Tomus paslynyň iň meşhur miwelerinden biri bolan ülje diňe bir tagamy bilen däl, eýsem, saglyga peýdasy bilen hem ünsi özüne çekýär. Bägülgüllüler maşgalasyna degişli bu ösümlik ylmy taýdan «prunus» diýlip atlandyrylýar. Üljäniň, esasan, süýji we turşy tagamly diýen iki görnüşi bolýar. Garamtyl we açyk gyzyl reňkli bu miwäniň ata Watany Kiçi Aziýa (Gara we Hazar deňziniň kenary) hasaplanýar. Witaminlere we ýokumly maddalara baý bu miwe Günbatar Aziýada we Ýewropada has köp ösdürilip ýetişdirilýär. Mes topragy we bol suwy halaýan ülje sowuk ýurtlarda has gowy bitýär. Düzüminde ýeterlik derejede şeker, A, C, E, K, B6 witaminini, kaliý, marganes, magniý, kalsiý, mis, demir we süýüm saklaýan bu miwäniň 100 gramynda 65 kaloriýa bar.
Üljäniň peýdaly taraplary: