Ýakynda etrap merkezi kitaphanasynda TDP-niň etrap komitetiniň, TMÝG-niň etrap geňeşiniň, Türkmenistanyň ylym we bilim işgärleriniň kärdeşler arkalaşyklarynyň ilkinji guramalarynyň başlyklarynyň etrap geňeşiniň hem-de etrap merkezi kitaphanasynyň bilelikde guramagynda “Magtymguly Pyragy — şygryýet äleminiň ussady” atly dabaraly maslahat geçirildi. Oňa TDP-niň etrap komitetiniň, TMÝG-niň etrap geňeşiniň, Türkmenistanyň ylym we bilim işgärleriniň kärdeşler arkalaşyklarynyň ilkinji guramalarynyň başlyklarynyň etrap geňeşiniň hem-de etrap merkezi kitaphanasynyň işgärleri we dürli edara-kärhanalarynda zähmet çekýän ýaşlar gatnaşdylar.
Maslahatda TDP-niň etrap komitetiniň partiýa guramaçysy Aýgül Agajyýewa, TMÝG-niň etrap geňeşiniň guramaçylyk bölüminiň sanly ulgam boýunça esasy hünärmeni Guwanç Ýazhanow, Türkmenistanyň ylym we bilim işgärleriniň kärdeşler arkalaşyklarynyň ilkinji guramalarynyň başlyklarynyň etrap geňeşiniň başlygy Atamyrat Ýagşyýew, etrap merkezi kitaphanasynyň müdiri Ogulsenem Muhadowa çykyş etdiler. Olar çykyşlarynda Garaşsyz, Bitarap Türkmenistan Diýarymyzda akyldar şahyrymyz Magtymguly Pyraga goýulýan belent sarpa hem-de onuň goşgularyny ýaşlaryň arasynda wagyz etmekde alnyp barylýan işler barada giňişleýin bellediler. Şonuň ýaly-da, Magtymguly Pyragynyň şygyrlarynyň diňe halkymyz tarapyndan öwrenilmän, daşary ýurtlarda hem giňden öwrenilýändigi dogrusynda durup geçdiler.
