Birleşen Milletler Guramasynyň Baş Assambleýasynyň 78-nji sessiýasynda ýurdumyzyň başlangyjy bilen hem-de Milletler Bileleşigine agza döwletleriň biragyzdan goldamagynda «Birleşen Milletler Guramasynyň oýunlary» atly Kararnamanyň kabul edilmegi ildeşlerimiziň her birinde uly şatlyk döretdi. Ýurdumyzyň halkara başlangyçlarynyň ýene biriniň ykrarnamasyna öwrülen bu hoş habar bütin dünýäni sportuň güýji bilen parahatçylyga, raýdaşlyga çagyrýar.
Şu günler etrabymyzda bilim işgärleri bilen geçirilýän maslahatlarda çykyş edýän kärdeşlerimiz hem bu Kararnamanyň iňňän ýerine düşen çözgütdigini aýratyn nygtaýarlar. Bellenilişi ýaly, täze sport baýramçylygynyň ― Birleşen Milletler Guramasynyň oýunlarynyň döredilmegi halklaryň arasyndaky ýürekdeşligi has-da berkitmäge ýardam eder.
