«Atalanta» 1-nji orna geçdi

Jemgyýet
11 Dekabr 2024
124

Ita­li­ýa­nyň çem­pio­na­tyn­da 15-nji tap­gyr­dan soň sa­na­wyň li­de­ri üýt­gäp, «Mi­la­ny» De Ke­te­la­re hem-de Ade­mo­la Luk­ma­nyň gol­la­ry bi­len 2–1 ha­sa­byn­da ýe­ňen «Ata­lan­ta» 1-nji or­na beý­gel­di. «Ata­lan­ta» to­pa­ry çem­pio­nat­da bas­syr 9-njy ýeň­şi­ni ga­zan­dy. «Na­po­li» bol­sa 3 gü­nüň do­wa­myn­da «La­sio­dan» 2-nji ge­zek utul­dy. Pen­şen­be gü­ni ku­bok ýa­ry­şyn­da «La­sio­dan» 3–1 ha­sa­byn­da utu­lan «Na­po­li», çem­pio­nat­da-da öz meý­dan­ça­syn­da rim­li­ler­den Isak­se­niň 79-njy mi­nut­da­ky ýe­ke-täk go­ly esa­syn­da ýe­ňil­di we li­der­li­gi el­den gi­der­di. Soň­ky çem­pi­on «In­ter» öz meý­dan­ça­syn­da «Par­ma­ny» Di­mar­ko, Ba­rel­la hem-de Tu­ra­myň gol­la­ry bi­len 3–1 ha­sa­byn­da ýeň­li­şe se­ze­war et­di. Ýew­ro­pa­nyň öň­de­ba­ry­jy 5 çem­pio­na­tyn­da 3 ýeň­liş­siz to­pa­ryň bi­ri bo­lan «Ýu­wen­tus» bu tap­gyr­da-da ýe­ňil­me­di. Ýö­ne ýe­ňiş hem ga­za­nyp bil­me­dik «Ýu­wen­tus» öz meý­dan­ça­syn­da «Bo­lon­ýa» bi­len du­şu­şyp, 90+2-nji mi­nut­da ýeň­liş­den ha­las bol­dy. Paý­tag­tyň «Ro­ma» to­pa­ry-da «Leç­çe­ni» 4–1 ha­sa­byn­da ýe­ňip, tä­ze tä­lim­çi­si Ra­nie­ri­niň ýol­baş­çy­ly­gyn­da il­kin­ji ýeň­şi­ni baý­ram et­di. Ka­tal­di­niň ýe­ke-täk go­ly bi­len «Ka­lia­ri­ni» ýe­ňen «Fio­ren­ti­na» to­pa­ry çem­pio­nat­da yz­ly-yzy­na 8-nji ge­zek ýe­ňiş ga­zan­dy. Olar soň­ky ge­zek 64 ýyl öň şeý­le sta­tis­ti­ka gör­ke­zip­di­ler.

Ger­ma­ni­ýa­nyň çem­pio­na­tyn­da sa­na­wyň ýeň­liş­siz li­de­ri «Ba­wa­ri­ýa» öz meý­dan­ça­syn­da «Haý­den­haý­my» 4–2 ha­sa­byn­da ut­dy. Mün­hen­li­le­re ýe­ňiş ge­ti­ren gol­la­ry Upa­me­ka­no, Mu­sia­la (2) hem-de Go­res­ka ge­çir­di. «Holş­taý­ny» Şeş­ko hem-de And­re Sil­wa­nyň gol­la­ry bi­len 2–0 ha­sa­byn­da ýe­ňen «Le­ip­sig» çem­pio­nat­da 4 oýun­dan soň ýe­ňiş ga­zan­dy. Çem­pi­on «Ba­ýer» öz meý­dan­ça­syn­da «Sankt-Pau­li» to­pa­ryn­dan 2–1 ha­sa­byn­da üs­tün çyk­dy. Gol­la­ry Wirts bi­len Ta öz at­la­ry­na ýaz­dyr­dy­lar. Myh­man­çy­lyk­da ýeň­şi ýat­dan çy­karan «Bo­rus­si­ýa Dort­mund» to­pa­ry «Bo­rus­si­ýa M» bi­len 1–1 ha­sa­byn­da deň­me-deň oý­na­dy. Soň­ky 25 mi­nut­da 3–2 öňde bar­ýan «Maýns» myh­man­çy­lyk­da oý­nuň ahyr­ky mi­nut­la­ryn­da 2 gol ge­çir­dip, «Wolfs­burg­dan» 4–3 ha­sa­byn­da ýe­ňil­di. Şo­nuň ýa­ly «Union Ber­lin» hem myh­man­çy­lyk­da 2–0 öňe saý­la­nan­dy­gy­na ga­ra­maz­dan, «Ştut­gart­dan» 3–2 ha­sa­byn­da utul­dy.

Beýleki habarlar