"Türkmen gündogary" welaýat gazeti

Esaslandyryjysy: Lebap welaýatynyň häkimligi
Salgysy: Türkmenabat şäheri, S.A.Nyýazow şaýoly, 42
Telefon belgileri: 3-14-36, 3-26-83, 3-26-82
Email: turkmengundogary-gazeti@sanly.tm

Gazeti PDF görnüşinde ýükläp almak

Habarlar

Ronaldomy, Messi?

«Türkmenistan Sport», № 3 (23), 2024 2-nji iýu­lyň Sport žur­na­list­le­ri­niň gü­nü­di­gi me­ni ta­na­ýan­la­ryň ara­syn­da di­ňe Şü­kür­ba­ýe­wi­çiň ýa­dy­na dü­şüp­dir. Hat­da dog­lan gü­ne hem kän bir äh­mi­ýet ber­me­ýän ada­my hal­ka­ra hü­när baý­ra­my bi­len bag­ly gür­rüň­ler gy­zyk­lan­dyr­ma­jak ýa­ly. Em­ma ony fut­bol bi­parh goý­ma­ýar. Mu­nuň şeý­le­di­gi­ne öle­men fut­bol jan­kö­ýe­ri Sü­leý­ma­n bi­len du­şu­şan wagt­la­ry has aý­dyň göz ýe­ti­rip bol­ýar. Bu ge­zek «EURO 2024» we «Copa Ame­rica» (2024) bi­len baş­la­nan gür­rüň «Ro­nal­do­my, Mes­si?» di­ýen ri­to­ri­ki so­wa­la öw­rü­len jüm­le bi­len jem­len­di. Eger 5-nji gat­da­ky iş ota­gy­ma, oz­al­ky­la­rym ýa­ly, bas­gan­çak bi­len gel­sem, oý­lan­ma­ga wag­tym bol­jak­dy. Lif­tiň hyz­ma­tyn­dan peý­da­la­nan­ly­gym üçin pi­kir­len­mä­ge ma­ýym bol­ma­dy. Şu gys­ga pur­sat­da fut­bo­lyň ta­ry­hyn­da yz gal­dy­ran ýyl­dyz­la­ry ýat­la­ma­ga ça­lyş­dym.

28 Sentýabr 2024

Sport

Sport hyzmatdaşlygynyň täze gözýetimleri

26-njy sentýabrda hormatly Prezidentimiz Serdar Berdimuhamedow mukaddes Garaşsyzlygymyzyň 33 ýyllygy mynasybetli geçirilýän dabaralara gatnaşmaga gelen Bütindünýä etnosport konfederasiýasynyň başlygy Bilal Ärdogany kabul etdi. Döwlet Baştutanymyz myhmany gadymy türkmen topragynda kabul etmäge örän şatdygyny aýdyp, toý şatlygyny paýlaşmaga ýurdumyza gelendigi üçin oňa minnetdarlyk bildirdi. Myhman wagt tapyp kabul edendigi üçin hoşallyk bildirip, hormatly Prezidentimizi ýurdumyzyň Garaşsyzlyk baýramy bilen tüýs ýürekden gutlady hem-de Türkiýäniň Prezidenti Rejep Taýyp Ärdoganyň mähirli salamyny, türkmen halkyna abadançylyk, rowaçlyk baradaky iň gowy arzuwlaryny ýetirdi. Hormatly Prezidentimiz, öz nobatynda, Türkiýe Respublikasynyň Prezidenti Rejep Taýyp Ärdogana mähirli salamyny hem-de berk jan saglyk, abadançylyk baradaky iň gowy arzuwlaryny beýan etdi. Duşuşygyň barşynda döwlet Baştutanymyz myhmanyň saparynyň çäklerinde geçiriljek gepleşikleriň we duşuşyklaryň ýurtlarymyzyň arasyndaky sport hyzmatdaşlygyny has-da işjeňleşdirmäge täze itergi berjekdigine ynam bildirdi.

27 Sentýabr 2024

Sport

Aziýa çempionatyndaky üstünlik

Türkmen türgeni Dawut Nazmyradow Hançžou (Hytaý) şäherinde uly ýaşly türgenleriň arasynda geçirilen WKF karate boýunça Aziýanyň çempionatynda bürünç medal gazandy. Dawut Nazmyradow 75 kilograma çenli agram derejesinde kumite boýunça şowly çykyş edip, üstünlige barýan ýolda üç ýeňiş gazandy.

27 Sentýabr 2024

Sport

Ussatlyk sapagy

Golaýda ýurdumyzyň dzýudo boýunça milli ýygyndy toparynyň baş tälimçisi, ýaponiýaly hünärmen Tokuno Kazuhiko Türkmenistanyň Bedenterbiýe we sport baradaky döwlet komitetiniň Ýaş olimpiýaçylary taýýarlaýyş mekdebinde bolup, bu ýerde bilim alýan ýetginjekler bilen ussatlyk sapagyny geçdi. Tejribeli tälimçi dzýudonyň inçe tilsimlerini görkezmek bilen, ýaşlaryň hem ukyp-başarnyklaryny synady. Ol türkmen türgenleriniň mümkinçiliklerine ýokary baha berdi.

27 Sentýabr 2024

Sport

Abraýly ýaryşyň altyn medaly

Türkmen türgeni Şahzadbek Matýakubow Ispaniýanyň Leon şäherinde tamamlanan agyr atletika boýunça ýaşlaryň arasyndaky dünýä çempionatynda altyn medal gazanmagy başardy. Şeýle hem ol dünýä rekordyny goýdy. 102 kilogram agram derejesinde çykyş eden ildeşimiz silterläp götermekde 175 kg netije görkezdi. Itekläp götermekdäki dünýä rekordyny 1 kilogram täzelän (216) ildeşimiz iki görnüşiň jemi boýunça 391 kg netije görkezip, dünýä çempiony boldy. Bu agram derejesinde ikinji, üçünji orunlary degişlilikde braziliýaly Mateus Pessanýa (383 kg) bilen müsürli Mahmud Hosni (369 kg) eýelediler. Bu ýaryşda Anamjan Rustamowa hem silterläp götermekde kiçi bürünç medala mynasyp boldy. Ol 81 kilograma çenli agram derejede çykyş edip, silterläp götermekde 103 kilogram netije görkezdi we üçünji orny eýeledi. Dünýä çempionatynda 67 ýurtdan 350-den gowrak türgen baýrakly orunlar ugrunda bäsleşdi.

27 Sentýabr 2024

Sport

Bedenterbiýe we sport

Şanly Garaşsyzlygymyzyň 33 ýyllyk baýramy mynasybetli Türkmenistanyň Bedenterbiýe we sport baradaky döwlet komitetiniň Sport mekdebiniň dzýudo boýunça açyk birinjiligi geçirildi. 2008 — 2010, 2013-2014, 2015-2016, 2017-nji ýyllarda doglan ýetginjek türgen oglanlaryň arasynda geçirilen ýaryş çekeleşikli häsiýete eýe boldy. Şeýlelikde, Aşgabat şäheriniň bedenterbiýe we sport baradaky Baş müdirliginiň 1-nji sport mekdebiniň topary 1-nji orna mynasyp boldy (tälimçi Ahmet Akyýew). Türkmenistanyň Bedenterbiýe we sport baradaky döwlet komitetiniň Sport mekdebiniň topary 2-nji orny eýeledi (tälimçi Tahyr Amandurdyýew). Ýeňiji bolan türgenler Türkmenistanyň Magtymguly adyndaky ýaşlar guramasynyň Aşgabat şäher geňeşiniň sowgatlary bilen sylaglandylar.

27 Sentýabr 2024

Sport

Taryhda şu gün

Häzirki wagta çenli Portugaliýanyň futbol çempionatyny 29 gezek birinji orunda tamamlan topar 1987-nji ýylda Ýewropanyň iň naýbaşy bäsleşigi hasaplanýan Ýewropa çempionlarynyň Kubogynyň ýeňijisi bolýar. Soňlugynda Çempionlar ligasy adyna eýe bolan Kubok bäsleşigindäki ikinji üstünligini 2004-nji ýylda gazanýar. Toparyň 2003-nji ýylda UEFA-nyň Kubogynda hem-de 2011-nji ýylda Ýewropa ligasynda üstünlik gazanandygy hem bellenmäge mynasypdyr.

27 Sentýabr 2024

Sport

Gyzykly geçen ýaryş

Garaşsyzlygymyzyň şanly 33 ýyllygy mynasybetli Saglygy goraýyş işgärleriniň kärdeşler arkalaşygynyň Balkanabat şäher geňeşi welaýat bedenterbiýe we sport baradaky Baş müdirligi bilen bilelikde sportuň kiçi futbol görnüşi boýunça ýaryş geçirdi. Welaýat merkeziniň saglygy goraýyş edaralarynyň işgärlerinden düzülen toparlaryň arasynda gyzykly ýagdaýda geçen ýaryşyň netijesi boýunça birinji orna welaýat dermanhana müdirliginiň topary mynasyp boldy. Ikinji orny Balkanabat şäheriniň 1-nji saglyk öýüniň, üçünji orny welaýat saglygy goraýşyň awtoulaglary kärhanasynyň toparlary eýelediler.

26 Sentýabr 2024

Sport

Sport

Futbolçylaryň ýaryşy 2009-2010-njy ýyllarda doglan ýetginjekleriň arasynda welaýatda birinjiligi almak ugrunda ýaryş geçirildi. Ýaryş Mary şäherindäki “Bagtyýarlyk”, Murgap etrabyndaky “Murgap” sport desgalarynda geçirildi. Ýaryşa 5 topar — Olimp sport mekdebiniň, Mary şäherindäki 5-nji sport mekdebiniň 2 topary, Baýramaly şäherindäki sport mekdebiniň, Murgap etrabyndaky sport mekdebiniň türgenleri gatnaşdylar. Türgenler bu ýaryşa, diýseň, taýýarlykly gelip, ýaryş örän çekeleşikli we gyzykly geçdi.

26 Sentýabr 2024

Sport

«Milan » «Interi » 6 oýundan soň ýeňdi

Italiýanyň çempionaty «Serie A»-da tapgyryň merkezi duşuşygynda, Milan derbisinde «Milan » köne bäsdeşi «Interi » myhmançylykda 2–1 hasabynda ýeňdi. 10-njy minutda Pulişiçiň goly bilen öňe geçen «Milan » 28-nji minutda Dimarkonyň goluna çäre tapyp bilmedi. Oýnuň 88-nji minutynda bolsa Matteo Gabbiýa «Milana » ýeňiş getiren oýunçy boldy. «Milan » 2022-nji ýyldan bäri, 6 oýundan soň «Interi » ilkinji gezek ýeňlişe sezewar etdi. Yzly- yzyna 3-nji golsuz deňme- deňlik «Serie A»-da «Ýuwentus » bilen «Napoliniň » arasyndaky oýunda hasap açylmady. Ilkinji 2 duşuşygynda 3-0 hasaplar bilen ýeňiş gazanan «Ýuwentusyň » soňky 3 oýny golsuz tamamlandy. Tälimçisini ugradan «Roma » Iwan Ýuriçiň ýolbaşçylygyndaky ilkinji oýunda 5-nji tapgyra liderlikde başlan «Udinezeni » Dowbyk, Dibala hem-de Baldanziniň gollary bilen 3–0 hasabynda ýeňdi. 5-nji tapgyrdan soň sanawyň lideri üýtgäp, «Torino » 11 utuk bilen 1-nji orunda barýar. «Barselonany» durzup bolanok Ispaniýanyň çempionatynda sanawyň lideri «Barselonany » durzup bolanok. Myhmançylykda «Wilýarrealy » 5-1 hasabynda ýeňen katalonlaryň gollarynyň 2-sini Lewandowski, 2-sini Rafinýa, beýlekisini- de Pablo Torre geçirdi. Lewandowskiniň 67-nji minutda penaltini salyp bilmän het-trigi tamamlap bilmedik oýnunda «Barselonanyň » derwezeçisi Ter Ştegen agyr şikes aldy we möwsümiň ahyryna çenli onuň toparyna kömegi degmez. Soňky çempion «Real Madrid » b

26 Sentýabr 2024

Sport

Italiýaly meşhur futbolçy aradan çykdy

Italiýaly meşhur futbolçy Salwatore «Toto» Skillaçi 59 ýaşynda aradan çykdy. 2 ýyl töweregi wagtdan bäri düwnük keselinden ejir çekip gelýän Skillaçi 1990-njy ýylda Italiýada geçirilen çempionatyň ýyldyzy bolupdy. 1964-nji ýylyň 1-nji dekabrynda Palermo şäherinde dünýä inen Skillaçi 1982-nji ýylda «Messina » toparynda futbola başlap, ol bu ýerde 1989-njy ýyla çenli oýnady. Soňra 3 möwsüm «Ýuwentusda », 2 möwsümem «Interde » oýnap, 1994-nji ýylda Ýaponiýanyň «Jubilo Iwata » toparyna transfer boldy. Ol bu klubda- da 4 möwsüm çykyş etdi. 1990-njy ýylda Italiýada geçirilen Dünýä Kubogynda ýygynda çagyrylan Skillaçi çempionata adyny altyn harplar bilen ýazdyrýar. Ol çempionatda 6 gol geçirip, ýaryşyň iň netijeli futbolçysy bolýar hemde iň ökde oýunçysy saýlanýar. Şol çempionatda Italiýa 10 gol geçirýär we onuň 6-syny Skillaçi öz adyna ýazdyrýar. Italiýanyň ýygyndysy çempionaty bürünç medal bilen tamamlaýar. Skillaçi Italiýanyň çempionatda duşuşan 7 toparynyň 6-synyň derwezesini sarsdyrýar. Skillaçi Italiýanyň ýygyndysynda jemi 16 gezek çykyş edip, şolarda 7 goly derwezä girizýär. «Ýuwentus » bilenem, «Inter » bilenem UEFA Kubogyny gazanan Skillaçi 1997-nji ýylda «Jubilo Iwatanyň » düzüminde Ýaponiýanyň çempionlygyna mynasyp bolýar. Skillaçi klublarda 498 oýunda 181 gol geçirýär.

26 Sentýabr 2024

Sport

Ýene-de 90-njy minutdan soň...

Germaniýanyň çempionatynda «Bawariýa » myhmançylykda «Werderiň » derwezesinden jogapsyz 5 gol girizdi. Münhen şäheriniň wekiliniň soňky 3 duşuşykda geçiren gollarynyň sany 20-ä ýetdi. Duşuşykda Olise (2), Musiala, Keýn hem-de Gnabri tapawutlandy. Soňky çempion «Baýer » öz meýdançasynda «Wolfsburg » bilen duşuşyp, 7 goluň geçirilen oýnunda ýene- de 90-njy minutdan soň geçiren goly esasynda 4-3 hasabynda ýeňşini baýram etdi. Duşuşykda «Baýeriň » gollaryny Wirts (14), Ta (32), Hinkapie (49), Bonifeýs (90+3), 1-nji ýarymda 3-2 öňe saýlanan «Wolfsburgyň » gollaryny bolsa Mukiele (5 ö.d.), Bornauw (37) hem-de Swanberg (45+1) geçirdi. Myhmançylykda «Ştutgart » bilen duşuşan «Borussiýa Dortmund » topary 5-1 hasabynda ýeňlişe sezewar boldy. Bu olaryň möwsümdäki ilkinji ýeňlişi bolup, duşuşykda «Ştutgartyň » gollaryny Undaw (2), Demirowiç, Miýo hem-de Ture derwezä girizdi.

26 Sentýabr 2024

Sport

«Mançester Siti » soňky sekuntlarda ýeňlişden halas boldy

Angliýanyň «Premier Ligasynda » tapgyryň iň esasy oýnunda ýeňiş gazanan bolmady. Çekeleşikli we dartgynly geçen duşuşykda «Mançester Siti » soňky sekuntlarda ýeňlişden halas boldy. Öz meýdançasynda «Arsenaly » kabul eden «Mançester Siti » Erling Holannyň 9-njy minutdaky goly bilen öňe saýlandy. Bu onuň klubdaky 100-nji goly hökmünde hasaba alyndy. Holann 100-nji goluna 105 oýunda ýetip, Kristiano Ronaldonyň «Real Madridde » 105 oýunda 100 gol rekordyny gaýtalady. Holann APL-de ilkinji 5 tapgyrda 10 gol geçiren ilkinji futbolçy boldy. Duşuşygyň 22-nji minutynda Kalafioriniň ajaýyp goly bilen «Arsenal » hasaby deňledi. 45+1-nji minutda braziliýaly goragçy Gabriel «Arsenaly » öňe saýlady. Ýöne 45+8-nji minutda Trossara emin Maýkl Oliwer 2-nji sarydan soň gyzyl kart görkezip, ony meýdançadan kowdy. 2-nji ýarymda duşuşyk «Arsenalyň » jerime meýdançasynyň alkymynda geçse- de, «Mançester Siti » 90+8-nji minutda hasaby Stounzyň goly bilen deňläp, ýeňlişden halas boldy. «Mançester Siti » «Premier Ligada » 2022-nji ýylyň noýabryndan bäri öz meýdançasynda ýeňilmän gelýär (33 oýun). Duşuşykda dyzyndan şikes alan «Mançester Sitiniň » ispaniýaly ýyldyzy Rodri üçin möwsüm tamamlandy. APL-de 5-nji tapgyrda «Çelsi » Jeksonyň (2) hem-de Palmeriň gollary bilen myhmançylykda «West Hamdan » 3–0 hasabynda üstün çykdy. «Liwerpul » hem şol hasap bilen «Bornmuty » ýeňip, duşuşykda Luiz Diaz (2) bilen N

26 Sentýabr 2024

Sport

Hepdäniň esasy duşuşyklary

27-nji sentýabr (anna) Borussiýa D – Bohum (23:30) Milan – Leççe (23:45) PSŽ – Renn (00:00) 28-nji sentýabr (şenbe) Nýukasl – Man. Siti (16:30) Udineze – Inter (18:00) Lokomotiw – Spartak (18:30) Arsenal – Lester (19:00) Çelsi – Braýton (19:00) Jenoa – Ýuwentus (21:00) Wulwerhempton – Liwerpul (21:30) Bawariýa – Baýer (21:30) Krasnodar – Zenit (21:30) Osasuna – Barselona (00:00) 29-njy sentýabr (ýekşenbe) Torino – Lasio (15:30) Ipswiç – Aston Willa (18:00) M. Ýunaýted – Tottenham (20:30) Napoli – Monza (23:45) Strasbur – Marsel (23:45) Atletiko – Real Madrid (00:00)

26 Sentýabr 2024

Sport

Çempionlar Ligasynda 1-nji duşuşyklar barada statistikalar, gyzykly maglumatlar

UEFA Çempionlar Ligasynyň täzelenen formatdaky möwsüminiň ilkinji tapgyrynyň duşuşyklary tamamlandy. Geçirilen 18 oýunda dürli hasabatlar ýüze çykdy. * 18 duşuşykda jemi 57 gol hasaba alnyp, oýunlaryň 10-synda ýer eýeleri, 5-sinde myhmanlar ýeňiş gazandy. Deňlikde gutaran 3 duşuşykda- da hasap açylmady. Golsuz deňlikde tamamlanan duşuşyklaryň 2-si Italiýada geçirildi. Umumylykda deňme- deň tamamlanan duşuşyklarda taraplaryň biri italýan klublary boldy. * 5 klubly gatnaşýan Germaniýanyň 3 kluby ýeňiş gazandy, 2 topary- da utuldy. 5 toparly ýurtlardan italýanlaryň 1 kluby ýeňip, 1 kluby utuldy, 3 kluby- da golsuz deňme- deň oýnady. 4 klubly ýurtlardan Fransiýanyň 3 kluby ýeňşini baýram etdi (1 ýeňliş). Iňlis klublarynyň 2-si ýeňse, 2-si deňme- deň oýnady. Ispan toparlarynyň 2-si Madrid şäheriniň wekilleri 3 utuk aldy, ýöne Kataloniýa sebitiniň wekilleri ýeňlişe sezewar boldy. Portugal klublarynyň 2-si 1-nji tapgyry ýeňiş bilen tamamlady. Awstriýanyň, Niderlandlaryň 2 kluby hem utuldy. * UEFA-nyň ýaryşlaryna ilkinji gezek gatnaşýan toparlardan «Brest» 1-nji aýlawy ýeňiş bilen tamamlasa, «Žirona » iň soňky minutlarda derwezeçisiniň awtogoly bilen ýeňlişe sezewar boldy. Çempionlar Ligasynyň debýutanty «Slawiýa Bratislawa » myhmançylykda uly hasap bilen ýeňildi. 42 ýyldan soň bu ýaryşa wekilçilik edýän «Aston Willa » myhmançylykda 3 utugy 3 gol bilen gazandy. 60 ýyldan soň UEFA-nyň i

26 Sentýabr 2024

Sport

Myhmançylykdaky toparlaryň uly hasaply ýeňişleri

Futbol boýunça Türkmenistanyň çempionatynda 25-nji tapgyryň çäginde 3 duşuşyk geçirildi. Şolaryň 2-sinde myhmançylykdaky toparlar uly hasaplar bilen ýeňiş gazandy. Sanawyň lideri «Arkadag » topary myhmançylykda «Merw» bilen duşuşyp, 8–1 hasabynda ýeňiş gazandy. Myhmanlara uly hasaply ýeňiş getiren gollary Altymyrat Annadurdyýew (9, 22), Didar Durdyýew (37), Abdy Bäşimow (44), Şanazar Tirkişow (45+4), Ybraýym Mämmedow (60), Begenç Akmämmedow (82) hem-de Güýçmyrat Annagulyýew (90+2) geçirdi. «Merwiň » ýeketäk pökgüsini bolsa 76-njy minutda 11 metrlik jerime urgusyndan Söhbet Allanurow öz adyna ýazdyrdy. «Altyn asyr» topary myhmançylykda «Köpetdagyň » derwezesinden jogapsyz 3 gol girizdi. Gollaryň 2-sini Myrat Annaýew (48, 68 p), beýlekisini- de Mihail Titow (62) tora saldy. Ýeňijini ýeke- täk goluň kesgitlän oýnunda «Nebitçi » öz meýdançasynda «Aşgabat » toparyny Myratdurdy Baýramowyň 78-nji minutdaky goly bilen 1–0 hasabynda ýeňlişe sezewar etdi. «Ahal» bilen «Şagadamyň » arasyndaky duşuşyk bolsa ätiýaçdaky günleriň birine geçirildi. Çempionatda iň köp gol geçirenleriň sanawynda «Arkadag » toparynyň oýunçylarynyň öz arasynda ýiti göreş dowam edýär. Didar Durdyýew 24 gol bilen 1-nji orunda barýar. 23 golly Altymyrat Annadurdyýew 2-nji, 14 gol geçiren Begenç Akmämmedow 3-nji orny eýeleýär.

26 Sentýabr 2024

Sport

Üçünji aýlawyň soňky tapgyrlary

Futbol Milli futbol çempionatymyzyň üçünji aýlawynyň 24-nji we 25-nji tapgyrlarynyň oýunlary geçirildi. Balkanabadyň «Nebitçisi» 24-nji tapgyrda Ahal welaýatynyň Änew şäheriniň «Ahal» toparyny kabul etdi. Duşuşygyň 28-nji minutynda Daýanç Meredowyň, 34-nji minutynda 11 metrlik jerime urgusyndan Elman Tagaýewiň geçiren gollary myhmanlara nobatdaky ýeňşi getirdi.

25 Sentýabr 2024

Sport

Sport mekdep-internatynyň açyk birinjiligi

Ahal welaýatynyň ýaş olimpiýaçylary taýýarlaýan sport mekdep-internatynda sportuň dzýudo görnüşi boýunça açyk birinjilik geçirildi. Şanly Garaşsyzlygymyzyň 33 ýyllygynyň hormatyna geçirilen mekdebiň açyk birinjiligine ýaş dzýudoçylaryň onlarçasy gatnaşdy. Ýaş olimpiýaçylary taýýarlaýan sport mekdep-internatynyň okuwçylary ýaryşda has şowly çykyş etdiler. 46 kilogram agram derejesinde Ismail Haýdarow, 50 kilogram agram derejesinde Yhlas Lellekow, 55 kilogram agramda Nurmuhammet Atanepesow, 66 kilogram agram derejesinde Şükür Hatamow, 81 kilogramdan ýokary agramda Hanmyrat Annalyýew dagy ýeňiji boldy.

25 Sentýabr 2024

Sport

Ýeňil atletika ýaryşy

Ak bugdaý etrabynyň sport mekdebinde sportuň ýeňil atletika görnüşi boýunça ýaryş geçirildi. “Türkmenistan” Ýaşlar bedenterbiýe-sport guramasynyň welaýat bölüminiň, etrap bilim bölüminiň hem-de etrabyň bedenterbiýe we sport bölüminiň bilelikde guramagynda geçirilen ýaryşa etrapdaky orta mekdeplerden toparlar gatnaşdy. Şanly Garaşsyzlygymyzyň 33 ýyllyk baýramyna bagyşlanan ýaryşda okuwçy oglanlar we gyzlar aýratynlykda ukyp-başarnygyny görkezdiler. Çekeleşikli geçen ýaryşyň netijesinde okuwçy gyzlaryň arasynda 16-njy orta mekdebiň topary birinji, ýöriteleşdirilen 45-nji orta mekdebiň topary ikinji, 1-nji orta mekdebiň topary üçünji orna mynasyp boldy. Oglanlaryň arasyndaky ýaryşda 1-nji, 10-njy hem-de ýöriteleşdirilen 45-nji orta mekdepleriň toparlary baýrakly birinji, ikinji, üçünji orunlary eýelediler. Ýeňiji toparlar hormat hatlary bilen sylaglandy.

25 Sentýabr 2024

Sport

Sport mekdebiniň birinjiligi

Garaşsyzlyk baýramyna bagyşlanyp, Bäherden etrap sport mekdebinde grek-rim göreşi boýunça birinjilik geçirildi. Türkmenistanyň Kärdeşler arkalaşyklarynyň etrap birleşmesiniň hem-de etrap sport mekdebiniň bilelikde guramagynda geçen ýaryşa 2014-2015-nji ýyllarda doglan türgenler gatnaşdy. Ýaryşda 21 kilogram agramda Oraz Ýomudow, 23 kilogram agramda Ahmet Babaýew, 25 kilogram agramda Mälik Baýramberdiýew, 27 kilogram agramda Kerwen Çaryýarow, 29 kilogram agramda Döwlet Nuryýew, 31 kilogram agramda Hezret Ataýew, 33 kilogram agramda Hekim Suhanlyýew, 35 kilogram agramda Selim Muhammedow dagy üstün çykdy. Ýaryşda ýeňiji bolan türgenlere Hormat hatlary hem-de ýadygärlik sowgatlar gowşuryldy.

25 Sentýabr 2024

Sport