Argentinanyň paýtagty Buenos-Aýresde geçirilen gözellik bäsleşiginde 60 ýaşly žurnalist Aleksandra Marisa Rodriges ýeňiş gazandy. Ol bu ýeňişden soň Latyn Amerikasynyň jemgyýetçilik torlarynyň hakyky ýyldyzyna öwrüldi, sebäbi bu zenan juwan keşbi bilen hemmäni geň galdyrdy. Indi Aleksandra munuň bilen kanagatlanmaýar. Ol eýýäm «Argentinanyň hanymy» gözellik bäsleşiginiň saýlawyna gatnaşdy we geljekde «Älem gözeli» bäsleşigine gatnaşmagy hem maksat edinýär.
«Älem gözeli» bäsleşiginiň guramaçylary geçen ýyl ýaş çäklendirmeleri aradan aýrandan soň, Aleksandranyň gatnaşmagyna hem mümkinçilik döredi. Mundan öň bu çärä diňe 18 ýaşdan 28 ýaş aralygyndaky gyzlar gatnaşyp bilýän bolsa, indi has uly ýaşlylar hem gatnaşyp biler.