RYSGAL-BOLÇULYGYŇ BAÝRAMY

Topragy rysgal çeşmesi hasaplaýan zähmetsöýer, edermen babadaýhanlaryň yhlasy bilen topraga atylýan her bir däne müň bolup gaýdyp gelýär. Kesewiňi dürtseň gögerýän bereketli topragymyza eýegözin garaýan, rysgal çeşmesi saýýan babadaýhanlar bugdaýyň, “ak altynyň” beýleki gök-bakja ekinleriň boldumly hasylyny ýetişdirýärler. Şeýlelikde, bugdaýdan önýän mele-myssyk çöreklerimiz, gök-bakja önümlerimiz saçaklarymyzyň berekedini artdyrýar. Saçak başynda daýhanlaryň zähmetine aýdylýan hoşallyklar çäksizdir.