Türkmenmetbugat

"Rysgal" gazeti

Esaslandyryjysy: Türkmenistanyň Senagatçylar we telekeçiler birleşmesi
Salgysy: Aşgabat şäheri, A.Nyýazow şaýoly, 174
Telefon belgileri:21-23-57

Gazeti PDF görnüşinde ýükläp almak

Habarlar

Bereket çeşmesi

Suw adamzat durmuşynda iň gymmatly hazyna. Durmuş döräli bäri, ýaşaýşyň we bolçulygyň çeşmesi hasaplanylýan suw tebigaty janlandyrýar, ynsan durmuşyny gülledip özgerdýär. Ol isripsiz ulanylmaly baýlykdyr. Hormatly Prezidentimiziň tagallalary bilen soňky ýyllarda diňe bir derýalarymyz däl, ýagyş-ýagmyrlaryň suwuny-da yrýa etmezlik üçin ygalyň köp düşýän ýerlerinde suw howdanlarynyň birnäçesi guruldy. «Altyn asyr» Türkmen kölüniň hanasyna toplanýan suwuň möçberi hem barha artýar. Geljekde onuň suwuny süýjedip, ekerançylyk, içimlik üçin peýdalanyp boljakdygyny hünärmenler aýdýarlar. Alym Arkadagymyzyň tagallalary bilen Hazar deňziniň suwuny süýjediji desgalaryň ençemesiniň gurulmagy, eýýäm bu ugurda ýeterlik tejribäniň toplanylandygyny aňladýar. Belli bolşy ýaly, her bir ugurdaky hukuk gatnaşyklary Türkmenistanyň Konstitusiýasyna esaslanýan Türkmenistanyň Suw kodeksi we suw gatnaşyklaryna degişli beýleki kanunçylyk namalary esasynda düzgünleşdirilýär. Bu hukuk namasy suw serişdeleriniň ähmiýetini ýokarlandyrmaga, suwlary hapalanmakdan, zibillenmekden we egsilmekden goramagy üpjün etmäge, olara ýetip biljek ýaramaz täsirleriň öňüni almaga we ýok etmäge, suw obýektleriniň ýagdaýyny dikeltmäge we gowulandyrmaga gönükdirilendir. Türkmenistanyň Suw kodeksi we 2010-njy ýylyň 25-nji sentýabrynda kabul edilen «Agyz suwy hakynda» Türkmenistanyň Kanuny ilaty agyz suwy bilen üpjün etmegine,

1 Iýul 2021

Tebigatyň gözelliklerini aýalyň!

Yssy howaly günlerde tebigaty goramak meselesiniň wajyplygy has-da artýar. Bu zerurlyk, aýratyn-da, tutuş halkymyzyň dogduk topragyna tükeniksiz mähir-yhlasyndan dörän emeli tokaýlyklary goramakda ýiti duýulýar. Hut şonuň üçin hem tebigat bilen ýüzbe-ýüz bolanymyzda, oňa zelel ýetirilmez ýaly, etjek-goýjak hereketimiziň dürs bolmagyny gazanmagymyz gerek. Tebigata çykanyňda, ot ýakmak gadagandyr, munuň özi ot-çöpli, bag-bakjaly ýerlerde uly ýangynlaryň döremegine sebäp bolýar. Eger ot ýakylan bolsa, soňuna çenli durup, ot ýakylan ýere gum sürüp, közüni mazaly öçürmeli, onuň öçendigine magat göz ýetirip, ol ýerden gaýtmaly. Çalgy ýagy ýa-da ýeňil ýanyjy suwuklyklar siňen esgileri, söndürilmedik çilim, döwlen çüýşe ýa-da aýna bölekleri taşlansa, Gün şöhleleriniň ugruny üýtgedip geçmegi zerarly guran ot-çöpleriň gyzmagy netijesinde, oduň öz-özünden döremegine getirip bilýändigini unutmaly däldiris. Mundan başga-da, tebigata ulagly çykan adamlar awtoulagyň, aýratyn hem onuň tüsseçykaryjysynyň gurat bolmagy barada aladalanmalydyr. Bu enjam ýörite uçgun söndüriji bilen üpjün edilmelidir.

1 Iýul 2021

Bulary bilmek gyzykly

Peýdaly brosimum Dünýäde täsin görnüşli hem-de haýrana galdyryjy ösümlikleriň ýüzlerçe görnüşi bar. Bu ösümlikler köplenç endemik häsiýetli bolup, diňe belli bir ýerde ösýärler. Olaryň häsiýetli aýratynlyklary, beýleki ösümliklere görä tapawudy, hasylynyň görnüşi, peýdaly taraplary köpleri gyzyklandyrýar. Tutlar maşgalasyna degişli bolan peýdaly brosimum ýa-da süýt berýän bag diýlip atlandyrylýan agajyň gurluş aýratynlygy hem okyjylary gyzyklandyrsa gerek.

29 Iýun 2021

Tut agajy

Eziz Diýarymyzyň tebigatyny baglardan, agaçlardan düzülen zolaklar bezeýär. Gök agaçlar seýilgähleriň, köçeleriň bezegi, şeýle hem binalaryň töweregine görk berýär. Ösümlikleriň, agaçlaryň tozana garşy göreşde ähmiýeti örän uludyr. Olar ynsany diňe bir tozandan goraman, eýsem ýaşaýyş üçin zerur bolan peýdaly fitonsitleri hem bölüp çykarýarlar. Agaçlaryň görnüşleri örän köp, olara pürli ýaprakly agaçlar, gyrymsy agaçlaryň görnüşleri degişlidir. Biz ýaprakly agaçlara degişli bolan tut agajy barada söhbet etmegi makul bildik.

29 Iýun 2021

Täsin otag ösümligi

Araukariýa tebigy şertlerde hemişe gök öwüsýän pürli agaçlar maşgalasydyr. Bu ösümligiň 14 görnüşi hasaba alnandyr. Araukariýanyň boýy 60 metr bolup, şahalary pişek şekillidir. Onuň watany dürli uruglaryna baglylykda Günorta Amerika, Gündogar Awstraliýa, Norfolk adalary we Täze Kaledoniýa hasaplanylýar. Tebigy şertlerde Araukariýa tohumy we çybygy arkaly köpelýär. Tohumlary çalt gögerijiligini ýitirýändigi sebäpli, derrew ekmeli bolýar. Ekilen tohumlary ortaça 18 — 20 gradus yssylykda saklamaly we gögerip kemala gelen nahallary hemişelik ýerine bir gezek göçürip bolýar. Onuň tohumy iýmit hökmünde, pürsi mebel öndürmekde giňden ulanylýar. Onuň birnäçe görnüşi Gara deňziň kenarynda, Kawkazda hem ösýär.

28 Iýun 2021

Janly köprüler

Şeýle täsinlikleriň birine Hindistanyň gündogarynda Meghalaýa ştatynyň Çerapunji şäheriniň tropiki tokaýlarynda duş gelmek bolýar. Bu täsinlik «Janly köpri» bolup, oňa tebigy ýadygärlik diýilse hem ýalňyş bolmaz. Janly köprüleri gurmak däbini hindileriň Khasi we Jantiýa taýpalary saklap gelipdirler. Bu taýpalar fikus agajynyň howa köklerini ösdürip, derýanyň beýleki kenaryna gönükdirmek üçin bambuk ösümliginiň şahalaryny ulanypdyrlar. Bambukdan başga-da, Betel palmasynyň oýulan şahalarynyň içinden agajyň ösýän köküni goýberipdirler. Fikus agajynyň kökleri tiz ösýär. Agajyň kökleri beýleki kenara çenli ösüp, gaýalara we kenarýaka topragyna çalt aralaşýarlar. Janly köprüni gurmak üçin azyndan 15 ýyl gerek bolýar. Fikus agajynyň ýaşy näçe uly bolsa, köpri şonça-da berk bolýar. Ýyllaryň geçmegi bilen köpri dargamaýar-da, tersine, has-da berkleşýär. Ýerli taýpalaryň aýtmagyna görä, häzirki döwre çenli saklanyp gelýän janly köprüleriň ýaşy 100 – 150 ýyla barabardyr. Has uzyn janly köpriniň boýy 50 metre golaý bolup, Hindistanyň Mawkirnot we Rangtillan obalarynyň arasynda ýerleşýär.

27 Iýun 2021

Tebigaty goramak — ählumumy wezipe

2021-nji ýylyň 25-nji maýynda hormatly Prezidentimiz BMG-niň gazylyp alynýan senagat boýunça ýokary derejeli ählumumy forumynda «Gazylyp alynýan pudaklar durnukly ösüşiň hereketlendirijisidir» atly mowzuk bilen çykyş etdi. Gahryman Arkadagymyz öz çykyşynda senagat önümçiliginiň zyňyndylarynyň daşky gurşawa edýän zyýanly galyndylaryny peseltmek boýunça Türkmenistanda uzak möhletli, giň gerimli işleriň alnyp barylýandygyny habar berip, adamzadyň umumy öýi bolan tebigatymyzy goramak boýunça täze halkara başlangyçlary öňe sürdi. Ynsan bilen tebigaty biri-birinden üzňe göz öňüne getirip bolmaýar. Çünki ynsanyň ömri, has oňaýly ýaşaýyş şertleri, maddy üpjünçiligi tebigatyň baýlyklary we onuň ekologiýa mümkinçiliklerine esaslanýar. Şol bir wagtda tebigat ynsanyň iň ýakyn lukmanydyr. Onuň esasy bejeriş güýji Günüň mylaýym şöhlesinde, arassa howasynda, süýji suwunda hem-de ösümlik we haýwanat dünýäsiniň dermanlyk täsirlerine baý gymmatlyklarynda jemlenendir. Şoňa görä-de, tehnologiýanyň häzirki zaman ösen dünýäsinde daşky tebigy gurşawa jogapkärli çemeleşmek, onuň baýlyklaryndan rejeli peýdalanmak we biodürlüligini baýlaşdyrmak boýunça toplumlaýyn işleri yzygiderli alyp barmak Zeminiň abadançylygyny goramak hem-de senagatyň zyýanly zyňyndylarynyň ekologiýa wehiminden goranmak bilen bagly tutuş ynsan nesilleriniň öňünde duran baş wezipeleriň biridir. Her ýylyň 5-nji iýunynda Daşky gu

24 Iýun 2021

Köýtene geliň!

Geliň, geliň,Seýil edeliň,Gözel Köýtendagyna!Çykyň, görüň,Bakyň, görüň,Gül, miweli bagyna! Dag göwsünde,Ýel öwsende,Daragtlary gol bular.Ýazy bilen,Sazy bilen,Myhmany garşy alar.

24 Iýun 2021

Gün daşy

Geliolit daşy, adatça, sary reňkde bolansoň, ol «Gün daşy» diýlip hem tanalýar. Ýöne onuň ýaşymtyl mawy, gyzylymtyl sary, mele we mämişi reňklerine hem seýrek-de bolsa, duş gelinýär. Geliolit daşy ýarym gymmat bahaly daşlaryň sanawyna girmezden, şeýle-de özüni ykrar etdirmezden we adyna eýe bolmazdan ozal synag we derňew baryny geçdi. Daşyň ilkinji resmi ady «natristyý spodumen» diýlip atlandyrylýar. Bu mineraly şeýle üýtgeşik at bilen 1824-nji ýylda şwed alymy Berselius atlandyrýar. Iki ýyl geçensoň, nemes minerology Fridrih Breýtgaupt bu daşyň adyny «oligoklaz» adyna çalyşýar. Diňe 1841-nji ýylda bu gadymy mineral häzirki geliolit adyna eýe bolýar. Geliolit grek sözi bolup, «Gün daşy» diýen manyny berýär. Bu daşyň döreýşi barada birnäçe rowaýatlar hem bar. Olaryň birinde şeýle diýilýär: Dünýäniň dörän döwri Ýer ýüzünde suwdan başga hiç zat ýokmuşyn. Şeýle-de irden Gün dogýarmyş. Günüň hem aňyrsy-bärsi görünmeýän giň ummanda öz sudruny synlamakdan başga edýän işi ýokmuş. Bir gün özüni synlap ýadan Gün gije dogan Aýy görüp, onuň bilen tanyşmak isläpdir. Ýöne Aý ondan gaçýarmyş. Gün muňa düşünmän, bir hepdeläp ony kowalapdyr, onda-da gabatlaşyp bilmändir. Gün muňa gynanyp, aglanmyş. Onuň gözlerinden akan gyzgyn ýaşlar ýere düşüp, daşa öwrülenmiş.

24 Iýun 2021

Ýangyn howpsuzlyk düzgünlerini berjaý edeliň!

Şeýle at bilen golaýda Türkmenistanyň Döwlet serhet gullugynyň 3-nji derejeli kapitan Tirkiş Mämmedowyň serkerdelik edýän deňiz serhet birikmesiniň Medeniýet öýünde Türkmenistanyň Içeri işler ministrliginiň Balkan welaýatynyň polisiýa müdirliginiň ýangyn howpsuzlyk bölüminiň 300-nji harbylaşdyrylan ýangyn söndüriji söweşjeň bölüminiň müdiri, uly gözegçisi, içerki gullugyň kapitany Meýlis Nepesowyň gatnaşmagynda wagyz-nesihat duşuşygy guraldy. Bu duşuşyga Türkmenistanyň Magtymguly adyndaky Ýaşlar guramasynyň şäher geňeşiniň esasy hünärmeni Gurbanmyrat Abdylweliýew hem-de harby bölümiň harby gullukçylary gatnaşdylar. Duşuşygyň dowamynda myhmanlar öz çykyşlarynda ýangynyň öňüni almak, ýangyn howpsuzlyk düzgünlerini öz wagtynda pugta berjaý etmek, döwlet emlägine aýawly garamak, ot bilen seresaply bolmagy we ýangyn hadysasy ýüze çykanda onuň garşysyna göreşmek barada, şeýle hem ýangyn hadysasynda ejir çekenlere ilkinji kömegi bermek boýunça meseleler babatynda aýratyn durup geçdiler. Şeýle-de çykyşlarda edara binalarda we öýlerde elektrik toguny, gaz ýangyçlaryny ulanmagyň tertibinde howpsuzlyk düzgünlerini berjaý etmek babatynda hem aýdyldy.

23 Iýun 2021

Sähra sahawaty

Alymlaryň hasaplamalaryna görä, Türkmenistanda gülli ösümlikleriň üç müňe golaý görnüşi ösýär. Şolaryň 200-den gowragy boýag berýän tebigy ýabany ösümliklerdir. Eždatlarymyz öz döwründe şol ösümliklerden dürli reňkli boýaglary öndürmek bilen, onuň bir bölegini Aziýanyň we Ýewropanyň ösen ýurtlarynyň bazarlarynda satypdyrlar. Ot-çöplerden tebigy boýaglary öndürýänlere «nilgärler» diýlipdir. Olar her bir obada, şäherde bolupdyr. Ussatlaryň öndürýän boýaglarynyň hyrydary-da ýetik bolupdyr. Özüniň hiç wagt solmaýan ýiti reňki bilen meşhurlyk gazanan bu boýaglaryň ot-çöplerden alnyş usullarynyň özboluşly syrlary bolupdyr. Ony nilgärler diňe öz yzyny ýöretjek ýaş, hakyky nilgärlere öwredipdirler. Esasy syryň Garagum sährasynyň özünden başlanýandygy barada pikir hem etmändirler. Muny diňe birnäçe ýyllar geçenden soňra türkmen alymlary, hünärmenleri öwrendiler. Garagum sährasyna Gün şöhlesiniň dik düşýändigi üçin ýiti şöhleden we aşa gyzgynlykdan goranmak üçin boýag berýän çöl ösümlikleriniň käbir gorag häsiýetli maddalary öndürýändigi ýüze çykaryldy. Şeýlelikde, türkmen sährasynyň boýag berýän ösümlikleriniň kämil derejä ýetendigini aýdyp bileris. Çöl haýwanlarynyň öz reňklerini pasyllara görä üýtgedişi ýaly, çöl ösümlikleri hem Garagumuň aňzagyna-da, jöwzasyna-da özlerini taýýarlaýarlar. Şonuň üçin bu ot-çöplerden, güllerden alynýan boýaglar dürli howa şertlerine durnukly bo

22 Iýun 2021

Täsin ösümlikler

Hormatly Prezidentimiz Gurbanguly Berdimuhamedowyň «Türkmenistanyň dermanlyk ösümlikleri» atly köp jiltli ylmy-ensiklopedik eserinde itburnuň, ýabany alçanyň we böwürsleniň halk lukmançylygynda we biziň günlerimizde ylmy lukmançylykda ulanylyşy barada gymmatly maglumatlar berilýär. ITBURUN

21 Iýun 2021

Ýowşan

Gözel Diýarymyzyň özboluşly we täsin tebigaty bar. Şol sebäpden hem, hormatly Prezidentimiz tebigatymyzy, onuň ösümlik we haýwanat dünýäsini gorap saklamagyň möhümdigini nygtaýar. Tebigatymyzda ösýän ösümlikleriň her biri özüniň aýratynlyklary, gözellikleri, dermanlyk häsiýetleri bilen tapawutlanýar. Ýurdumyzda dermanlyk ösümlikleriň müňlerçe görnüşine duş gelmek bolýar. Şeýle dermanlyk häsiýetli ösümlikleriň biri hem ýowşandyr. Ýowşanyň dünýäde 400 görnüşi bolup, olar Kawkazda, Günbatar Sibirde, Aziýada, Gazagystanda ösýär. Güneşli Diýarymyzyň daglarynda, dag eteklerinde, çöllerinde ýowşanyň 32 görnüşi duş gelýär. Ýowşan köpýyllyk ösümlik bolup, çylşyrymly güllüler maşgalasyna degişlidir. Ol dik kökli, 15 — 80 santimetre ýetýän baldakly, gabygy goňras reňkli miweli ösümlikdir. Onuň miwesi ownuk, togalak görnüşli, daşy ýylmanak we inçe joýajykly bolýar. Ýowşan awgust, sentýabr aýlary gülleýär we miweleýär. Olar tohumy arkaly köpelýär. Ýowşanlaryň çägelikde we duzlaşan ýerlerde ösýän görnüşleri hem duşýar. Ýowşanyň dermanlyk häsiýeti barada Abu Ali ibn Sinanyň «Lukmançylyk ylmynyň kanunlary» eserinde giňişleýin beýan edilýär. Hormatly Prezidentimiziň «Türkmenistanyň dermanlyk ösümlikleri» kitabynda hem ýowşanyň adam saglygyna peýdasy, şeýle hem halk lukmançylygynda peýdalanylyşy hakynda giňişleýin beýan edilýär. Halk lukmançylygynda ýowşan gyzzyrma garşy, ýokary gan basyşynda, ş

21 Iýun 2021

Howa maglumaty

Türkmenistanyň Oba hojalyk we daşky gurşawy goramak ministrliginiň Gidrometeorologiýa baradaky gullugynyň ýurdumyzda şu hepdäniň dowamynda boljak howanyň ýagdaýy barada berýän maglumaty: Balkan welaýatynda az-kem bulutly howa bolup, gündogardan demirgazyk-günbatara ugruny üýtgedýän, tizligi sekuntda 8 — 13 metrden 12 — 17 metre ýetýän şemal öwser. Howa gijelerine +21... +26 gradusdan +25... +30 gradus aralygynda maýyl, gündizlerine +37... +42 gradus, welaýatyň kenarýaka etraplarynda +33... +38 gradus yssy bolar.

21 Iýun 2021

Gajar

Türkmenistanyň Gyzyl kitabyna girizilen bu guş ýurdumyzyň daglyk ýerlerindäki goraghanalaryň we Bathyzyň guşlarynyň iň täsin wekilleriniň biridir. Gajar guşlarynyň gözleri adamlaryňky bilen deňeşdirilende, 7 esse, hatda ondan-da ýitidir. Ol şeýle bir ýokary belentlikde uçýar welin, ýerden seredilende kiçijik guş ýaly görünýär. Ol oljasyny gördüginden ganatlaryny kakyp, aýaklaryny öňe uzadyp tizlik bilen aşak gaýdýar. Bu guşlar diňe bir ýere seredip uçman, eýsem, daş-töwereginde bolýan zatlary hem üns merkezinden düşürmeýärler.

20 Iýun 2021

Güller — gözellik dünýäsi

Eziz Diýarymyzy bagy-bossanlyga öwürmek üçin ýurdumyzyň ösümlik dünýäsi ýerli howa şertlerine uýgunlaşdyrylan, durnukly we halk hojalygy üçin peýdaly täze görnüşler bilen yzygiderli baýlaşdyrylýar. Bu işlere ýaşlaryň hem giňden gatnaşmaklary gazanylýar. Tebigy gözellikleriň esasy bölegini güller emele getirýär, gülleriň içinde bolsa çigildemler, gülälekler halkymyzyň eý görýän gülleriniň hataryndadyr. Çigildemleriň dürli görnüşleri bar. olar öz möwsüminde diňe sähra-meýdanlara däl, eýsem ýörite ýetişdirilip, oba-şäherlerimiziň ýol-ýodalaryna hem bezeg berýär. Miheliň çigildemi Köpetdagyň ähli ýerinde — dag eteginden, dagyň ýokarky guşaklaryna çenli, çagylly-daşly we ownuk toprakly eňňitlerde, deňiz derejesinden 400 — 2800 metr beýiklikde duş gelýär. Gülleýiş döwri martyň üçünji ongünlüginden apreliň birinji ongünlügi aralygydyr. Onuň gülleýiş dowamlylygy 30 güne ýetýär. Çigildemler tebigatda dürli ekologik şertlerde duş gelmek bilen, düzlüklerde we dag ekoulgamlarynda toprak şertlerini talap etmezden ösýär. Miheliň çigildeminiň düýpsogany 40 santimetr çuňlukda ýerleşýär (edebi çeşmeleriň maglumatlarynda — 20 — 30 santimetr). Seýrek görnüş hökmünde Türkmenistanyň Gyzyl kitabyna girizilendir.

17 Iýun 2021

Säher — mynajat çagy

Säher yhlas bilen saýranda guşlar, Hiç kim diňlemese aglaýarmyşlar. Berdinazar HUDAÝNAZAROW.

17 Iýun 2021

Buýan

ýene-de gülledi Ýakynda lukman dostum maňa buýanyň gülländigini aýdyp, ol ýere bile dynç almaga gitmegi teklip etdi. Biz ýola düşdük. Ine-de, Amyderýanyň ýakasyndaky buýanly meýdanlar. Bärden baranyňdan, göwün göteriji hoşboý ysy bilen seni özüne çekýän buýana «Müň bir derdiň dermany» diýlip, ýöne ýerden aýdylmaýandygyna bada-bat göz ýetirýärsiň. Ýoldaşymyň aýtmagyna görä, onuň güllän wagtyndaky ysy demgysma keselini dep edýär. Şonuň üçin buýanyň gülleýän döwründe Amyderýanyň kenaryna baryp, balyk tutýan çeňňegiňi derýa ataga-da, buýanlykda dynç almagyň özboluşly lezzeti bar. Maý aýynda gülläp başlaýan buýan soňra däne getirýär. Onuň baldagynda gezekleşip ýerleşen, içi däneli miwe haltajyklary tä däneler bişip ýetişýänçä, olary özünde saklaýar.

17 Iýun 2021

Ak şäheriň ýaşyl ýaraşygy

Paýtagtymyzyň gözelligine görk goşýan ajaýyp künjekleriň biri-de S.A.Nyýazow adyndaky Türkmen oba hojalyk uniwersitetine degişli Botanika bagydyr. Onuň täsinlikleri hakynda Aşgabadyň esaslandyrylmagynyň 140 ýyllygy bilen bagly gürrüň etmek has-da ýakymly. Bu ýer — tebigatyň täsin dünýäsi, seriňi durlaýan, pikiriňi has-da aýdyňlaşdyrýan, kalbyňa gözellik eçilýän ýer. Bu ýerde döredijilik bilen meşgullanýan ildeşlerimizi, talyplary hemişe görmek bolýar.

16 Iýun 2021

Üljäniň peýdasy

Lukmanlar saglygymyz üçin miweleriň peýdasynyň örän uludygyny nygtaýarlar. Miwe we miwe önümlerini yzygiderli iýmek bilen ýürek, gan-damar, aşgazan, içege, kelle-beýni keselleriniň öňüni almak mümkin. Türkmen topragynyň sahawatlylyk bilen eçilýän saglyga peýdaly nygmatlarynyň arasynda ülje esasy orunda durýar. Bu miwäniň özi-de, ondan taýýarlanýan önümler-de taýsyz melhemdir. Üljäniň has giňden ýaýran görnüşleri adaty ülje we çereşnýadyr. Bu turşumtyk, süýji tagamly miwe, esasan, şekere, B1, B2, P, PP, C, E witaminlerine, karotine, foliý turşusyna, pektin maddalaryna, şeýle-de mineral duzlardan marganese, kalä, mise, demre, kalsä we ýoda örän baýdyr. Ülje ganazlykda örän peýdalydyr. Bu miwäniň nerw ulgamyna, ýürek kesellerine hem haýry uludyr. Üljäniň miweleri we ondan alnan şire dowamly iç gatamada iç sürüji serişde hökmünde, üşütmede, bedeniň gyzgynlygy ýokarlananda, dem alyş ýollarynyň sowuklamasynda giňden peýdalanylýar. Ülje bedeniň kesellere garşy göreşijilik ukybyny ýokarlandyrýar. Onuň ýapragy köp mukdarda askorbin turşusyny saklaýar. Şonuň üçin ysgynsyzlykda, işdäsizlikde, witamin ýetmezçiliginde, beden gowşaklygynda ülje ýapragyndan demlenen çaýy içmek maslahat berilýär. Ülje kosmetologiýada hem giňden ulanylýar. Ondan taýýarlanan ýapgylar deriniň tiz garramagynyň öňüni alýar, reňkini durlaýar we agardýar, ownuk ýygyrtlary aýyrýar.

16 Iýun 2021

‹
1
2
...
84
85
86
87
88
89
90
...
101
102
›