"Türkmen gündogary" welaýat gazeti

Esaslandyryjysy: Lebap welaýatynyň häkimligi
Salgysy: Türkmenabat şäheri, S.A.Nyýazow şaýoly, 42
Telefon belgileri: 3-14-36, 3-26-83, 3-26-82
Email: turkmengundogary-gazeti@sanly.tm

Gazeti PDF görnüşinde ýükläp almak

Habarlar

Berkararlygyň egsilmez güýji

Ata Watanymyzyň mukaddes Garaşsyzlygyna we hemişelik Bitaraplygyna eýe bolmagy bilen türkmen halkynyň ýaşaýyş-durmuş derejesi düýpli özgerdi. Türkmenistany okgunly ösýän ýurt hökmünde bütin dünýä tanap başlady. Hormatly Prezidentimiziň taýsyz tagallalary netijesinde Garaşsyz, hemişelik Bitarap döwletimiziň daşary syýasaty geçen döwürde parahatçylyk, hoşniýetli goňşuçylyk we özara bähbitli hyzmatdaşlyk ýörelgelerine berk eýermek esasynda alnyp barlyp, ýurdumyzyň ygtybarly hyzmatdaş hökmünde dünýäde tutýan ornuny barha berkidýär. Arkadagly Gahryman Serdarymyzyň BMG-niň Baş Assambleýasynyň mejlislerinde eden taryhy çykyşlary, öňe sürýän başlangyçlary biziň döwletimiziň ählumumy parahatçylygyň, gülläp ösüşiň we abadançylygyň hatyrasyna Milletler Bileleşigi bilen hyzmatdaşlygy giňden ýaýbaňlandyrmagyň, ösüş arkaly parahatçylygyň tarapdarydygyny ýene-de bir gezek tassyklaýar we dünýä jemgyýetçiliginiň öňünde ýurdumyzyň abraýyny öňküden-de belende galdyrýar. Arkadagly Gahryman Serdarymyzyň asylly başlangyjy giňden goldanylyp, Birleşen Milletler Guramasynyň Baş Assambleýasynyň Kararnamasy esasynda 2025-nji ýylyň «Halkara parahatçylyk we ynanyşmak ýyly» diýlip yglan edilmeginde hem çuňňur many-mazmun jemlenýär. Bitaraplyk we parahatçylyk sözleri mazmun taýdan biri-birine ýakyn bolup, il-günüň agzybirligini, jebisligini pugtalandyrmak, ýurduň asudalygyny goramak bilen baglanyşykly düşün

27 Noýabr 2024

Bitaraplyk

Baky Bitaraplygymyzyň 29 ýyllygyna

Parahatçylyk söýüjiligiň röwşen ýoly «Pähim-paýhas ummany Magtymguly Pyragy»             şygaryna beslenen şu ýylda üstünliklere ulaşyp geçýän her bir gün halkymyzy hemişelik Bitaraplygymyzyň 29 ýyllyk şöhratly senesine barha golaýlaşdyrýar. Bu ajaýyp baýramçylygy mynasyp zähmet sowgatlary bilen garşy almak höwesi bolsa bu günki gün islendik pudakda işleýän zähmet adamynyň baş maksadyna hem köňül küýsegine öwrülýär.

27 Noýabr 2024

Bitaraplyk

Parahatçylygyň hem-de jebisligiň merkezi

Hormatly Prezidentimiz Serdar Berdimuhamedowyň parasatly baştutanlygynda berkarar döwletiň täze eýýamynyň Galkynyşy döwrüniň her bir güni şanly wakalara, joşgunly dabaralara beslenýär. Bu taryhy wakalar halkymyzyň hakydasynda we Diýarymyzyň taryhynda öçmejek yzy goýup, dünýä halklarynyň döwletimize bolan gyzyklanmasyny barha artdyrýar. Arkadagly Gahryman Serdarymyzyň alyp barýan içeri we daşary syýasaty milli bähbitlerden ugur alýar hem-de umumadamzat bähbitlerine gönükdirilýär. Türkmenistan hemişelik Bitaraplygyň esasy ýörelgelerine salgylanyp, sebitiň we dünýäniň halklarynyň bähbidine gönükdirilen işjeň daşary syýasaty amala aşyrýar.  Halkara hukugynyň umumy ykrar edilen kadalaryna, deňhukuklylyk, birek-birege hormat goýmak, hoşniýetli goňşuçylyk hem-de özara bähbitli hyzmatdaşlyk ýörelgelerine eýermek bilen, halkara giňişliginde mynasyp orny eýeleýär. Arkadagly Gahryman Serdarymyzyň hoşniýetli daşary syýasatynyň düýp mazmuny, esasy maksady ählumumy parahatçylygy, durnuklylygy we howpsuzlygy gorap saklamak hem-de pugtalandyrmak işine işjeň gatnaşmakdan ybarat bolup durýar. Hut şonuň üçin hem Birleşen Milletler Guramasynda Türkmenistana Bitarap döwlet hökmünde uly ähmiýet berilýär. BMG bilen ýakyn hyzmatdaşlyk Türkmenistana öz Bitaraplyk derejesini sebitde durnuklylygyň we howpsuzlygyň möhüm şerti hökmünde amala aşyrmaga mümkinçilik berýär. Arkadagly

26 Noýabr 2024

Bitaraplyk

Ählumumy parahatçylygyň kepili

Her bir döwletiň özüniň milli baýramçylygy hökmünde taryhyna giren seneleri bolýar. Döwletimiziň Bitaraplyk hukuk ýagdaýyna eýe bolan güni hem ýatdan çykmajak seneleriň biri bolup, şanly taryhymyzyň şöhratly ýyly boldy. Mundan 29 ýyl ozal, 1995-nji ýylyň 12-nji dekabrynda Garaşsyz Türkmenistan döwleti özüniň Bitaraplyk hukuk derejesine ýetdi. Şol wagt dünýäde çylşyrymly syýasy wakalaryň höküm sürýändigine garamazdan, biziň döwletimiz iň uly we hormatly derejä mynasyp bolmak bilen, dünýäde Birleşen Milletler Guramasy tarapyndan we onuň şol wagtky düzümine girýän 185 döwletiň ykrar etmeginde Bitarap döwlet boldy. Hemişelik Bitaraplyk döwletimiziň taryhyna müdimilik altyn harplar bilen ýazyldy hem-de halkymyzyň buýsanjyna öwrüldi. Dünýäde ýeke-täk we ilkinji gezek Milletler Bileleşigi tarapyndan hemişelik Bitaraplyk derejesi berlen döwlet biziň Berkarar döwletimiz Türkmenistandyr. Esasy Kanunymyzyň rejelenen görnüşiniň 2-nji maddasynda hem bitaraplyk hukuk ýagdaýymyzyň ýurdumyzyň içeri we daşary syýasatyny durmuşa geçirmek ugrunda esas bolup durýandygy barada beýan edilmegi aýratyn mana eýedir. Çünki 2015-nji ýylyň 3-nji iýunynda BMG-niň Baş Assambleýasy tarapyndan «Türkmenistanyň hemişelik Bitaraplygy hakyndaky» Kararnamanyň kabul edilmegi hem Bitaraplyk hukuk derejämize pugta eýerýändigimiziň, dünýäde parahatçylyk söýüji başlangyçlary öňe sürýändigimiziň beýany bol

25 Noýabr 2024

Bitaraplyk

Şanly senelere taýýarlyk görülýär

Welaýat çagalar sungat mekdebinde şu günler Halkara Bitaraplyk güni we Täze ýyl baýramlary mynasybetli täze aýdym-saz we tans eserleriniň üstünde işlenilmäge girişildi. Bu işlere mekdebiň ähli mugallymlary we okuwçylary işjeň gatnaşýarlar. Welaýat derejeli iri dabaralarda hemişe-de täze çykyşlary bilen begendirýän zehinli ýaşlarymyz halypalarynyň ýolbaşçylygynda golaýlaşyp gelýän şanly seneler mynasybetli täze aýdym-saz eserlerini ezberlik bilen özleşdirýärler. Döwlet derejesindäki iri bäsleşiklerde ýeňiji bolan käbir toparlarymyz bolsa birbada çykyşlaryň birnäçesini taýýarlaýarlar. Bu işde Jemal Reýimowa, Suraý Sardarýan ýaly kärdeşlerimiz has işjeňlik görkezýärler.

25 Noýabr 2024

Bitaraplyk

Gülläp ösüşleriň taglymaty

Mähriban Watanymyzy, bagtyýar durmuşymyzy, asuda asmanymyzy wasp edýän hoş owazlar bu gün baýramçylyk dabarasynda belentden ýaňlandy. Ýaş kalplardan ata Watanymyzyň baky berkararlygy, Gahryman Arkadagymyzyň we Arkadagly Gahryman Serdarymyzyň parasatly baştutanlygynda durmuşa geçirilýän düýpli özgertmeler hakynda joşup çykýan aýdymdyr sazlar we buýsançly sözler Halkara Bitaraplyk güni mynasybetli tutulan çärä ýakymly öwüşgin çaýdy. Dabara gelenler Bitaraplygyň bütin dünýäde parahatçylykly ýaşaşmagyň, şonuň esasynda gülläp ösüşleri gazanmagyň taglymatydygyny wasp edýän çykyşlary uly täsirlere berlip diňlediler. Milli Liderimiziň we Arkadagly Gahryman Serdarymyzyň halkymyzyň bagtyýarlygy ugrunda amala aşyrýan işlerini belentden wasp edýän aýdym-sazlar Türkmenistanyň Bitaraplyk syýasatynyň tutuş adamzadyň bagtly geljeginiň binýadyny berkidýändigine güwä bolup ýaňlandy.

25 Noýabr 2024

Bitaraplyk

Parahatçylykly zähmetiň waspy

Halkara Bitaraplyk güni mynasybetli Gahryman Arkadagymyzyň we hormatly Prezidentimiziň çuňňur paýhasa ýugrulan ylmy-publisistik kitaplary esasynda söhbetdeşlik geçirdik. Gahryman Arkadagymyzyň «Mertler Watany beýgeldýär» we hormatly Prezidentimiziň «Ýaşlar — Watanyň daýanjy» hem-de beýleki eserlerinden alnan ganatly sözler arkaly ýaşlar mähriban Watanymyzda parahatçylykly zähmeti, asudalygy we erkinligi wasp etdiler. Merdana hem-de edermen ogullaryň Watany beýgeldýändiklerine ýaşlaryň ünsi çekildi. Döwletimiziň dünýäniň iň abraýly hal-kara guramasy bolan Birleşen Milletler Guramasy hem-de onuň düzüm birlikleri, şeýle-de sebit guramalary bilen ýakyndan hyzmatdaşlyk edýändigi baradaky söhbetler ýaşlarda uly täsir galdyrdy.

25 Noýabr 2024

Bitaraplyk

Bitaraplyk — ösüşleriň we hyzmatdaşlygyň esasy ýörelgesi

Hormatly Prezidentimiz Arkadagly Gahryman Serdarymyzyň, türkmen halkynyň Milli Lideri, Halk Maslahatynyň Başlygy Gahryman Arkadagymyzyň tagallalary netijesinde, Bitaraplyk taglymaty esasynda ösüşler gazanylýar, milli maksatnamalar durmuşa geçirilýär, halkara hyzmatdaşlyk ýaýbaňlanýar. Häzirki wagtda Türkmenistanyň okgunly ösüşi, türkmen döwletiniň mizemez binýadynyň kemala getirilmegine gönükdirilen giň gerimli durmuş-ykdysady, syýasy özgertmeleriň amala aşyrylýandygy içeri we daşary syýasatyň netijelerinde aýdyň ýüze çykýar. Häzirki wagta çenli ýurdumyzyň başlangyjy bilen Birleşen Milletler Guramasynyň Baş Assambleýasynyň kararnamalarynyň 26-synyň kabul edilendigi Türkmenistanyň halkara hukugyň ösüşinde mynasyp goşandynyň bardygyny aýdyň şöhlelendirýär. Mälim bolşy ýaly, Birleşen Milletler Guramasynyň Baş Assambleýasy Türkmenistanyň başlangyjy esasynda «2025-nji ýyl — Halkara parahatçylyk we ynanyşmak ýyly» atly Kararnamany hem kabul etdi. Munuň özi döwlet derejesindäki we halkara derejedäki işlere badalga bolup durýar.

25 Noýabr 2024

Bitaraplyk

Halkara Bitaraplyk gününe

Bitaraplyk — parahatçylygyň we abadançylygyň kepili Golaýda şeýle at bilen 2024-nji — «Pähim-paýhas ummany Magtymguly Pyragy» ýylynda giňden belleniljek Türkmenistanyň hemişelik Bitaraplygynyň 29 ýyllygynyň toýy hem-de Halkara Bitaraplyk güni mynasybetli «Aý Laçyn» toý mekanynda geçirilen baýramçylyk dabarasy uly ruhubelentlige beslendi. Welaýat häkimliginiň, TZB-niň welaýat bölüminiň hem-de TKA-nyň welaýat birleşmesiniň bilelikde guramagynda geçirilen bu dabara Türkmenistanyň Mejlisiniň deputatlary, welaýat hem-de Mary şäher halk maslahatlarynyň agzalary, welaýat zenanlar bölüminiň geňeş agzalary, TKA-nyň welaýat birleşmesiniň işgärleri we işjeň agzalary, bilim, medeniýet, saglygy goraýyş ulgamlarynyň wekilleri we talyp ýaşlar gatnaşdylar.

25 Noýabr 2024

Bitaraplyk

Dabaraly çäre

Hemişelik Bitarap — bagtyýar Watan Golaýda Murgap etrap merkezi kitaphanasynyň çagalar bölümçesinde TKA-nyň etrap birleşmesiniň, TMÝG-niň etrap geňeşiniň, TAP-nyň etrap komitetiniň hem-de etrap merkezi kitaphanasynyň bilelikde guramagynda “Hemişelik Bitarap — bagtyýar Watan” atly dabaraly çäre geçirildi. Oňa etrapdaky edara-kärhanalaryň işgärleri gatnaşdylar.

25 Noýabr 2024

Bitaraplyk

Baky Bitaraplygymyza bagyşlandy

22-nji noýabrda Türkmenistanyň Söwda we daşary ykdysady aragatnaşyklar ministrliginiň we Türkmenistanyň Döwlet haryt-çig mal biržasynyň ilkinji zenanlar guramasynyň bilelikde guramaklarynda ýurdumyzyň hemişelik Bitaraplygynyň ykrar edilmeginiň 29 ýyllyk baýramy mynasybetli «Türkmenistanyň hemişelik Bitaraplygy — durnukly ösüşiň özeni» atly duşuşyk geçirildi. Duşuşyga Türkmenistanyň Döwlet haryt-çig mal biržasynyň ilkinji zenanlar guramasynyň başlygy Ýazgül Annageldiýewa, Türkmenistanyň Söwda we daşary ykdysady aragatnaşyklar ministrliginiň ilkinji zenanlar guramasynyň başlygy Bahar Pirlekowa, Türkmenistanyň Döwlet haryt-çig mal biržasynyň ilkinji zenanlar guramasynyň işjeň agzasy Oguljeren Öwezmeredowa, Türkmenistanyň Döwlet haryt-çig mal biržasynyň ilkinji zenanlar guramasynyň işjeň agzasy Enebaý Akmämmedowa, Türkmenistanyň Söwda we daşary ykdysady aragatnaşyklar ministrliginiň «Türkmenbakaleýa» döwlet lomaý-bölek söwda firmasynyň ilkinji zenanlar guramasynyň işjeň agzasy Ogulşat Jajyýewa dagy gatnaşdylar.

24 Noýabr 2024

Bitaraplyk

Bi­ta­rap­lyk — dost­luk ýo­ly

«7/24.tm»: №48 (235) 25.11.2024 Ber­ka­rar döw­le­ti­ň täze eýýamynyň Galkynyşy döw­rün­de amal edil­ýän ta­ry­hy üs­tün­lik­ler türk­men Bi­ta­rap­ly­gy­nyň se­bit­de hal­ka­ra pa­ra­hat­çy­lyk dö­re­di­ji­lik ta­gal­la­la­ry­nyň, ýur­du­my­zyň ösü­şiň tä­ze ugur­la­ry bi­len öňe saý­lan­ma­gy­nyň mö­hüm şer­ti­ne öw­rül­di. Türk­men Bi­ta­rap­ly­gy bi­ziň üçin aý­ra­tyn ta­ry­hy se­ne­dir. Bu be­ýik se­ne Türk­me­nis­ta­nyň hal­ka­ra gi­ňiş­lik­dä­ki da­şa­ry-sy­ýa­sy üs­tün­lik­le­ri we ne­ti­je­li hyz­mat­daş­ly­gy bi­ziň ýur­du­my­zyň oňyn tej­ri­be­si­ne, il­kin­ji no­bat­da, Bi­ta­rap­ly­ga we öňü­ni alyş dip­lo­ma­ti­ýa­sy­na bo­lan gy­zyk­lan­ma­la­ryň ýo­kar­lan­ma­gy­na ge­tir­di.

24 Noýabr 2024

Bitaraplyk

Bi­ta­rap­lyk — bag­ty­ýar­lyk ba­dal­ga­sy

«7/24.tm»: №48 (235) 25.11.2024 Hor­mat­ly Pre­zi­den­ti­mi­ziň öň­den­gö­rü­ji­lik­li sy­ýa­sa­ty bi­len Türk­me­nis­tan döw­le­ti­miz be­dew ba­dy bi­len öňe bar­ýar. Bi­ziň ber­ka­rar Wa­ta­ny­myz dün­ýä jemgyýetçiliginde hem çalt ös­ýän döw­let­le­riň ha­ta­ryn­da dur­ýar. Bi­ta­rap­lyk — bu bi­ziň bü­tin dün­ýä­de pa­ra­hat­çy­ly­gy ün­de­ýän, halk­la­ry bag­ty­ýar­ly­ga ça­gyr­ýan hem-de yn­san­per­wer­li­gi wa­gyz ed­ýän, ýö­rel­ge­le­ri­mi­zi dün­ýä ýaý­ýan tag­ly­mat­dyr. Türk­men hal­ky­nyň ga­dym­dan gel­ýän hoş­ni­ýet­li­lik, pa­ra­hat­sö­ýü­ji­lik, yn­san­per­wer­lik hä­si­ýet­le­ri we däp­le­ri döw­le­ti­mi­ziň Bi­ta­rap­ly­ga esas­lan­ýan da­şa­ry sy­ýa­sa­ty­nyň öze­ni bo­lup dur­ýar.

24 Noýabr 2024

Bitaraplyk

Parahatlyk geljege iň mukaddes mirasdyr

Häzirki wagtda sebitiň ýurtlarynyň özara hyzmatdaşlygyny ösdürmek hem-de işjeňleşdirmek wajyp wezipe bolup durýar. Çünki Merkezi Aziýany örän güýçli we çalt depginler bilen ösýän, şonuň ýaly-da, geljegi uly ykdysady sebitlere goşmaga ýurtlarymyzda ähli mümkinçiliklerdir artykmaçlyklar bolup, bu wezipäni üstünlikli çözmek, ilkinji nobatda, sebit hyzmatdaşlygyny ösdürmäge oňaýsyzlyk döredýän täsirleri aradan aýryp biljek netijeli gurallary işläp taýýarlamagy we durmuşa ornaşdyrmagy talap edýär. Şu jähetden, 24-nji oktýabrda BMG-niň Baş Assambleýasynyň 79-njy sessiýasynyň 25-nji plenar mejlisinde Türkmenistanyň başlangyjy bilen «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamanyň biragyzdan kabul edilmegi möhüm ähmiýete eýedir. Ilkinji nobatda, sebitimiziň — Merkezi Aziýanyň ýurtlaryny ösen syýasy, ykdysady we ruhy medeniýetiň, taryhy umumylygyň berk baglanyşdyrýandygyny bellemek gerek. Şol baglanyşygyň esasynda dostlukly gatnaşyklarymyzy häzirki zaman şertlerinde üstünlikli ilerletmek üçin tagallalary birleşdirmek zerur. Bu babatda Türkmenistan sebit we halkara giňişlikde oňyn başlangyçlar bilen çykyş edip, giň goldawa, belent ykrarnama eýe bolýar. Munuň nobatdaky mysaly «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamanyň kabul edilmegidir. Birleşen Milletler Guramasyna agza ýurtlaryň köpüsiniň Bitarap Türkmenist

22 Noýabr 2024

Bitaraplyk

Baky Bitaraplygymyzyň 29 ýyllygyna

Bitaraplyk ýörelgesi —  parahatlyk pelsepesi Türkmenistan mukaddes Garaşsyzlygyny gazanan ilkinji gününden başlap, dünýä döwletleri bilen hoşniýetli goňşuçylyga, birek-birege hormat goýmaga we özara bähbitli hyzmatdaşlyga daýanýan gatnaşyklary ýola goýdy. Hormatly Prezidentimiziň parasatly baştutanlygynda üstünlikli alnyp barylýan parahatçylyk söýüjilikli daşary syýasatyň netijesinde, ýurdumyz halkara gatnaşyklar ulgamynda täze sepgitlere ýetýär. Sebitiň syýasy, ykdysady we medeni giňişligine işjeň goşulýan hem-de özüniň döredijilik kuwwatyny tutuş adamzadyň bähbidine gönükdirýän ýurdumyz halkara hyzmatdaşlygy giňeltmäge we işjeňleşdirmäge mynasyp goşant goşup, baky Bitaraplyk halkara hukuk ýagdaýyna esaslanýan daşary syýasaty üstünlikli durmuşa geçirýär.

20 Noýabr 2024

Bitaraplyk

Nusgawy gymmatlyk

Garaşsyz, hemişelik Bitarap Diýarymyzyň dünýä döwletleri we iri halkara guramalar bilen işjeň hyzmatdaşlyk gatnaşyklary bu günki gün ýokary netijelerini berýär. Halkara guramalardan ýurdumyza gelip gowuşýan hoş habarlar merdana halkymyzyň şatlygyny goşalandyryp, döwletimiziň mertebesini has-da beýgeldýär. Şu ýylyň 21-nji martynda BMG-niň Baş Assambleýasynyň 78-nji sessiýasynyň 63-nji plenar mejlisinde Türkmenistanyň başlangyjy bilen 2025-nji ýylyň «Halkara parahatçylyk we ynanyşmak ýyly» diýlip yglan etmek hakyndaky Kararnamanyň biragyzdan kabul edilmegi, dünýäniň 86 döwletiniň bu taryhy Kararnamanyň awtordaşy bolup çykyş etmegi ata Watanymyzyň halkara abraý-mertebesiniň beýikdigini görkezýär. Kararnamanyň şeýle giň goldawa eýe bolmagy Bitarap Türkmenistanyň strategik maksatlarynyň umumy bähbitlere we meýillere laýyk gelýändiginiň, BMG-niň Tertipnamasynda ykrar edilen halkara hukuk kadalaryna esaslanýan döwletara hyzmatdaşlyga işjeň gatnaşýandygynyň aýdyň güwäsidir. Hemişelik Bitaraplygymyz halkymyzyň taryhy ykbalynda mukaddes Garaşsyzlyk bilen bir hatarda duran ägirt uly gymmatlykdyr. Ol ýurdumyzyň her bir raýaty üçin parahat durmuşyň kepilidir, ertirki gününe ynamydyr, erkin zähmet çekmek we nesilleri ynsanperwerlik ruhunda terbiýelemek mümkinçiligidir.

20 Noýabr 2024

Bitaraplyk

Parahatçylygyň gözbaşy

Hormatly Prezidentimiziň, Gahryman Arkadagymyzyň taýsyz tagallalary bilen bu gün Watanymyz Ýer ýüzünde asudalygyň, dost-doganlygyň dabaralanýan mekany, dünýäniň ähli halklarynyň asuda we bagtyýar ýaşaýşyna gönükdirilen möhüm ähmiýetli başlangyçlary öňe sürýän ýurt hökmünde tanalýar. Durmuşa geçirilýän şol belent maksatlar, netijeli işler bolsa halkara derejede uly gyzyklanma we goldawa eýe bolýar. Ata-babalarymyz şöhratly taryhynyň bütin dowamynda parahatçylyk we agzybirlik däplerini özüne ýol-ýörelge edinipdirler. Dünýä ýurtlary bilen diplomatik gatnaşyklary ýola goýmak maksady bilen, 1992-nji ýylda «Açyk gapylar» syýasatyny yglan eden ýurdumyz häzirki wagta çenli Ýer ýüzünde parahatçylygy berkitmekde alnyp barylýan işlerde mynasyp orun eýeleýär. Ata Watanymyz bu ugurda Birleşen Milletler Guramasynyň işjeň agzasy, esasy hyzmatdaşlarynyň biridir. 2007-nji ýylyň aprelinde paýtagtymyzda Birleşen Milletler Guramasynyň Merkezi Aziýa üçin öňüni alyş diplomatiýasy boýunça sebit merkezi açyldy. Ýurdumyzyň öňe sürýän teklipleri bilen BMG-niň Baş Assambleýasy tarapyndan kararnamalaryň ençemesi kabul edildi. 2020-nji ýylyň sentýabrynda Türkmenistanyň başlangyjy esasynda parahatçylygyň, howpsuzlygyň we durnukly ösüşiň bähbidine Bitaraplygyň dostlary topary döredildi. Bu topar BMG-ä agza döwletlere sebit we halkara derejede hyzmatdaşlygyň dürli ugurlary boýunça oňyn pikir alyşmaga mümkinç

20 Noýabr 2024

Bitaraplyk

Şirin şygyr — ýagşy işlere çakylyk, her jümlesi kalpda galar bakylyk

Şeýle bir ykballar bolýar. Olar maňlaýyna ýazylan ynsanlaryň häsiýetlerini düýpgöter özgerdýär. Şeýle bir ynsanlar bolýar. Olar ýeke jümlesi bilen özleriniň hem özgeleriň ykbalyny bütinleý başga ykbala öwürýär. Ykbalyny Watana ak ýürekden hyzmat etmäge bagyşlan, beýik işleri dünýä nusgalyk Ynsanyň — Gahryman Arkadagymyzyň döwet galamyndan döreýän, almaz akylyndan syzylyp çykýan jilweli jümleleriň her biri, diňe bir türkmen halkyna däl, eýsem, tutuş ynsanyýete özüniň degerli täsirini ýetirýär. Biz munuň şeýledigini türkmen halkynyň Milli Lideriniň «Ýaşasyn parahat durmuş!» atly ajaýyp şygrynyň dünýäniň dürli dillerinde aýdym edilip aýdylýandygynda hem görýäris. Ýaňy-ýakynda Gahryman Arkadagymyzyň jöwher paýhasyndan döräp, halk köpçüligine gelip gowşan «Türkmenistan — parahatçylygyň we ynanyşmagyň Watany» atly şahyrana şygyr hem umumadamzady parahat durmuş üçin ýagşy işlere gol ýapmaga çagyrýan ajaýyp aýdymyň dowamy bolup hakydamyza doldy. Bu şirin şygyrdaky: Ömürleriň manysy söýgi, mähir, yhlasdyr —

20 Noýabr 2024

Bitaraplyk

Halkara Bitaraplyk gününe

Hoşniýetli gatnaşyklar syýasaty Hormatly Prezidentimiziň öňdengörüjilikli daşary syýasaty Garaşsyz Türkmenistanymyzyň Birleşen Milletler Guramasynyň Baş Assambleýalarynda biragyzdan kabul edilen Kararnamalarynyň ikisi bilen ykrar edilen Hemişelik Bitaraplyk hukuk ýagdaýyna esaslanýar. Döwlet Baştutanymyzyň bu parasatly syýasaty parahatçylyksöýüjiligiň, hoşniýetli goňşuçylyk gatnaşyklarynyň, bütin dünýäde howpsuzlygy pugtalandyrmagyň syýasaty bolany üçin adamzat jemgyýetçiligi tarapyndan uly goldawa eýe bolýar. Şol bir wagtda Garaşsyz döwletimiziň Bitaraplyk derejesi türkmen halkynyň parahat, asuda durmuşda ýaşamagynyň we zähmet çekmeginiň ygtybarly kepili bolup hyzmat edýär.

20 Noýabr 2024

Bitaraplyk

Bitaraplyk syýasaty we milli aňyýet

Esasy Kanunymyzda bellenilişi ýaly, Türkmenistanyň hemişelik Bitaraplygy onuň içeri we daşary syýasatynyň esasy bolup durýar. Ine, şeýle kesgitleme biziň halkymyz üçin Garaşsyz eýýamyň ösüş ugurlaryny, maksatlaryny, geljegini kepillendirýän ilkinji şertleriň biri bolup durýar. Bitaraplygyň kepillikleriniň täsiriniň uludygyny wagt barha äşgär edip, saýlanyp alnan bu syýasy-jemgyýetçilik ösüş ýolunyň diňe döwletiň syýasy esasy bolmak çäginden has giňdigini ýüze çykarýar. Bitaraplyk türkmen halkynyň dünýägaraýşyna, ruhuna, aňyýetine düýpli ornaşan düşünjedir. Çünki hemişelik Bitaraplyk baradaky konstitusion kesgitlemede bellenen halkara borçlardan başga-da, bu babatda döwlet syýasatynyň täsiri bilen halkyň jemgyýetçilik aňy, özboluşly garaýyşlary kemala geldi. Şol garaýyşlar, düşünjeler tarp ýerden täzeden döremedi. Munuň özi türkmen halkynyň müňýyllyklaryň dowamynda kemala gelen, milli garaýyşlaryna laýyk bolmadyk dürli syýasy-jemgyýetçilik, ruhy, aňyýet täsirleri netijesinde belli bir derejede öçügsileşen milli ýolunyň täzeden galkynmasy boldy. Köp asyrlardan soň dünýä ösüşine Garaşsyz döwlet hökmünde, halkara hukugyň kadalary esasynda goşulyşan türkmen döwletiniň syýasy-jemgyýetçilik gurluşynyň düýp mazmunynda halkyň gadymy durmuş, döwletlilik ýolunyň dikeldilmeginiň ilkinji hem esasy alamaty bolsa Bitaraplyk syýasatydyr.

20 Noýabr 2024

Bitaraplyk