Ýurdumyzda yzygiderli guralýan sergilerdir maslahatlar halkara hyzmatdaşlygy ösdürmekde netijeliligi bilen tapawutlanýar. Golaýda paýtagtymyzdaky Olimpiýa şäherçesiniň Başa-baş söweş sungaty sport toplumynda geçirilen «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara serginiň hem-de ylmy maslahatyň çäklerinde Türkmenistanyň we daşary ýurtlaryň ýokary okuw mekdepleriniň arasynda hyzmatdaşlygy ösdürmek hakynda birnäçe degişli resminamalara gol çekilmegi-de munuň aýdyň güwäsi boldy.

Forumyň çäklerinde «Halkara ynsanperwer ylymlary we ösüş uniwersiteti bilen Alba Ýuliýa şäherindäki «1 Desembrie 1918» uniwersitetiniň arasynda özara düşünişmek hakynda Ähtnama», «Türkmenistanyň Oguz han adyndaky Inžener-tehnologiýalar uniwersiteti bilen Sungkýunkwan uniwersitetiniň arasynda özara düşünişmek hakynda Ähtnama», «Seýitnazar Seýdi adyndaky Türkmen döwlet mugallymçylyk instituty (Türkmenistan) bilen «Fransisk Skorina adyndaky Gomel döwlet uniwersiteti» bilim edarasynyň (Belarus Respublikasy) arasynda hyzmatdaşlyk etmek hakynda Ähtnama», «Döwletmämmet Azady adyndaky Türkmen milli dünýä dilleri instituty (Türkmenistan) bilen «Naberežnyý Çelny döwlet mugallymçylyk uniwersiteti» ýokary bilim federal döwlet býujet bilim edarasynyň (Russiýa Federasiýasy) arasynda hyzmatdaşlyk etmek hakynda Ähtnama», «Türkmenistanyň Milli bilim instituty (Türkmenistan) bilen «Naberežnyý Çelny döwlet mugallymçylyk uniwersiteti» ýokary bilim federal döwlet býujet bilim edarasynyň (Russiýa Federasiýasy) arasynda hyzmatdaşlyk etmek hakynda Ylalaşyga», «Türkmenistanyň Prezidentiniň ýanyndaky Döwlet gullugy akademiýasy bilen Russiýa Federasiýasynyň Prezidentiniň ýanyndaky Russiýanyň halk hojalygy we döwlet gullugy akademiýasynyň arasynda hyzmatdaşlyk etmek hakynda Ylalaşyga» gol çekildi.