Hormatly Prezidentimiz Gurbanguly Berdimuhamedow paýtagtymyz boýunça iş saparyny yzygiderli amala aşyrýar. Döwlet Baştutanymyz iş saparlaryň barşynda şähergurluşyk maksatnamasynyň durmuşa geçirilişine möhüm ähmiýet berýär, gurluşygy alnyp barylýan täze desgalarda işleriň barşy bilen gyzyklanýar. Ýurdumyzyň baş şäherini durmuş-ykdysady taýdan ösdürmäge, gurulýan desgalarda milli binagärlik ýörelgeleri bilen häzirki zamanyň ösen tejribesini utgaşdyrmaga we paýtagtymyzyň durmuş düzümini kämilleşdirmäge degişli meseleler milli Liderimiziň hemişelik üns merkezinde saklanylýar.
Öňňin hormatly Prezidentimiz Gurbanguly Berdimuhamedow paýtagtymyz boýunça iş saparyny amala aşyrdy. Döwlet Baştutanymyz iş saparynyň barşynda paýtagtymyzyň işewürlik we durmuş maksatly desgalaryň kemala gelýän ýeri bolan günorta künjeginde alnyp barylýan işleriň ýagdaýy bilen tanyşdy.
