Halynyň gelip çykyşy
Gadym zamanlarda uzyn saçly, derek boýly owadan, asylly bir gyz her gün belli bir wagtda eli küýzeli suwa geçer eken. Ony gören hanyň gyza syny oturypdyr. Han gyzyň kimiň maşgalasydygyny, ýaşaýan ýerini, onuň ýakynlaryny bilip gelmeklerini buýrup, nökerlerini ugradýar. Olar gyzyň diňe garry ene-atasynyň bardygyny, başga hiç hili hossarynyň ýokdugyny, olaryň garypja çatmada mydar edýändiklerini hana ýetirýärler. Han gyzy getirmeklerini buýurýar. Gyzy hanyň huzuryna getirýärler. Han gyza ony halandygyny, ony öz maşgalasy edip almakçydygyny aýdýar.
