Russiýanyň Federal Kosmos Agentligi (Roskosmos) täze kosmos stansiýasynyň gurulmagy bilen bagly senenamanyň tassyklanandygyny mälim etdi. Ýaýradylan maglumatda 2027-nji ýylda bilim we energiýa moduly orbita uçurylar. 2030-njy ýyla çenli bolsa dört modul uçurylyp, kosmos bekediniň «biloňurgasy» emele getiriler. 2031-nji we 2033-nji ýyllarda ýene iki modulyň birikdirilmegi bilen kosmos bekedi giňeldiler.
Russiýa häzirki wagtda ABŞ, Ýaponiýa, Kanada we Ýewropa ýurtlary bilen bilelikde ulanylýan Halkara kosmos bekedinden çykmagy meýilleşdirýär. Halkara kosmos bekediniň ulanyş möhleti mundan ozal tamamlanyp, birnäçe gezek yza süýşürilipdi. Häzirki wagtda Ýeriň orbitasynda bu kosmos bekedi bilen bir hatarda Hytaýyň hem aýratyn kosmos bekedi bar.