Süýt ynsan saglygy üçin iň ýaramly, iň ýakymly özünde juda kän ýokumly, peýdaly witaminleri jemleýän mukaddeslik hasaplanýar. Gippokrat, Galen, Lukman Hekim, dünýäniň, Gündogaryň lukmanlary süýdüň adam saglygy üçin peýdalydygyny belläp geçipdirler.
Iň gadymy önümleriň biri bolan süýtden günde millionlarça, belki, milliardlarça adamyň peýdalanmagy bu önümiň gymmadynyň hem-de dünýä boýunça önümçiliginiň barha artmagyny şertlendirýär. Biz süýt önümçiligi bilen meşgullanýan kompaniýalar barada söhbet açmakçy. Olaryň ugurlary bir bolsa-da, hersiniň alyp barýan işlerine çemeleşişleri dürli-dürli. Ady belli bu kompaniýalaryň aýratynlygy hem hut şondadyr.
