Welaýat Enäniň we çaganyň saglygyny goraýyş merkezinde Çagalary goramagyň halkara güni mynasybetli «Çagalar bagtly geljegimizdir» ady bilen maslahat geçirildi. Oňa merkeziň lukmanlary, jemgyýetçilik guramalarynyň wekilleri hem-de ýaş eneler gatnaşdylar.
Maslahatda merkeziň lukmanlary ýaş enelere çagalaryň saglygyny goramak, olaryň kadaly ösüşini gazanmak bilen bagly degerli maslahatlaryny berdiler. Şeýle-de olar çykyşlarynda ýurdumyzda Gahryman Arkadagymyzyň, hormatly Prezidentimiziň başda durmaklarynda çaganyň saglygynyň döwlet derejesinde goralýandygyny, bu ugurda döwlet möçberindäki çäreleriň, maksatnamalaryň, taslamalaryň tutuş toplumynyň alnyp barylýandygyny aýratyn belläp geçdiler.
