Sözbaşy ady agzaljak bu kärhananyň jüpüne düşen şygary. Çünki «Abadan haly» açyk görnüşli paýdarlar jemgyýetiniň bahar paslyny ýada salýan, owadan reňkli, ajaýyp nagyşly haly we haly önümlerine gözüň düşende, özüň bilmezden, «Owadandygyny!» diýeniňi duýman galýarsyň.
Haly we haly önümleriniň giň toplumyny öndürýän bu kärhana ýurdumyzda iň uly haly önümlerini öndürijileriň biri hökmünde tanalýar.