Häzirki wagtda ýurdumyzyň üstünden halkara ulag-üstaşyr ýükleriň geçirilmegi netijesinde ykdysady görkezijiler ýokary derejä eýe bolýar. Şonuň üçin-de ulaglaryň geçirilişini, dolandyrylyşyny we sazlanylyşyny döwrebaplaşdyrmak zerur bolup durýar. Dünýä ýüzünde demir ýoluň döremegi global täzelik boldy. Döredilen gününden bäri her bir döwlet demir ýol pudagyny ösdürmek üçin öz ýoluny tapyp, öz mehanizmlerini döretdi. Häzirki wagtda ýurduň ösüşi hemmetaraplaýyn ulag bilen baglanyşyklydyr. Demir ýollaryň ykdysady we syýasy potensialy gaty uludyr we tükeniksizdir. Demir ýol ulaglary aragatnaşygynyň ösüşi, şol sanda bu ösüşiň innowasiýa ölçegi, şeýle hem döwlet syýasatynyň mehanizmleri bilen üpjün edilmeginiň esaslary we ugurlary, ýeterlik derejede gurnalýar. Ýurdymyzyň demir ýol beketlerinde ýük we ýolagçy otlularyň gatnawynyň uly bolmagy bilen otly geçirijiligi ortaça hereket bilen amala aşyrylýar. Beketlerde gurnalan tehnologiki enjamlar otlulary, kabul edip, hyzmat ediş işini tiz wagtda ýerine ýetirmäge ýardam berýär.
Otlulary kabul ediş-ugradyş işinde sanly tehnologiýalary peýdalanmak has hem artdyrylar. Muňa mysal edip sanly programmalar arkaly internet maglumatlaryny ulanmak ýaly ylmy taslamalar işlenilip kämilleşdiriler. Bu ýagdaý häzirki wagtda dispetçer merkezinde gözegçilik edilip sazlanylýar. Ýolagçy peteklerini internet ulgamynyň üsti bilen öýjükli telefonlar arkaly satyn alyş-tabşyryş işleri amala aşyrylýar.