde ýükläp almak

Habarlar

Ýaz nygmaty kömelek — ýylyň ähli paslynda saçaklaryň bezegi

Her bir işinde «Döwlet adam üçindir!» diýen baş taglymatyndan ugur alýan hormatly Prezidentimiziň başlangyçlary netijesinde, milli ykdysadyýetiň agrosenagat pudagyny ösdürmekde, azyk üpjünçiligini has-da gowulandyrmakda belent sepgitlere ýetilýär. Bu işlere welaýatymyzyň hususy kärhanalary hem mynasyp goşant goşýarlar. Balkanabat şäheriniň golaýynda, Düzmergen ýaýlasynda ýerleşýän hem-de ýaz nygmaty saýylýan kömelekleri ösdürip ýetişdirmäge ýöriteleşdirilen ýyladyşhana toplumyny şolaryň hatarynda görkezmek bolar. Ýyladyşhana toplumy Türkmenistanyň Senagatçylar we telekeçiler birleşmesiniň agzasy «Altynnur zamany» hususy kärhanasyna degişli bolup, Berkarar döwletimiziň bagtyýarlyk döwrüniň ösen talaplaryna laýyklykda, Hytaý hem-de Ýaponiýa döwletlerinden satyn alnan kämil enjamlar bilen üpjün edilendir. Ylmyň öňdebaryjy gazananlaryna daýanýan toplumda ýyladyşhana şertlerinde ösdürilip ýetişdirilýän kömelekleriň iki görnüşiniň bitginli hasylyny kemala getirip, sarp edijilere yzygiderli ýetirmegiň hötdesinden gelinýär. Toplum kömelekleriň hersi üçin niýetlenilen aýratyn ýyladyşhanalaryň 6-syny özünde jemleýär. Diýmek, bu ýerde şeýle ýyladyşhanalaryň 12-si hereket edýär. Munuň özi hasyl ýygnalýan pursadynda kömelekleriň her görnüşinden günde 100 kilogramdan 150 kilograma çenli önüm almaga mümkinçilik berýär. Bu ýerde ekişiň bir tapgyrynda 3,5-4 tonna çenli kömelek hasylyny ýygnama

10 Fewral 2022

Telekeçilik

Saçaklaryň berekedine goşant

Lebap welaýatynyň Kerki etrabynda ýaşaýan telekeçi ýigit Batyr Rozyýew ýyladyşhana gurmak üçin özüne berlen 5 gektar ýeri özleşdirmek we ony gurplandyrmak babatda dessine alada edip başlady. Sebäbi çägesöw topragyň düzümini baýlaşdyrmasaň, geljekde ondan bol hasyl almajagyň belli. Şonuň üçinem telekeçi ýigit ýeri ders bilen gurplandyryp, desga üçin zerur bolan enjamlaryň ugruna çykdy. Olary Türkiýe Respublikasyndan satyn alyp, gysga möhletde gurmagy-da başardy. Şeýdibem, eýýäm geçen ýylyň sentýabr aýynda ýyladyşhananyň içinde pomidor şitillerini ýetişdirmäge mümkinçilik döredi. Gollandiýanyň «Rük Rizk» we «Zuwan» pomidor sortlarynyň artykmaç taraplarynyň köpdügi sebäpli, olar şitil ýetişdirmek üçin saýlanyp alynýar hem-de ýörite gapjagazlarda ekilýär. Önümçiligiň agronomy Maksat Mämmetgulow türkmen hünärmenlerinden pomidoryň bu sortlarynyň agrotehnikasyny kemsiz öwrenip, olara ýokary hilli ideg etmegi başardy. Galyberse-de, her gün internet arkaly öwrenilýän maglumatlar gowy şitilleriň ýetişmegini üpjün etdi. Şunlukda, jemi 92 müň şitil kemala getirildi. Wagty gelende, olar dört gektar meýdana ekildi. Ine, şundan soň ýene-de dartgynly we jogapkärli döwür başlandy.

9 Fewral 2022

Telekeçilik

«Täsin älem» täzeçilligiň gözleginde

Ak bugdaý etrabynyň senagat zolagynda mebel önümçiligi boýunça kärhanalaryň birnäçesi hereket edip, olar bu ugurda guwandyryjy işleri alyp barýarlar. Öndürýän önümleri bilen ilat arasynda uly meşhurlyk gazanan şeýle kärhanalaryň biri-de Türkmenistanyň Senagatçylar we telekeçiler birleşmesiniň agzasy Perhat Babaýewe degişli bolan «Täsin älem» söwda nyşanly önümleri bilen adygan önümçilik toplumydyr. Türkmenistanyň Kärdeşler arkalaşyklarynyň Ahal welaýat hem-de Ak bugdaý etrap birleşmeleriniň başlangyjy esasynda agzalan öňdebaryjy kärhanada bolup, önümçilik işleriniň ýola goýluşy bilen tanyşmagy makul bildik. Bu ýerde bizi kärhananyň ýolbaşçysy Perhat Babaýew garşylap, önümçilik bölümlerinde işleriň ýola goýluşy we öndürilýän önümleriň aýratynlygy hakda gürrüň berdi.

8 Fewral 2022

Telekeçilik

Amatly we ýokary hilli

Ajaýyp döwrüň peşgeşi bu: indi naýbaşy, ýokary hilli önümleri gözläp, ýurt sökmegiň ýa-da olary gaýry döwletlerden getirtmegiň geregi ýok. Bu gün şeýle önümler hut öz ýurdumyzda öndürilip dur. Ine, aýakgaby alyp göreliň! Aýakgap önümçiliginde italýan we türk dizaýnerleriniň taslan önümleriniň has hyrydarlydygyny bilýäris. Ozal şeýle aýakgaplar import arkaly getirilen bolsa, indi olary ýerli kärhanalarymyz elýeter bahadan öndürýärler. Önümleriň hili hem ýokary. Häzirki wagtda «Muhammet-Balkan», «Röwşen», «Gerçek» ýaly meşhur aýakgap öndüriji hususy taraplarymyzyň hataryna gündogar sebitde «Ýelken» haryt nyşanly aýakgaplary öndürýän kärhana-da goşuldy. Kerki etrabynda döredijilik saparynda bolanymyzda, Astanababa şäherçesinde ýerleşýän bu kärhanada aýak çekdik. Ol ýerde alnyp barylýan işler bilen tanşyp, kärhananyň iş dolandyryjysy Çary Öwlýäkulow bilen söhbetdeş bolduk. — Çary, ilki bilen, «Armaweriň!» diýýäris. Tüweleme, önümçilige şaýat bolup, işleriň barha ilerleýändigine göz ýetirdik. Şeýle-de bolsa, bu kärhana ýurdumyzda iň ýaş aýakgap öndüriji bolmagynda galýar.

3 Fewral 2022

Telekeçilik

Telekeçileriň batly gadamlary

Hormatly Prezidentimiziň geçen ýylyň dekabr aýynyň başynda geçen Türkmenistanyň Ministrler Kabinetiniň nobatdaky mejlisinde gol çeken «Dünýä ykdysadyýetindäki çylşyrymly ýagdaýlaryň ýurduň ykdysadyýetine ýetirýän täsirlerini peseltmek hem-de milli ykdysadyýeti durnukly ösdürmek boýunça 2022-nji ýyl üçin Maksatnamasy» we ony amala aşyrmak boýunça ýerine ýetirilmeli çäreleriň Meýilnamasy ata Watanymyzyň ykdysadyýetde gazanan üstünliklerini ýaňy başlanan «Halkyň Arkadagly zamanasy» ýylymyzda has-da berkitmek, ony mundan beýläk-de ýokary derejelere götermek babatdaky toplumlaýyn çäreleri öz içine alýar. Şonda esasy ünsüň ýurdumyzyň dürli pudaklaryna, döwlet we telekeçilik kärhanalaryna degişli goldawlary bermek, şeýlelikde, olaryň berjaý edýän işleriniň netijeliligini gowulandyrmak bilen, halkymyzyň durmuş derejesiniň has-da ýokarlandyrylmagyna gönükdirilendigini bellemek bolar. Munuň özi täze ösüşleriň esasynda abadan ýaşaýşyň kepili bolup durýar. Elbetde, hormatly Prezidentimiziň taýsyz tagallalary bilen, Berkarar döwletiň bagtyýarlyk döwründe ýurdumyzyň telekeçilik düzümleriniň milli ykdysadyýetimiziň ygtybarly daýanjynyň birine öwrülendigi hakykatdyr. Sebäbi olar soňky ýyllarda oba hojalygynda, senagatda, gurluşykda, söwda, durmuş hyzmatlarynda we beýleki ugurlarda amala aşyrylýan işlere içgin goşulmak bilen, olarda ýetilýän belent sepgitlerde özleriniň mynasyp p

2 Fewral 2022

Telekeçilik

Meşhurlygy artýan harytlar

«Türkmen şöhle» hojalyk jemgyýetiniň Ak bugdaý etrabynyň senagat zolagynda ýerleşýän plastmassa önümleriniň önümçiligi boýunça kärhanasynyň döredilip, işe girizilenine onçakly köp wagt geçenok. Şeýle-de bolsa, bu gün işi barha ilerleýän kärhanada öndürilýän, daşary bazarda bäsdeşlige ukyply, ýokary hilli plastmassa önümleriniň görnüşi 200-den hem geçip, olar ilat arasynda uly meşhurlyga eýedir. «Halkyň Arkadagly zamanasy» şygary astynda geçýän şanly ýylyň şu ajaýyp günlerinde Türkmenistanyň Kärdeşler arkalaşyklarynyň Ahal welaýat hem-de Ak bugdaý etrap birleşmeleriniň başlangyjy esasynda gürrüňi edilýän kärhanada bolup, ol ýerde alnyp barylýan işler bilen tanyşmagy makul bildik. Kärhananyň önümçilik sehiniň başlygy Didar Nuryýew bizi güler ýüz bilen garşylap, önümçilik işleriniň ýola goýluşy barada gürrüň berdi. Onuň aýtmagyna görä, hormatly Prezidentimiziň hususy pudagyň wekillerine berýän goldaw-hemaýatlary netijesinde döredilen kärhanada we 2,5 gektara barabar meýdanda ýerleşýän kärhananyň önümçilik desgalarynda dünýäniň meşhur önüm öndürijileriniň kämil tehnologiýalary, enjamlary ornaşdyrylandyr. Munuň özi ekologiýa taýdan arassa plastmassa önümleriniň dürli görnüşlerini öndürmäge mümkinçilik berýär. Önümçilik işinde buýrujylaryň islegi hem göz öňüne tutulýar.

1 Fewral 2022

Telekeçilik

Guş — gazna, toprak— tylla

(oçerk) Il­ki­ba­da onuň tu­tu­my­ny oň­la­ma­dyk­lar bol­dy. Tu­tan ýe­ri­ni go­par­ýan ýi­git we­li, di­ýe­nin­den dän­me­di. Ka­ka­sy So­py aga­la­ryň döw­let­ment, he­mi­şe ge­lim-gi­dim­li öýün­de güžžül­de­dip dü­ýe sa­gy­lar­dy, «gäw­miş ýa­ly» di­ýil­ýän sy­gyr­la­ryň her­si ir­den bir bed­re, ag­şam bir bed­re süýt be­rer­di, ke­tek­dä­ki gy­zyl ho­raz­la­ryň se­si şo dö­wür­dä­ki Tag­ta­nyň (hä­zir­ki Gö­rog­ly şä­her­çe­si) beý­le­sin­den eşi­di­ler­di, to­wuk­la­ryň guz­lan ýu­murt­ga­sy ki­çeň­räk ça­ga bed­re­si­ni dol­du­rar­dy. Eli uza­dan ýe­ri­ne ýet­ýä­nem bol­sa, So­py aga zyn­har­lar­dy: «Ýe­di ha­zy­na­nyň bi­ri­dir bu­laň her­si. Bi­lip go­ýuň, ýa­ta­gyň­da mal, ke­te­giň­de to­wuk-jüý­je bol­sa döw­le­tiň do­ly bol­du­gy­dyr».

30 Ýanwar 2022

Telekeçilik

Telekeçiler — ýurdumyzyň altyn gaznasy

GÖWÜNLERI GALKYNDYRAN PURSATLAR Hormatly Prezidentimiziň golaýda welaýatymyza iş saparynyň çäklerinde Görogly etrabynyň Türkmen ýoly geňeşliginiň çäginde hereket edýän «Işewür topar» hojalyk jemgyýetiniň guşçulyk toplumynda alnyp barylýan işler bilen ýakyndan tanyş bolmagy Garaşsyz ýurdumyzda telekeçilik ulgamyny ösdürmäge berilýän uly ünsüň, azyk bolçulygynyň döredilmegi ugrundaky giň gerimli aladalaryň anyk nyşanyna öwrülip, bu ýerde zähmet çekýän adamlaryň kalbyny joşa getirdi. Bu olaryň ýürek buýsançlarynda, häzirki günlerde öz işlerine has-da yhlasly ýapyşýandyklarynda aýdyň ýüze çykýar.

26 Ýanwar 2022

Telekeçilik

Şa gadamy şamçyragdyr ýolumyza

Hormatly Prezidentimiz geçen hepdede Daşoguz welaýatyna amala aşyran iş saparynyň dowamynda Görogly etrabynyň çäginde ýerleşýän «Işewür topar» hojalyk jemgyýetiniň guşçulyk toplumyna baryp, ol ýerde hojalyk jemgyýetiniň ýolbaşçysy Öremyrat Sopyýew hem-de onuň hünärmeni bilen duşuşyp, söhbetdeş boldy. Şol duşuşygyň özünde galan täsirleri dogrusynda gürrüňdeş bolmak üçin biz hem bu hojalyk jemgyýetiniň ýolbaşçysy Öremyrat Sopyýew bilen duşuşdyk. — Öremyrat, hormatly Prezidentimiz bilen duşuşmak, didarlaşmak, gör, nähili uly bagt!

25 Ýanwar 2022

Telekeçilik

Röwşen geljege tarap rowaç gadamlar

Halkyň hatyrasyna beýik işleri bitirýän Gahryman Arkadagymyz bilen il-günüň bir jan, bir tendigi, berkarar döwletimiziň 30 ýyllyk garaşsyz ösüş ýolunda ýeten sepgitleriniň dünýä ykrarnamasyna eýe bolanlygy we belent maksatlara tarap ynamly gadam urýandygy buýsançly hakykatdyr. Ýurdumyzda türkmen telekeçileriniň, senagatçylarynyň işleri bilen içgin gyzyklanylyp, olaryň armasy ýetirilýär. Muny geçen ýylyň dowamynda durmuşymyzda bolup geçen şanly wakalar hem tassyklaýar.

25 Ýanwar 2022

Telekeçilik

«Pla­net Labs» hem­ra­lar to­pa­ry ýo­ka­ry ösüş ga­zan­dy

«Pla­net Labs PBC» hem­ra kom­pa­ni­ýa­sy­nyň her bir paý­na­ma­dan alan gir­de­ji­si ge­çen hep­de­dä­ki bir­ža söw­da­la­ryn­da 13,77% ýo­kar­la­nyp, ABŞ-nyň 6,36 dol­la­ry­na ýet­di. Kom­pa­ni­ýa­nyň ba­zar söw­da do­la­ny­şy­gy ABŞ-nyň 1,47 mil­liard dol­la­ry­na barabar boldy. Ýe­ri ge­len­de aýt­sak, «Pla­net Labs»-yň ýyl­lyk gir­de­ji­si ABŞ-nyň 124 mil­lion dol­la­ryn­dan geç­di. «Pla­net Labs»-da hä­zir­ki wagt­da 244 sa­ny «Earth Re­mo­te Sen­sing» hem­ra­sy­ bar­dyr. Olar ow­nuk hem­ra­lar bo­lup, gün­de­lik glo­bal hem­ra su­rat­la­ry­ny 50 santimetr du­ru­lyk­da dü­şür­mä­ge ukyp­ly.

24 Ýanwar 2022

Telekeçilik

«ShockWave Me­dical»-yň paý­na­ma­la­ry­na gy­zyk­lan­ma art­ýar

Ge­çen hep­de ma­ýa go­ýu­jy­lar luk­man­çy­lyk en­jam­la­ry­ny ön­dür­ýän «ShockWave Me­dical» kom­pa­ni­ýa­sy­nyň paý­na­ma­la­ry­na uly gy­zyk­lan­ma bil­dir­di­ler. Mu­ňa kom­pa­ni­ýa­nyň tä­ze sa­tyn al­mak me­ýil­na­ma­sy ba­ra­da­ky mag­lu­ma­tyň çap edil­me­gi iter­gi ber­di. Hu­su­san-da, «Bloom­berg News» ne­şi­ri «Pe­numb­ra» luk­man­çy­lyk en­jam­la­ry kom­pa­ni­ýa­sy­nyň «ShockWave Me­dical» bi­len bir­leş­me­gi göz öňün­de tut­ýan­dy­gy­ny öňe sür­di. Se­bä­bi kom­pa­ni­ýa­nyň be­je­riş usu­ly­nyň has yg­ty­bar­ly­dy­gy nyg­tal­ýar we en­jam­la­ry­nyň sa­tu­wy­nyň ýyl­da ABŞ-nyň 8 mil­liard dol­la­ryn­dan ge­çip bil­jek­di­gi çak­la­nyl­ýar.

24 Ýanwar 2022

Telekeçilik

«In­tel» ABŞ-nyň 20 mil­liard dol­la­ry möç­be­rin­de ma­ýa go­ýar

«In­tel» kom­pa­ni­ýa­sy ýa­rym­ge­çi­ri­ji­le­riň önüm­çi­lik kuw­wa­ty­ny gi­ňelt­mek mak­sa­dy bi­len, tä­ze za­wo­dy­ny gur­ma­ga «Grea­ter Colum­bus» se­bi­ti­ni saý­la­dy. Kom­pa­ni­ýa tä­ze za­wo­dy üçin ABŞ-nyň 20 mil­liard dol­la­ry möç­be­rin­de ma­ýa go­ýar. Al­ba­ni­ýa­nyň Ko­lum­bus şä­her­çe­sin­de 1291 gek­tar meý­dan­da ýer­leş­jek täze za­wod­da 3000 adam zäh­met çe­ker. Ýe­ri ge­len­de bel­le­sek, soň­ky wagt­lar­da «In­tel» kom­pa­ni­ýa­sy gir­de­ji­si­ni ýo­kar­lan­dyr­mak mak­sa­dy bi­len, dün­ýä­niň ösen ýurt­la­ryn­da­ky bir­nä­çe za­wod­la­ry­na ma­ýa goý­ýar.

24 Ýanwar 2022

Telekeçilik

Gel­je­gi uly hyz­mat­daş­lyk

«Ta­ke-Two In­te­ractive Soft­wa­re» kom­pa­ni­ýa­sy komp­ýu­ter oýun­la­ry­ny dö­red­ýän we paý­la­ýan «Zyn­ga»-ny sa­tyn al­ma­gy mak­sat edin­ýär. Bu şert­na­ma kä­bir ma­ýa­dar­lar ta­ra­pyn­dan oňyn tes­wir­len­ýär. «Ta­ke-Two In­te­ractive Soft­wa­re» kom­pa­ni­ýa­sy­nyň 60 tas­la­ma­sy bo­lup, ýa­kyn gel­jek­de re­kord de­re­je­de ma­li­ýe ne­ti­je­le­ri­ni ga­zan­ma­gy me­ýil­leş­dir­ýär. «Zyn­ga» 2021-nji ýylyň dört çär­ýegin­de ABŞ-nyň 282 mil­lion dol­la­ryn­dan gow­rak nagt gir­de­ji ga­zan­dy. «Ta­ke-Two In­te­ractive Soft­wa­re» hem-de «Zyn­ga» bi­le­lik­de iň uly ma­ha­bat we oýun plat­for­ma­sy­ny dö­ret­me­gi mak­sat edin­ýär­ler.

24 Ýanwar 2022

Telekeçilik

Soň­ky 12 aý­da gir­de­ji­si 55% ýo­kar­lan­dy

Iş aky­my­ny üp­jün edi­ji «Asa­na» kom­pa­ni­ýa­sy bar­ha ös­ýän ba­zar­da ge­ri­mi­ni gi­ňeld­ýär. Kom­pa­ni­ýa­nyň esa­sy ösüş he­re­ket­len­di­ri­ji­si amat­ly iş gur­şa­wy hem-de iş­gär­le­riň ara­syn­da­ky gat­na­şyk­la­ryň ne­ti­jeli­li­gi­ni ýo­kar­lan­dyr­ma­ga kö­mek ed­ýän çöz­güt­ler bo­lup, soň­ky 12 aý­da gir­de­ji­si 55% ýo­kar­lan­dy. Müş­de­ri­ler tas­la­ma me­ýil­na­ma­la­ry­ny dö­ret­mek we to­pa­ryň ag­za­la­ry­na ýu­muş­lar bu­ýur­mak üçin «Asa­na»-nyň çöz­güt­le­ri­ni ulan­ýar­lar. Mag­lu­mat üçin, hä­zir­ki wagt­da «Asa­na» kom­pa­ni­ýa­sy­nyň 2 mil­lion­dan gow­rak tö­leg­li ula­ny­jy­sy bo­lup, ol «Alp­ha­bet», «Zo­om» we «Sa­les­force» ýa­ly teh­no­lo­gi­ýa kom­pa­ni­ýa­la­ry bi­len hyz­mat­daş­lyk ed­ýär. 

24 Ýanwar 2022

Telekeçilik

«Ast­ra­Ze­neca Bio­tech»-iň mil­liard dol­lar­lyk sa­tuw müm­kin­çi­li­gi

«Ast­ra­Ze­neca Bio­tech» bio­teh­no­lo­gi­ýa kom­pa­ni­ýa­sy­nyň önüm­le­ri­niň sa­tuw müm­kin­çi­li­gi ABŞ-nyň 1 mil­liard dol­la­ry­na çen­li ýo­kar­la­nyp bi­ler. Bu bol­sa «Ast­ra­Ze­neca Bio­tech»-iň ýyl­lyk çär­ýek­le­ri­niň je­mi bo­ýun­ça ABŞ-nyň 35 mil­liard dol­la­ryn­dan gow­rak gir­de­ji ga­zan­ma­gy­na iter­gi be­rer. «Ast­ra­Ze­neca Bio­tech»-iň bäs­deş­le­ri­niň az­ly­gy se­bäp­li, kom­pa­ni­ýa­nyň ösüş müm­kin­çi­li­gi uly. Mag­lu­mat üçin, kom­pa­ni­ýa «Ul­to­mi­ris» önü­mi bi­len 2021-nji ýy­lyň üçün­ji çär­ýe­gin­de ABŞ-nyň 300 mil­lion dol­la­ry möç­be­rin­de gir­de­ji ga­zan­dy.

23 Ýanwar 2022

Telekeçilik

Ýedi hazynanyň biri

Öremyrat SOPYÝEW,Daşoguz welaýatynyň Görogly etrabynyň «Işewür topar» hojalyk jemgyýetiniň ýolbaşçysy: — Hormatly Prezidentimiziň Daşoguz welaýatyna bolan iş sapary «Halkyň Arkadagly zamanasy» ýylynyň ilkinji günleriniň şanly wakalarynyň üstüni ýetirdi. Gahryman Arkadagymyz «Işewür topar» hojalyk jemgyýetimiziň guşçulyk toplumyna gelip, belent adamkärçiligi hem-de ýürekdeşligi bilen kalbymyzy nurlandyrdy, şatlygymyzy goşalandyrdy. Bu ajaýyp pursatlarda hojalyk jemgyýetimiziň hünärmenleriniň guşçulygy ösdürmek, ýerli önümleriň möçberini hem görnüşlerini artdyrmak, ýurdumyzyň azyk bolçulygynyň üpjün edilmegine mynasyp goşant goşmak ugrunda alyp barýan işleri barada döwlet Baştutanymyza gürrüň bermek bagtynyň miýesser edendigine çäksiz begenýärin.

22 Ýanwar 2022

Telekeçilik

Işler sazlaşykly guralýar

Soňky ýyllarda mähriban Arkadagymyzyň taýsyz tagallasy netijesinde, daşary ýurtlardan getirilýän harytlaryň ornuny tutýan önümçilik kuwwatlyklarynyň artdyrylmagyna möhüm ähmiýet berilýär. Şunuň bilen baglylykda, Diýarymyzyň çar künjeginde gysga döwrüň içinde dünýä ölçeglerine doly kybap gelýän häzirki zaman kuwwatly önümçilik kärhanalarynyň ençemesi gurlup, ulanylmaga berildi. Şolaryň hatarynda Ahal welaýatynyň «Owadandepe» geňeşliginiň çäginde ýerleşýän «Türkmen aýna önümleri» döwlet kärhanasyna möhüm orun degişlidir. Hormatly Prezidentimiziň milli ykdysadyýetimizi ösdürmek baradaky tagallalaryny durmuşa geçirmekde netijeli işleri alyp barýan bu kärhana ýurdumyzda giň möçberde ulanylýan aýna önümlerini öndürmekde möhüm orun degişlidir. Onuň sazlaşykly işi bolsa bu önüme bolan islegiň doly kanagatlandyrylmagynyň esasy şerti bolup durýar. Kärhananyň ýyllyk taslama kuwwaty 4 millimetrlik float usuldaky aýnanyň 7,2 million inedördül metrine ýa-da 72 müň tonnasyna deňdir. Bu önümçilik toplumynda ýylda 3,95 million inedördül metr aýna, 1 million inedördül metr tonirlenen aýna, 100 müň inedördül metr laminirlenen aýna, 300 müň inedördül metr taplanan aýna paketleri öndürmäge mümkinçilik bar.

20 Ýanwar 2022

Telekeçilik

Telekeçilik ösüş ýolunda

Ýurdumyzyň halk hojalygynyň ýokary depginde ösýän pudaklarynyň biri bolan telekeçilik ulgamy bazar ykdysadyýetine geçiş şertlerinde milli ykdysadyýetimiziň diwersifikasiýa ýoly bilen ösdürilýändiginiň aýdyň görkezijisidir. Hususy ulgamda importyň ornuny tutýan we eksport ugurly önümleri öndürmek maksady bilen amala aşyrylýan işleriň netijesinde oba hojalygy we gaýtadan işleýän senagat bilen bir hatarda, milli ykdysadyýetimiziň täze ugurlarynyň birnäçesi üstünlikli ösdürilýär. Häzirki wagtda türkmen işewürleriniň yhlasy bilen ýurdumyzyň ähli sebitlerinde kiçi we orta telekeçilik ösdürilýär. Ykdysadyýetiň esasy ulgamlaryna wekilçilik edýän iri kärhanalar we hojalyk jemgyýetleri giň möçberli döwlet maksatnamalaryny amala aşyrmaga mynasyp goşant goşup, ilatyň iş bilen üpjünçiligini ýokarlandyrmaga ýardam edýärler. Türkmenistanda 2019 — 2025-nji ýyllarda sanly ykdysadyýeti ösdürmegiň konsepsiýasyny durmuşa geçirmekde hem hususy ulgama möhüm orun degişlidir. Hususy telekeçileriň ýurdumyzyň elektron senagaty we elektrotehnika, gurluşyk we gurluşyk senagaty pudaklarynda, ulag we logistika ulgamynda, himiýa önümçiliginde, obasenagat toplumynda, azyk harytlarynyň we ýeňil senagat önümleriniň önümçiliginde gazanan oňyn netijeleri göwünleri galkyndyrýar. Bu günki gün milli öndürijileriň öndürýän harytlary we ýerine ýetirýän hyzmatlary hil taýdan dünýä ülňülerine doly laýyk gelýär. Milli h

20 Ýanwar 2022

Telekeçilik

Elektrik enjamlary öndürilýär

Türkmenistan dünýäde energiýa serişdeleriniň gorlary boýunça baý döwletleriň biri bolmak bilen, diňe içerki sarp edijilerini elektrik energiýasy bilen ygtybarly we bökdençsiz üpjün etmäge ukyply bolman, eýsem, onuň eksportynyň möçberini yzygiderli artdyrýar. Ýurdumyzyň elektroenergetika senagatynda berjaý edilýän işler häzirki döwrüň talaplaryna laýyk derejede ösdürilýär hem-de elektrik energiýasynyň önümçilik kuwwatlyklary artdyrylýar. Bu pudakda netijeli işleýän, hormatly Prezidentimiziň «Balkan welaýatynyň senagat pudagyny ösdürmegiň esasy ugurlary hakynda» Kararyna laýyklykda döredilen kärhanalaryň biri-de «Demir ölçeg» hususy kärhanasydyr. Ol Balkanabat şäheriniň Jebel şäherçesiniň çägindäki senagat zolagynda ýerleşýär.

19 Ýanwar 2022

Telekeçilik