Çalşykly çemçe
Kerwen bilen Wasa baran iki täjiriň öňünde ýüzi gaýmaklap, aşagy gaýnaklap duran mäşewe goýupdyrlar. Çemçäni dolduryp owurtlan täjir agzyny ýakyp, gözüne ýaş aýlaýar. Dosty “Näme boldy?” diýende, “Gyzgyn eken” diýäýmän: “Gaýdamda yzymda agyr hassam galdy” diýip, çalşykly çemçäni dostuna berýär. Gezeginde çemçäni dolduryp içen beýleki täjirem agzy bişensoň gözüniň ýaşyny sylyp: “Häk, seň şol hassaň ölen bolaýmasa” diýýär.
