Milli ýörelgelerimiziň şuglasy
«Pähim-paýhas ummany Magtymguly Pyragy» ýylynyň ösüşlere beslenýän şan-şöhratly günlerinde Gahryman Arkadagymyz halkymyza «Hakyda göwheri» atly kitabyny peşgeş berdi. Bu ajaýyp kitaby okanyňda, geçmiş bilen şu güni, şu gün bilen ertäni sazlaşykly baglanyşdyrýan milli ýörelgelerimiziň gymmatyna aýdyň göz ýetirýärsiň. Gahryman Arkadagymyz türkmen halkynyň döwletlilik, millilik ýörelgelerini çuňňur pähim-paýhas bilen beýan edýär. Türkmen halkynyň gadymdan gelýän asylly ýörelgeleriniň taryhyň dowamynda döredilen milli gymmatlyklarda, medeniýetde, edebiýatda, sungat eserlerinde öz beýanyny tapyp, umumadamzat ösüşiniň genji-hazynasynyň aýrylmaz bölegine öwrülendigini bellemek gerek. Gahryman Arkadagymyzyň «Hakyda göwheri» atly täze eseriniň many-mazmuny hakynda ýurdumyzyň dürli künjeklerinde geçirilen dabaralarda aýdyň beýan edilýär. Maslahatlarda çykyş edenler bu gymmatly kitabyň pähim-parasadyň gymmatly hazynasydygyny aýratyn belleýärler. Bu ajaýyp kitap durmuşa söýgi, birek-birege hormat, Watana buýsanç, däp-dessurlarymyza sarpa döredýär.
