«Bentley»-iň täze başlygy. 1-nji iýuldan başlap Beýik Britaniýanyň awtoulag kompaniýasy «Bentley»-e Frank-Şteffen Wallizer ýolbaşçylyk eder. «Bentley»-iň ozalky başlygy Edrian Hollmark şu ýylyň mart aýynda «Aston Martin»-iň baş direktory wezipesini ýerine ýetirmek üçin kompaniýadan gitdi.
Ýangyç guýujy robot. Birleşen Arap Emirlikleriniň paýtagty Abu-Dabidäki ýangyç beketleriň birinde ýangyç guýýan robot peýda boldy. Emeli aňly enjamy ýerli inženerler oýlap tapdy. Bu tehnologiýa ýangyç guýmak işlerini tizleşdirip, sürüjileriň wagtyny tygşytlamagyna ýardam berer.