Ezberler öňe saýlandy
Akdepe etrabynyň 7-nji sport mekdebinde ýetginjek gyzlaryň arasynda geçirilen basketbol boýunça etrap birinjiligi gyzgalaňly häsiýete eýe bolup, ýurdumyzda ýaşlaryň arasynda sagdyn durmuş ýörelgesiniň giňden ýaýbaňlandyrylýandygyny alamatlandyrdy. Oňa etrabyň sport mekdepleriniň türgenlerinden, şeýle hem orta mekdepleriň basketbolçy okuwçylaryndan düzülen toparlar işjeň gatnaşdylar. Oýunlaryň netijesine görä, 7-nji sport mekdebiň topary birinji, etrapdaky 95-nji hem-de 59-njy orta mekdepleriň toparlary, degişlilikde, ikinji we üçünji orunlary eýelediler. Ýaryşyň ýeňijileri etrap bedenterbiýe we sport bölüminiň Hormat hatlary hem-de sowgatlary bilen sylaglandylar.
