Türkmenmetbugat

"Türkmen gündogary" welaýat gazeti

Esaslandyryjysy: Lebap welaýatynyň häkimligi
Salgysy: Türkmenabat şäheri, S.A.Nyýazow şaýoly, 42
Telefon belgileri: 3-14-36, 3-26-83, 3-26-82
Email: turkmengundogary-gazeti@sanly.tm

Gazeti PDF görnüşinde ýükläp almak

Habarlar

Ruhy dünýämizi baýlaşdyrýan gymmatlyk

Medeniýetimiz we sungatymyz halkymyzyň şöhratly taryhynda belent derejelere ýetdi, umumadamzat medeniýetine mynasyp goşandyny goşdy. Ol bagtyýarlyga beslenýän döwrümizde halkymyzyň durmuşynda möhüm orun eýeläp, hormatly Prezidentimiziň ýolbaşçylygynda amala aşyrylýan beýik işleriň waspçysydyr, toý-baýramlaryň bezegidir, adamlaryň ruhy dünýäsini baýlaşdyrýan gözellikdir. «Medeniýet ulgamynyň kämilligi jemgyýetiň kämilligidir!» diýip nygtaýan Arkadagly Gahryman Serdarymyzyň ýurdumyzyň medeniýetiniň täze mazmun bilen baýlaşdyrylmagy üçin ähli şertleri döredýändigine ýurdumyzyň çar künjeginde medeni-durmuş maksatly desgalaryň ulanmaga berilýändiginiň mysalynda-da aýdyň göz ýetirýäris. Aşgabat we Arkadag şäherlerindäki, welaýatlardaky teatrlar, muzeýler, kitaphanalar, aýdym-saz, döredijilik merkezleri täze taryhy döwürde ýurdumyzyň medeniýet ulgamynda ýeten derejesiniň aýdyň beýanydyr.

10 Aprel 2024

Sahnada «Gilgameş»

Golaýda welaýat döwlet drama teatrynda «Gilgameş» atly spektaklyň ilkinji gezek görkezilişi boldy. Ony dramaturg Oguljennet Bäşimowanyň pýesasy esasynda teatryň baş režissýory Öwezmämmet Galandarow sahnalaşdyrdy. Änew şäheriniň 2024-nji ýylda «Türki dünýäsiniň medeni paýtagty» diýlip yglan edilmegi mynasybetli sahnalaşdyrylan bu sahna oýny taryhy wakalara baýlygy bilen tapawutlanýar. Gahryman Arkadagymyzyň «Türkmenistan — Beýik Ýüpek ýolunyň ýüregi» atly kitabynda ýurdumyzyň günortasynda dörän irki şäherler bilen Mesopotamiýadaky şumerleriň arasynda söwda we medeni gatnaşyklaryň bolandygy barada getirilýän maglumatlara esaslanyp sahnalaşdyrylan spektakl halkymyzyň medeni mirasyny, müňýyllyklara uzaýan geçmiş taryhyny şu günki günüň tomaşaçylaryna ýetirmegi maksat edindi. Bular dogrusynda baş režissýor Öwezmämmet Galandarow bilen söhbetdeş bolanymyzda, ol şeýle gürrüň berdi: — Häzire çenli sahnalaşdyran taryhy spektakllarymdan tapawutlylykda, «Gilgameş» sahna oýny adamzat siwilizasiýasynyň irki döwürleriniň wakalaryny özünde jemleýär. TÜRKSOÝ halkara guramasy tarapyndan Änew şäheriniň üstümizdäki ýylda «Türki dünýäsiniň medeni paýtagty» diýlip yglan edilmeginiň aňyrsynda uly many bar. Änewlileriň Mesopotamiýadaky gadymy şumerleriň siwilizasiýasyna ýetiren täsiri — alymlaryň subut eden hakykaty. Arkadagly Gahryman Serdarymyz «Änew — müňýyllyklardan gözbaş alýan medeniýet» atly t

10 Aprel 2024

Halk teatrlarynyň bäsleşigi

Welaýat döwlet drama teatrynda welaýat medeniýet müdirligi hem-de Türkmenistanyň Kärdeşler arkalaşyklarynyň welaýat birleşmesi tarapyndan welaýatymyzyň halk teatrlarynyň we halk gurjak teatrlarynyň arasynda «Sahna ussatlygy — ynsan çyragy, müdimisiň Magtymguly Pyragy» atly bäsleşik geçirildi. Teatrlaryň işini has-da kämilleşdirmek, olarda sahnalaşdyrylýan oýunlaryň halkymyzyň milli ruhuna mahsus, döwrebap mazmuna eýe bolmagyny gazanmak, şeýle-de sungat işgärlerini döredijilik üstünliklerine höweslendirmek, ýaş zehinleri ýüze çykarmak maksady bilen geçirilen bäsleşik ýokary ruhubelentlige beslendi. Onuň şertlerine laýyklykda, artistler Gahryman Arkadagymyzyň, Arkadagly Gahryman Serdarymyzyň eserleri esasynda sahnalaşdyrylan, şeýle-de Berkarar döwletiň täze eýýamynyň Galkynyşy döwründe gazanylýan üstünlikleri, milli medeniýetimiziň gymmatlyklaryny wasp edýän hem-de akyldar şahyrymyz Magtymguly Pyragynyň keşbini janlandyrýan sahna oýunlary bilen çykyş etdiler.

10 Aprel 2024

Medeniýet halkyň kalbydyr

Halypany hatyralap Sözüň, sazyň gudratyna sarpaly eziz Diýarymyzda hormatly Prezidentimiziň parasatly baştutanlygynda milli medeniýetimizi gülledip ösdürmäge aýratyn uly goşant goşan halypalaryň hatyrasy belent tutulýar. Gubadag şäher medeniýet merkezinde milli aýdym-saz sungatymyzyň ägirdi, Türkmenistanyň halk bagşysy, «Gaýrat» medalynyň eýesi Akjagül Myradowanyň doglan gününiň 100 ýyllygy mynasybetli aýdym-sazly dabara geçirildi. Onda halypa bagşynyň şägirtleri, ussat zenan bagşylar çykyş etdiler. Çykyşlarda Akjagül Myradowanyň milli aýdym-saz sungatymyza goşandy, ýerine ýetirijilik ussatlygy hakynda täsirli söhbet edildi.

10 Aprel 2024

«Magtymguly Pyragy — umumadamzat paýhasynyň parlak ýyldyzy» atly döredijilik bäsleşigine

Milliligiň hem-de hereketiň sazlaşygy Ýurdumyzda giňden dabaralanýan dürli medeni çärelerimiziň, toý-baýramçylyklarymyzyň milli röwüşli urp-adatlarymyza, däplerimize beslenmegi gadymy mirasymyza goýulýan sarpadan nyşandyr. Milli gymmatlyklarymyzy gorap saklamak we ýaş nesillerimize wagyz etmek maksady bilen, medeniýet ulgamynda hereket edýän döredijilik toparlary hem döwrüň ruhuna laýyk işleri alyp barýarlar. Bu babatda Görogly etrap medeniýet merkezinde hereket edýän «Bedirkent» folklor tans toparynyň işi aýratyn bellenmäge mynasypdyr. Bu folklor tans toparyna Oguljan Babaýewa ýolbaşçylyk edýär. Indi birnäçe ýyllardan bäri halkyň söýgüsine mynasyp bolan bu toparyň çykyşlary halkyň milli mirasyndan, baý döredijilik dünýäsinden hem-de çeper edebiýatyň gadymy nusgalaryndan gözbaş alýar. Toparyň «Geliň, gyzlar üýşeliň!», «Diş toýy, galpak toýy», «Geliň, ak öý guralyň!» ýaly çykyşlary halk döredijilik däplerinden nusga alýar. Olarda milli däp-dessurlarymyz, halkymyzyň şahyrana dünýäsi ussatlyk bilen açylyp görkezilýär. Toparyň agzybir agzalarynyň hatarynda birnäçe ýyl bäri işläp gelýän halypalaryň nusgalyk göreldesi toparyň çykyşlarynyň has-da täsirli bolmagyna oňyn täsir edýär. Toparda Enejan Aşyrowa, Gurbangeldi Hallyýew, Hajy Suwhanow ýaly halypalaryň çykyşlary ýaşlara nusga bolýar. Toparda halypa-şägirtlik ýoluny dowam etdirmekde mynasyp işler alnyp barylýar. Bire

10 Aprel 2024

Milli medeniýetimize buýsanç

Milli Liderimiz tarapyndan binýady berkden tutulan ýurdumyzyň içeri we daşary syýasatyny mynasyp dowam etdirýän hormatly Prezidentimiziň baştutanlygynda ata Watanymyz ösüşleriň belent sepgitlerine eýe bolýar. Gahryman Arkadagymyzyň başlangyjy bilen milli medeniýetimiz we mirasymyz çuňňur öwrenilýär, ösdürilýär we dünýä ýaýylýar. Nowruz ýaýlasyndaky «Türkmeniň ak öýi» binasynda Änew şäheriniň 2024-nji ýylda «Türki dünýäsiniň medeni paýtagty» diýlip yglan edilmegi mynasybetli çärelere badalga bermek dabarasy, Änew şäherindäki Medeniýet öýünde geçirilen «Gadymy Änew medeniýeti» atly halkara ylmy maslahat hem milli medeniýetimiziň mümkinçiliklerini açyp görkezmekde, milli mirasymyza ünsi çekmekde hem-de gadymy topragyň baý taryhyny dünýä ýaýmakda ähmiýetli wakalara öwrüldi. Şol şatlykly wakalaryň öňüsyrasynda hormatly Prezidentimiziň «Änew — müňýyllyklardan gözbaş alýan medeniýet» atly täze kitabynyň çapdan çykmagy «Pähim-paýhas ummany Magtymguly Pyragy» ýylynda giňden ýaýbaňlandyrylan dabaralara baý many çaýdy.

9 Aprel 2024

Aýdym bilen köňülleri kökeren

Ýaş, zehinli aýdymçylaryň aýdýan aýdymlary göwnüňi göterip, kalbyňa üýtgeşik bir duýgy bagyşlanda milli medeniýetimize, sungatymyza buýsanjyň goşalanýar. Köňüllere şeýle buýsanjy bagyş edýän zehinli ýaşlaryň biri hem, Ýagşygeldi Kakaýew adyndaky Halkara nebit we gaz uniwersitetiniň talyby, köpleriň söýgüsini gazanan hoş owazly aýdymçy Ýagşymyrat Annadurdyýewdir. Biz hem gazetimiziň okyjylarynyň isleglerini nazarda tutup, onuň bilen söhbetdeş bolduk we onuň gyzykly gürrüňlerini okyjylarymyza ýetirmegi makul bildik. — Ýagşymyrat, söhbedimiziň başynda gazetimiziň okyjylaryny özüň bilen tanyşdyraýsaň.

9 Aprel 2024

Gülkä bagyşlanan ömür

Onuň döredijiligi meni okuwçy ýyllarymda özüne çekip başlapdy. Ol ýyllarda obamyzda gazet-žurnallary poçtalýonlar atly, eşekli getirerdiler. Dogrusy, olaryň gelerine sabyrsyzlyk bilen garaşardyk. Her kim ýurtda bolýan täzelikler bilen tanyşjak, goşgudyr hekaýa, degişme okajak. Köplenjem gazet-žurnallarda çykýan satiriki eserler olaryň arasynda uly gyzyklanma dörederdi. Mahlasy, çeper sözden lezzet alnardy. 1969-njy ýylyň galyň garly ýanwarynda şol wagtky «Tokmak» žurnalynda «Çemçe sen» atly goşgy ýerleşdirilipdir. Aşagynda-da gyrasy gädilen çemçäniň suraty goýlupdyr. Goşgynyň awtory Gurbangylyç Hydyrowdy. Onuň öňki ýazýan satiriki hekaýalaryny, goşgularyny hem ürç edip okardyk. Şol döwürde dükanlarda çemçe tapdyryberenokdy. Şonuň yzysüre dükanlara täzeje çemçeler getirilip, ilatyň göwnüni galkyndyrypdy. Okyjylaryň göwnünden turan bu goşgynyň awtoryny görmek, onuň bilen ýakyndan söhbetdeş bolmak köpleriň arzuwyna öwrülipdi. Okyjylar Gurbangylyç Hydyrowy, öz aýdyşy ýaly «Dünýäde iň dymma, gyjyklanyňda-da ýylgyrmajak adamlary» ýylgyrdyp bilýän gülki ussady hasaplaýardylar. Elbetde, ilçilikde her hili häsiýetli adamlaram tapylýar. Işýakmazlar, kişi hakyna göz gyzdyrýanlar onuň nazaryndan sypmazdy. Gurbangylyjyň şerebeli satirasy olaryň gyr jynydy. Siňe seretseň onuň eser döredişem, ulanýan jümlelerem biziň gadymy dessanlarymyzdaky «Çalsa — sazanda, hiňlense — bagşy, göreşse — pälw

9 Aprel 2024

Şadyýan wäşiler

Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynda döredijilik işgärleriniň öňünde goýlan meýilnama laýyklykda, şeýle-de tomaşaçylaryň ruhy isleglerini kanagatlandyrmak, ilatyň medeni dynç alyş şertlerini ýokarlandyrmak maksady bilen, Türkmenistanyň Beýik Saparmyrat Türkmenbaşy adyndaky Baş akademiki drama teatrynyň döredijilik topary Balkan welaýat döwlet drama teatrynda we  Gyzylarbat etrabynyň medeniýet öýünde «Şadyýan wäşiler» atly aýdym-sazly gülküli sahnalary bilen çykyş etdi. Türkmenistanyň halk artisti Haýytmyrat Durdyýewiň, Türkmenistanyň at gazanan artisti Amangül Mämmetýazowanyň, şeýle-de sahna ussady Aşyr Mämmedowyň, ýaş artistler Azat Didarowyň, Jahan Baýramdurdyýewanyň ussatlyk bilen ýerine ýetiren degişme sahnalary, aýdym-sazly çykyşlary tomaşaçylarda ýatdan çykmajak ýakymly täsirleri galdyrdy. Munuň şeýledigini teatr artistleriniň taýýarlan gülküli çykyşlarynyň şowhunly el çarpyşmalar bilen garşylanmagy hem subut etdi.

8 Aprel 2024

Nusgalyk sungatyň waspy

Taryhda döredilen gymmatlyklar özüniň gözelligi we täsinligi bilen tapawutlanýar. Şekillendiriş sungaty hem şeýle gymmatlyklaryň hatarynda durýar. Ol täsin öwüşginleri bilen ynsan duýgularyna täsir edýär. Şonuň üçin hem bu sungat asyrlaryň dowamynda kämilleşdirilip gelnipdir, hatda kämil enjamlaryň döredilmegi bilen hem öz gymmatyny ýitirmändir. Türkmen halkynyň şöhratly taryhynda döredilen halylar, öwşün atyp duran şaý-sepler ajaýyp sungat eserleri bolup, adamzady haýrana goýýar. Olary synlan her bir adamyň kalbynda gözellik kemala gelýär, çünki bu täsinlik, ajaýyplyk tebigatyň gözelligi bilen sazlaşyklygy emele getirýär. Türkmen halky gadymy döwürlerden bäri şekillendiriş sungatynyň dürli görnüşlerine baýdygy bilen tapawutlanýar. Şekillendiriş sungatynyň nakgaşçylyk, zergärçilik, halyçylyk ýaly görnüşleri aýratyn bellenmäge mynasypdyr.

7 Aprel 2024

Gelse Nowruz äleme...

Nowruz adamzat taryhynda ilki dörän baýramçylyklaryň iň gadymylarynyň biridir. Has irki döwürlerde Nowruz baýramynyň dabaraly bellenilmegi köpleriň kalbyny joşa getiripdir, oňa hemmeler sabyrsyzlyk bilen garaşypdyrlar. Çünki Nowruz bütin Gündogaryň Täze ýyl baýramydyr. Nowruzda türkmen ýazynyň ysy, säheriň päkligi duýulýar. Aý-Günüň hereketi, ýylyň, pasyllaryň, tebigatyň kanunalaýyk çalyşmagy, gije-gündiziň deňleşmesi bolup geçýän Nowruzda gyşyň tamamlanyp, baharyň gelmegi, tebigatyň janlanmasy başlanýar. Bu gün daýhanlar uly umyt bilen täze hasylyň düýbüni tutýarlar. Bu hakda halk arasynda: «Ýylyň gelşi Nowruzyndan belli», «Nowruzda ygal hiç bolmanda, geçiň şahyny ezse-de, hasyla garaşyber» ýaly aýtgylar bar. Gündogaryň söz ussatlary Abu Reýhan Biruni «Geçen nesillerden galan ýadygärliklerinde», Mahmyt Kaşgarly «Türki dilleriň diwanynda», Nowaýynyň halypasy Lutfy «Gül we Nowruz» eserinde, Omar Haýýamyň «Nowruznamasynda» Nowruz baýramçylygy, onuň halk arasynda bellenilip geçirilişini, ony bellemekde Gündogar halklarynyň örän gowy däp-dessurlary ýerine ýetirendiklerini beýan edýär. Sebäbi bu şanly sene örän köp halklarda giňden bellenilýär. Ýaz paslynyň gelmegi bilen türkmen ýaýlasy al-ýaşyl çemenzarlyga öwrülýär. Owlak-guzularyň sesi, guşlaryň şirin mukamlary — bularyň ählisi pasyllaryň soltany baharyň gelendigini buşlaýar. Gündogaryň beýik akyldary Magtymguly Pyragy hem beýlek

5 Aprel 2024

Asyrlaryň aýdymy: türkmen-täjik dostlugy

Türkmen-täjik halklarynyň dost-doganlyk gatnaşyklary gözbaşyny gadymyýetden alyp gaýdýar. Dostluk barada täjik şahyry Abu Abdylla Rudaky: «Jahanyň şatlygy toplansa bütin, // Dostlar didaryndan bolmaz ol üstün» diýse, türkmeniň akyldar şahyry Magtymguly Pyragy: «Gadyrdan dostuňdan ýüzüň öwürme, // Barsaň depesine täç eder seni» diýýär. Gahryman Arkadagymyzyň, hormatly Prezidentimiziň taýsyz tagallalary bilen milli medeniýetimiz we sungatymyz, Magtymguly Pyragynyň umman paýhasly şygryýeti goňşy we dünýä halklarynyň arasynda dost-doganlyk gatnaşyklaryny ýola goýmakda bahasyna ýetip bolmajak gymmatlyklar bolup durýar. Dostluga uly sarpa goýýan doganlyk ýurtda baharyň ajaýyp günlerinde medeniýetiň we sungatyň toýlary toýlanylýar, ýagny şu ýylyň 3-5-nji apreli aralygynda Türkmenistanyň Täjigistandaky Medeniýet günleri geçirilýär.

4 Aprel 2024

«Arkajyň» saz dünýäsi

Gahryman Arkadagymyzyň taýsyz aladalary netijesinde 2008-nji ýylda «Şasenem we Garyp» operasynyň gaýtadan goýlup, tomaşaçylara ýetirilmegi bilen ýurdumyzda ýylyň-ýylyna türkmen operalaryny sahnalaşdyrmak asylly däbe öwrüldi. Ajaýyp zamanamyzda opera sungatyny, halypa-şägirtlik ýoluny ösdürmekde uly işler amala aşyrylýar. Şeýle operalaryň biri 2023-nji ýylda Türkmenistanyň Magtymguly adyndaky milli sazly drama teatrynda Medeniýet we sungat işgärleriniň hem-de Magtymguly Pyragynyň şygryýet güni mynasybetli ilkinji gezek sahnalaşdyrylan «Arkaç» operasydyr. Türkmenistanyň halk ýazyjysy Gowşutgeldi Daňatarow «Arkaç» operasynyň librettosyny «Aýna» atly meşhur halk dessany esasynda ýazdy. Operada beýan edilýän wakalar XVIII asyrda Arkaç obasynda bolup geçýär. Onda Söhbet atly ýaş ýigit Jumageldi baýyň gyzy Aýna bilen söýginiň külpetli ýolunda köp kynçylyklary görüp, ahyrynda bir-birege gowşuşy dartgynly wakalaryň üsti bilen beýan edilýär. Operada söýgä wepalylyk, aýdym-sazyň jadyly güýji bilen dürli kynçylygy ýeňip bolýandygy Aýna bilen Söhbediň keşpleriniň esasynda açylyp görkezilýär.

4 Aprel 2024

Bagtyň baky mekanynyň mukamy

Arkadagly Gahryman Serdarymyzyň çuňňur paýhasa we parasada beslenen dürdäne eserlerini okanyňda, kitabyň adamzady bütin ýaşaýşyň dowamynda sözüň gudraty bilen  terbiýäniň çuň täsiri bilen bagta ýetirýän mukaddeslikdigi hakydaňa dolýar. Hormatly Prezidentimiziň  «Änew — müňýyllyklardan gözbaş alýan medeniýet» atly eserini okanymda bolsa edebi çeşmelerdäki ömür uzaldýan, üstünliklere galkyndyrýan, güýje güýç goşýan gudratly suw baradaky tymsaly hakydama getirdim. Çeşmelerde beýan edilişi ýaly, ol gudratly içgä «eliksir» diýilýär. Aýdylyşy ýaly, ol suwy içen baky bagtyýar durmuşda ýaşaýar. Arkadagly Gahryman Serdarymyzyň «Änew — müňýyllyklardan gözbaş alýan medeniýet» atly ajaýyp eseri hem, sözüň doly manysynda,  milletimiziň baky bagtynyň, ruhy galkynyşynyň eliksiri. Elbetde, her bir okyjynyň kalbynda döreýän şeýle buýsançly oýlanmalaryň gözbaşynda bagtyýarlyk eýýamymyzyň galkynyşly özgertmeleri bilen halkyny bagta ýetiren  türkmen halkynyň Milli Lideri Gahryman Arkadagymyzyň umumadamzat ähmiýetli pähim-paýhasy, agzybirlige we döredijilikli zähmete ruhlandyrýan beýik taglymatlary bar.

4 Aprel 2024

Magtymguly Pyragynyň şygryýet mirasy – ýaş nesli terbiýelemekde ruhy şamçyragdyr

“Pähim-paýhas ummany Magtymguly Pyragy” ýylynda Garaşsyz, hemişelik Bitarap Türkmenistan döwletimizde hem-de halkara giňişliginde Gündogaryň görnükli şahyr-filosofy, türkmen edebiýatynyň nusgawy şahyry Magtymguly Pyragynyň doglan gününiň 300 ýyllygy dabaraly ýagdaýda bellenilip geçiler. Häzirki wagtda bu şanly senä taýýarlyk işleri giň gerimde alnyp barylýar. Bu Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Ynsan kalbyna şygyrlary bilen ýagşylyk, halallyk, watansöýüjilik şuglasyny çaýýan, ruhy lezzet berýän akyldar şahyrymyzyň nakyla öwrülen, öwüt-ündew berýän ajaýyp setirleriniň terbiýeçilik ähmiýeti diýseň uludyr. Magtymguly Pyragynyň şygryýeti egsilmeýän derýa, ruhy teşnelikden gandyrýan güzer kimin ynsanyýeti agzybirlige, päklige, halallyga çagyrýar. Hut şonuň üçin-de söz ussadynyň her bir setiri durmuş şamçyragy bolup kalplara ornaýar. Magtymguly Pyragy sözüň egsilmez güýji we gudraty bilen şygryýet äleminde ady Arşa galyp, milli derejä göterilen akyldar şahyrdyr. Dana şahyrymyzyň paýhasa ýugrulan döredijiliginde nesil terbiýesine degişli şygyrlara uly orun degişlidir. Şahyr hemişe arzuwlan berkarar döwletini gurmak üçin aň-düşünjeli, sowatly adamlary ýetişdirmegiň wajyplygyny döredijiliginiň üsti bilen beýan edipdir.

4 Aprel 2024

Müňýyllyklaryň medeniýeti

Hormatly Prezidentimiz Serdar BERDIMUHAMEDOW:— Gadymy Änew adamzat taryhyndaky möhüm merkezleriň biridir. Änew şäheri diňe taryhy bilen däl, eýsem, şu günki ajaýyplygy we uzak geljege gönügen ösüşli beýik maksatlary bilenem dünýäniň ünsüni özüne çekip bilýär. Ýurdumyzyň ähli künjegi, şol sanda gadymy Ahal topragy hem beýik taryhy ösüşlere baýdyr. Şeýle wakalardan ruhlanyp taýýarlan şu kitabym eziz halkymyza sowgadym bolsun! 2024-nji ýylda Türki dünýäsiniň medeni paýtagty Änew şäheri türkmen taryhynyň şöhratly geçmişi üçin-de, türki älemi üçin-de aýratyn ähmiýete eýedir. Arkadagly Gahryman Serdarymyzyň «Änew — müňýyllyklardan gözbaş alýan medeniýet» atly kitabyny halkymyza sowgat bermegi bagtyýar halkymyzy buýsandyrdy.

4 Aprel 2024

El hünäri — il gezer

Ak säheriň tämizligi Häzirki döwürde gyz-gelinleriň arasynda el işler bilen bejerilen milli lybaslary geýmek ýörgünli boldy. Aýratynam, el işleriniň bir görnüşi bolan ildirme keşdesine isleg bildirýänleriň sany günsaýyn köpelýär. Zenan ýüreginiň arzuwyny beýan edýän keşdeler owadanlygy, gözelligi, täsinligi bilen tapawutlanýar. Şeýle nepislige neneň buýsanmajak, olary neneň wasp etmejek? Milletimiziň aýrylmaz bölegi bolan millilik hakyndaky oý-pikirler hiç kimi öz erkine goýmaýar. Çünki, millilikde ak säheriň tämizligi bar, tebigat bilen durmuşyň sazlaşygy bar. Tämizlik bilen sazlaşykdan kemala gelen nepis el işleriniň ählisi türkmen halkynyň buýsanjydyr.

3 Aprel 2024

Gadymy Änewiň müdimi şöhraty

Welaýat döwlet drama teatrynda Arkadagly Gahryman Serdarymyzyň jöwher zehininden syzylyp çykan «Änew — müňýyllyklardan gözbaş alýan medeniýet» atly kitabynyň tanyşdyrylyş dabarasy boldy. Welaýat hem-de şäher häkimlikleriniň, jemgyýetçilik guramalarynyň wekilleriniň, edara-kärhanalaryň işgärleriniň, il sylagly ýaşulularyň, kümüş saçly eneleriň, ýaşlaryň gatnaşmaklarynda geçirilen dabara ýokary ruhubelentlige beslendi. Dabarada çykyş edenler hormatly Prezidentimiziň kitabynyň çapdan çykmagynyň şan-şöhratly taryhymyzy, milli medeniýetimizi, sungatymyzy giň äleme ýaýýan, halkymyzyň at-abraýyny dünýä ýüzünde dabaralandyrýan şanly waka öwrülendigini nygtadylar. Änew medeniýetiniň taryhy baradaky gymmatly maglumatlaryň her biri ylmy taýdan öwrenilmäge mynasypdyr. Ata-babalarymyzyň gurmak hem-de döretmek ýaly sogaply ýörelgeleri, halkymyzyň şöhratly geçmişi barada giňişleýin gürrüň edilýän ajaýyp kitaby okanyňda, keremli topragymyza, eziz Watanymyza bolan söýgiň has-da artýar. Şöhratly pederlerimiziň, senetçi ussalarymyzyň guran binalarynyň dünýäniň hiç bir ýerinde gaýtalanmaýan sungatdygyny açyp görkezýän Änew medeniýeti, ýadygärlikleri daşary ýurtly syýahatçylaryň hem ünsüni özüne çekýär.

3 Aprel 2024

Ýylyň sungatda işjeň zenany

Milli sungatymyz hakynda söhbet açylanda, zehinli şahyr Gurbannazar Ezizowyň «Sungat» atly goşgusyndaky şu aşakdaky ajaýyp setirler biygtyýar ýadyňa düşýär: Sungat diýmek näme?

3 Aprel 2024

Watansöýüjiligiň görelde mekdebi

Türkmen halkynyň şöhratly taryhynda uly orun tutýan Magtymguly Pyragynyň edebi mirasy egsilmez ruhy hazynadyr. Şahyr adamkärçilige, ynsanperwerlige, watansöýüjilige ýugrulan goşgulary bilen bütin adamzadyň kalbynda orun aldy. Ajaýyp zamanamyzda Gahryman Arkadagymyz hem-de Arkadagly Gahryman Serdarymyz Magtymguly Pyragynyň eserleriniň dürli dillere terjime edilmegi, daşary ýurtlarda dana şahyrymyzyň ýadygärliginiň dikeldilmegi, baý edebi mirasynyň çuňňur öwrenilmegi ugrunda uly tagallalar edýärler. Dana Pyragynyň şygyrlarynda milletimiziň ruhy gözellikleri, adamkärçilik, ynsanperwerlik nusgawy derejede beýan edilýär. Diňe bir halkymyzyň däl, tutuş adamzadyň kalbynda, aňynda olaryň eşrepi ýaly saklanyp, şu günlere getirilendigi we röwşen geljege alnyp barylýandygy guwandyryjydyr hem buýsandyryjydyr.

3 Aprel 2024

‹
1
2
...
50
51
52
53
54
55
56
...
292
293
›