Aşgabatda saglygy goraýyş, bilim we sport ulgamlarynyň ösüşine bagyşlanan forum öz işine başlady
Şu gün — 9-njy oktýabrda Aşgabat şäherindäki Olimpiýa şäherçesiniň Başa-baş söweş sungaty sport toplumynyň türgenleşik meýdançasynyň öňünde «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara serginiň we ylmy maslahatyň dabaraly açylyşy boldy. Ýurdumyzda giňden bellenilýän Türkmenistanyň saglygy goraýyş we derman senagaty işgärleriniň güni mynasybetli geçirilmegi asylly däbe öwrülen bu çäre lukmançylyk ylmynyň soňky gazananlaryny saglygy goraýyş ulgamyna ornaşdyrmaga, öňdebaryjy tejribeleri paýlaşmaga, geljegi uly mümkinçilikleri ara alyp maslahatlaşmaga ýardam berýän iri forumdyr.
