(Ene hakda, ömür hakda oýlanyp)
Adam ýaşadygyça onuň durmuş tejribesi artyp, dünýägaraýşy barha giňäp gidip otyr. Emma geçilen ýollar adamyň durmuşunda hemme zady üýtgetse-de diňe bir zady üýtgewsüzligine goýýar. Ol bolsa enä teşnelik, ene küýsegi. Biziň näçe ýaşandygymyza garamazdan mydama mähre mätäçlik çekýändigimiz hakykatlygyna galýar. Eger-de dile düşmez çagajyk özüne garaýan mähirli gözleri, özüne bolan garaýşy, süýji sözleri beýlekilerden tapawutlandyryp, duýup bilýän bolsa, onda aga-gara düşünýän ýetginjegiň, ýa-da uly adamlaryň şol mähri küýsäp gezjegi mälim ahyry.
