Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Hünärli nesiller — halkymyzyň guwanjy

Geçen hepdede Türkmenistanyň Jemgyýetçilik guramalarynyň merkezinde Türkmenistanyň Bilim ministrliginiň, Türkmenistanyň Zenanlar birleşiginiň Merkezi Geňeşiniň, Türkmenistanyň Kärdeşler arkalaşyklarynyň Milli merkeziniň we Türkmenistanyň Telewideniýe, radiogepleşikler we kinematografiýa baradaky döwlet komitetiniň bilelikde guramaklarynda «Pähim-paýhas ummany Magtymguly Pyragy» ýylynda «Hünärli nesil — röwşen geljek» atly bäsleşik geçirildi. Ýurdumyzyň umumybilim berýän orta mekdeplerinde hereket edýän gyzlar gurnaklarynyň arasynda guralan bu bäsleşik ösüp gelýän nesliň köp zähmeti we sabyrlylygy talap edýän el işlerini kämilleşdirmeklerine bagyşlandy. Türkmen halky gadymy döwürlerden bäri çagalarynyň beden taýdan sagdyn, ruhubelent bolmaklaryna, nesil terbiýesine uly ähmiýet beripdir. Olarda zähmetsöýerligi, dogruçyllygy, mertligi, ululara hormat goýmagy kemala getiripdir. Çagalara edep bermekde, milli ahlak kadalarynyň birkemsiz berjaý edilmeginde we olary nesilden-nesle geçirmekde türkmen zenanlarynyň orny örän uly bolupdyr.

15 Oktýabr 2024

Ýaşlar baradaky alada ilkinji orunda

Welaýat Taryhy we ülkäni öwreniş muzeýinde Türkmenistanyň Magtymguly adyndaky Ýaşlar guramasynyň Balkanabat şäher geňeşi bilen bilelikde wagyz-ündew çäresini geçirdik. Onda «Pähim-paýhas ummany Magtymguly Pyragy» ýylynda geçirilen Türkmenistanyň Halk Maslahatynyň nobatdaky mejlisiniň Garaşsyz, hemişelik Bitarap ýurdumyzyň, merdana halkymyzyň röwşen geljegini nazarlaýan tutumlara badalga beren waka hökmünde taryha girendigi, onda kabul edilen çözgütleriň döwletimiziň okgunly ösüşine kuwwatly itergi berjekdigi dogrusynda giňişleýin gürrüň edildi. Halk Maslahatynyň mejlisiniň taryhy ähmiýetini ilat arasynda wagyz-ündew etmekde alnyp barylýan işler, şunda ýaşlaryň orny barada aýdyldy. Ýaş nesilleriň geljegi barada uly alada edýän Gahryman Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak bolmagy, alyp barýan tutumly işleriniň elmydama rowaçlyklara beslenmegi arzuw edildi.

15 Oktýabr 2024

Beýik akyldara hormatyň nyşany

11-nji oktýabrda Gahryman Arkadagymyz Magtymguly Pyragynyň ýadygärligine gül goýmak dabarasyna gatnaşdy Mälim bolşy ýaly, 11-nji oktýabrda türkmen halkynyň beýik ogly, görnükli şahyr Magtymguly Pyragynyň 300 ýyllyk ýubileýine bagyşlanyp geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum akyldaryň Köpetdagyň ajaýyp künjeginde bina edilen ýadygärligine gül goýmak dabarasyndan başlandy. Bu dabara türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.

14 Oktýabr 2024

Ýangyn söndüriji toparlaryň bäsleşigi geçirildi

Türkmenabat şäheriniň 14-nji sport mekdebinde Türkmenistanyň Içeri işler ministrliginiň Döwlet ýangyn howpsuzlygy gullugynyň işgärleriniň arasynda ýangyn-amaly sportunyň derejesini ösdürmek hem-de şahsy düzümiň hünär ussatlygyny kämilleşdirmek maksady bilen Aşgabat şäheriniň we ýurdumyzyň welaýatlarynyň polisiýa müdirlikleriniň ýangyn howpsuzlygy bölümleriniň işgärlerinden düzülen toparlaryň arasynda bäsleşik geçirildi. Bäsleşik toparlaryň dabaraly ýörişi, şeýle hem medeniýet we sungat işgärleriniň dabaraly konserti bilen badalga aldy. Ýörite meýilnama esasynda oňa gatnaşyjylar ýangyn söndüriji enjamlary ulanmak arkaly 100 metr päsgelçilikli aralygy geçmekde, estafeta ylgawy — ýangyn söndüriji enjamlary ýüzugruna ulanyp, 4x100 metr päsgelçilikli aralygy geçmekde, toparlaýyn söweşjeň ýaýbaňlandyrma we zabt ediş merdiwany bilen okuw minarasynyň dördünji gatyna çykmakda öz ukyp-başarnyklaryny görkezdiler.

14 Oktýabr 2024

Geňeşli il — döwletli il

Mukaddes Garaşsyzlygymyzyň şanly 33 ýyllyk baýramynyň hormatyna Gahryman Arkadagymyzyň başlyklyk etmeginde geçen Türkmenistanyň Halk Maslahatynyň nobatdaky mejlisi Watanymyzyň täze taryhyna şöhratly sahypa bolup girdi. 24-nji sentýabda geçen şol umumy milli foruma jemgyýetiň dürli gatlaklarynyň wekilleri agzybirlikde gatnaşdylar, döwletli maslahat etdiler. Şu günler Türkmenistanyň Demokratik partiýasynyň Bäherden etrap komitetiniň işgärleri we işjeň agzalary etrabymyzyň ilatynyň arasynda guralýan maslahatlardyr duşuşyklarda Türkmenistanyň Halk Maslahatynyň nobatdaky mejlisinden gelip çykýan wezipeleri wagyz-nesihat edýärler, kabul edilen çözgütleriň ähmiýetini düşündirýärler.

14 Oktýabr 2024

Wagyz-nesihat edilýär

Türkmenistanyň Magtymguly adyndaky Ýaşlar guramasynyň Kaka etrap Geňeşiniň guramagynda etrabyň çägindäki edara-kärhanalarda, bilim-terbiýeçilik ojaklarynda Türkmenistanyň Halk Maslahatynyň nobatdaky mejlisinden gelip çykýan wezipeler dogrusynda wagyz-nesihat çäreleri geçirilýär. Bagtyýar ýaşlaryň we Ýaşlar guramasynyň işjeň agzalarynyň gatnaşmagynda geçirilýän çärelerde mukaddes Garaşsyzlygymyzyň 33 ýyllyk toýy mynasybetli geçen taryhy maslahatda ara alnyp maslahatlaşylan meseleler, ondan gelip çykýan wezipeler dogrusynda gürrüň edilýär. Türkmen halky — şöhratly pederlerimiz il bähbidini ilerläp, ähli meseleleri geňeşip, maslahatlaşyp çözüpdir. Bu ýol-ýörelgeleriň bu gün beýik döwrüň ruhuna laýyklykda dowam etdirilmegi halkymyzda çäksiz buýsanç döredýär. Ýerlerde guralýan duşuşyklarda hem şular dogrusynda täsirli söhbet açylýar. Halk Maslahatynyň nobatdaky mejlisinde ýurdumyzy döwrebap ösdürmek, raýatlaryň bagtyýarlygyny üpjün etmek babatda taryhy çözgütleriň kabul edilendigi hakda aýratyn durlup geçilýär.

14 Oktýabr 2024

Döredijilik bäsleşiginiň etrap tapgyry geçirildi

Halkara Bitaraplyk güni mynasybetli Türkmenistanyň Bilim ministrligi, Türkmenistanyň Parahatçylyk gaznasynyň müdiriýeti, Türkmenistanyň Magtymguly adyndaky Ýaşlar guramasynyň Merkezi Geňeşi hem-de “Güneş” zurnalynyň redaksiýasy tarapyndan tassyklanan düzgünnama esasynda ýurdumyzyň umumybilim berýän mekdepleriniň 4-12-nji synp okuwçylarynyň arasynda yglan edilen “Parahatçylyk: çagalaryň sesi” ady bilen döredijilik bäsleşiginiň Kaka etrap tapgyry geçirildi. Etrap bilim bölüminde geçirilen bäsleşikde mekdep okuwçylary düzme ýazmakda, surat çekmekde, dürli ölçeglerde maketleri taýýarlamakda ukyp-başarnygyny görkezdiler. Watan ezizligini, bagtyýar çagalygy, parahatçylykly ösüşi, dostlukly gatnaşyklaryň ähmiýetini, ýaş nesliň hormatly Prezidentimize we Türkmenistan döwletimize bolan çuňňur söýgüsini açyp görkezmekde uly ähmiýete eýe bolan bäsleşik oňa gatnaşanlarda ýakymly täsirleri döretdi. Bäsleşigiň netijesinde “Dünýe dursun parahat!” diýen tema boýunça düzme ýazmakda 4-nji orta mekdebiň okuwçysy Röwşen Nyýazdurdyýew birinji orna, 18-nji orta mekdebiň okuwçysy Güljahan Saparowa ikinji orna mynasyp boldy.

14 Oktýabr 2024

Täsirli geçen söhbetdeşlik

Kaka etrabynyň Medeniýet öýünde Türkmenistanyň Halk Maslahatyndan gelip çykýan wezipelere bagyşlanan “tegelek stoluň” başyndaky söhbetdeşlik geçirildi. Oňa jemgyýetçilik guramalarynyň wekilleri we işjeň agzalary gatnaşdy. Söhbetdeşlikde Türkmenistanyň Halk Maslahatynyň nobatdaky mejlisiniň ýurdumyzyň jemgyýetçilik-syýasy durmuşynda möhüm ähmiýetli waka öwrülendigi, Gahryman Arkadagymyzyň we Arkadagly Gahryman Serdarymyzyň çuň manyly çykyşlarynyň halkymyz tarapyndan gyzgyn garşylanandygy hakda aýdylanlar uly täsirleri döretdi.

14 Oktýabr 2024

Paýhas äleminiň ägirdi

Berkarar döwletiň täze eýýamynyň Galkynyşy döwründe Magtymgulynyň döredijiliginiň umumadamzat derejesindäki ähmiýeti barha belende göterilýär. Munuň şeýledigine ak mermerli paýtagtymyzda Magtymguly Pyragynyň doglan gününiň 300 ýyllygyna bagyşlanyp «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumyň ýokary derejede geçirilmegi hem şaýatlyk edýär. Beýik akyldar şahyryň ajaýyp şygyrlary adamlaryň kalplaryna nur çaýýar. Magtymguly Pyragynyň dünýä we adamzat ýaşaýşynyň ähli taraplary hakynda filosofiki äheňde ölmez-ýitmez goşgulary goýup giden beýik ynsandygyny bu gün dünýä jemgyýetçiligi doly ykrar edýär. Şahyryň miras goýan, durşy bilen paýhasa ýugrulan şygyrlary halkyň senasyna öwrülip, ägirtligi we çuňlugy bilen ummany ýadyňa salýar. Beýik akyldaryň edebi mirasyna barha gyzyklanmanyň artmagy-da şeýle diýmäge esas berýär. Şu şanly günlerde Aşgabatda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumdaky çuň manyly çykyşlar bu hakykata nobatdaky gezek göz ýetirmäge mümkinçilik boldy.

14 Oktýabr 2024

Taryhy waka bagyşlanyldy

Halk Maslahatynyň çözgütleri — ösüşlere badalga Golaýda TKA-nyň welaýat birleşmesiniň mejlisler zalynda “Halk Maslahatynyň çözgütleri — ösüşlere badalga” ady bilen geçirilen maslahat 24-nji sentýabrda paýtagtymyzda geçirilen Türkmenistanyň Halk Maslahatynyň nobatdaky mejlisiniň jemlerine bagyşlanyldy. Maslahaty TDP-niň welaýat komiteti, TKA-nyň welaýat birleşmesi bilelikde guradylar.

14 Oktýabr 2024

Maslahat geçirildi

Täze eýýamyň belent maksatlary Welaýat kitaphanasynda TMÝG-niň welaýat geňeşiniň we welaýat kitaphanasynyň bilelikde guramagynda “Türkmenistanyň Halk Maslahaty, täze eýýamyň belent maksatlary” atly maslahat geçirildi. Oňa TMÝG-niň welaýat geňeşiniň, welaýat kitaphanasynyň işgärleri hem-de Türkmenistanyň döwlet Energetika institutynyň we H. Derýaýew adyndaky mugallymçylyk mekdebiniň talyp ýaşlary gatnaşdylar.

14 Oktýabr 2024

«Türkmenpoçta» bütin ýurduň çägine ekspress ýollamalar hyzmatyny ýola goýdy

«Türkmenpoçta» döwlet poçta aragatnaşyk kompaniýasy Türkmenistanyň çägine ýollamalary tiz eltip bermek maksady bilen, täze «Ekpress ýollamalar» hyzmatynyň ýola goýlandygyny habar berýär. Bu hyzmat indi ýurduň ähli howa menzillerinde elýeterlidir. «Türkmenpoçtanyň» habar bermegine görä, täze hyzmat 10 kilograma çenli ýollama ibermäge mümkinçilik berýär. Hyzmatyň bahasy birinji kilogram üçin 20 manat bolup, bu bahanyň çägine harytlaryň gaplanylyşy hem girýär. Eger ýollama 1 kilogramdan agyr bolsa, galan her kilogram üçin goşmaça 5 manat tölemelidir.

14 Oktýabr 2024

Dost-doganlygyň nusgasy

Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň parasatly baştutanlygynda Türkmenistan oňyn Bitaraplyk, parahatçylyk söýüjilik, giň netijeli hyzmatdaşlyk ýörelgelerine esaslanýan daşary syýasat strategiýasyny yzygiderli durmuşa geçirýär. Bu babatda abraýly halkara we sebit guramalary, şeýle hem dünýä döwletleri bilen netijeli gatnaşyklary pugtalandyrmak ileri tutulýan ugurlaryň biri bolup durýar. Häzirki wagtda Türkmenistany we Gazagystany öňden gelýän hoşniýetli goňşuçylyk gatnaşyklary baglanyşdyrýar. Şol umumy gymmatlyklardan gözbaş alýan döwletara gatnaşyklar bu gün strategik hyzmatdaşlyk derejesinde ösdürilýär. Ikitaraplaýyn diplomatik, söwda-ykdysady, medeni-ynsanperwer gatnaşyklar ýylsaýyn berkeýär.

13 Oktýabr 2024

Medeniýet — halklaryň dostluk köprüsi

Garaşsyz, hemişelik Bitarap Türkmenistan döwletimiz häzirki döwürde medeni çäreleriň geçirilýän merkezine öwrüldi. Hormatly Prezidentimiz Serdar Berdimuhamedowyň parasatly baştutanlygynda ýurdumyz dünýä döwletleri bilen açyklyk, hoşniýetli goňşuçylyk, giň halkara hyzmatdaşlyk syýasatyny alyp barýar. Mälim bolşy ýaly, 10-njy oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hormatly myhman hökmünde gatnaşmagynda Arkadag şäherinde ýurdumyzyň baý medeni durmuşyna aýratyn öwüşgin çaýan VI Wena baly açyldy. Köpetdagyň ajaýyp tebigy künjeginde ýerleşýän Arkadag şäherinde geçirilen VI Wena baly ýurdumyzyň medeni durmuşynda özboluşly häsiýete eýe boldy. Iki dostlukly ýurduň sungat ussatlarynyň çykyşlary bolsa döwletara ynsanperwer-medeni gatnaşyklaryň üstünlikli ösdürilýändiginiň aýdyň mysalydyr.

13 Oktýabr 2024

Beýik ösüşleriň binýady

Berkarar döwletiň täze eýýamynyň Galkynyşy döwründe ýurdumyzda amala aşyrylýan özgertmeleriň her biri bagtyýar halkymyzy buýsandyrýar. Ýurdumyzda durmuşa geçirilýän bilim özgertmeleri hem ýaş nesilleriň röwşen geljegine gönükdirilen beýik işlerdir. Ylym öwrenmek, ýaşlary bilimli edip terbiýeläp ýetişdirmek milli ýörelgelerimiziň biridir. Hormatly Prezidentimiziň «Ýaşlar — Watanyň daýanjy» atly kitabynda hem ylym-bilim barada aýratyn beýan edilýär. Nesil terbiýesi döwlet syýasatynyň ileri tutulýan ugurlarynyň biri bolup, bagtly geljegimizi üpjün etmegi maksat edinýär. Umumadamzat gymmatlyklarynyň iň naýbaşylaryny özünde jemleýän nesliň kemala gelmegi üçin dünýä derejesinde, milli ruhda bilim-terbiýe bermek, beden we ruhy taýdan sagdyn nesilleri ösdürip ýetişdirmek baş wezipe bolup durýar. Ata Watanymyzyň nurly geljegi bolan ylymly, bilimli, terbiýeli, sagdyn ruhly, edepli, ýokary ahlakly şahsyýetleri kemala getirmek bolsa bilim ulgamynyň işgärleriniň, mugallymlaryň, şeýle hem biziň her birimiziň mukaddes borjumyzdyr. Häzirki ajaýyp döwrümizde ýaş nesliň watançylyk ruhunda terbiýelenmegine aýratyn üns berilýär. Olarda çagalykdan başlap, Watana söýgi, gahrymançylykly geçmişimize, halkymyzyň şöhratly däp-dessurlaryna hormat goýmak häsiýetleri kemala gelýär. Hut şundan ugur alnyp, ýurdumyzyň bilim ojaklarynda, şol sanda Hydyr Derýaýew adyndaky Mugallymçylyk mekdebimizde bilim alýan

13 Oktýabr 2024

«Ilatly» restorany italýan we Ýewropa tagamlaryny hödürleýär

Sözbaşydan belli bolşy ýaly, «Ilatly» restorany ýewropa naharlarynyň giň görnüşini hödürleýär. Ilki bilen, bellemeli zadymyz bu ýeriniň içki bezeg aýratynlygydyr. Italýan dizaýny sazlaşykly ulanylan diwarlardyr içki bezegler göreniň ünsüni özüne çekýär. Ilatyň iň bir gelim-gidimli ýerine öwrülen bu restoranda müşderiler üçin dürli tagamlar bilen birlikde, gyzykly güýmenjelerdir şowhunly çykyşlary hem taýýarlaýarlar. Bu ýerde iň bir kiçijek müşderiler bolan çagalar üçin dynç almagyň ýollary göz öňünde tutulypdyr. Olaryň şadyýan dynç almaklaryna niýetlenen oýun meýdançalary döredilipdir. Şeýle-de, restoranda ýygy-ýygydan çagalar üçin aşpezlik ugrundan kämilleşdiriji oýun usully sapaklar hem gurnalýar. Änew şäheriniň Gurbansoltan eje köçesiniň ugrunda ýerleşýän «Ilatly» restoranynda Italýan we Ýewropa aşhanasyndan başga-da, gawaý, şwed tagamlary hem taýýarlanylýar. Aşpezleriň hünär ussatlygyny ýokary bezegli, datly tagamlaryndan bilmek bolýar. Bu ýerdäki naharlaryňdyr süýjülikleriň we işdäaçarlaryň terligini, täzeligini dadan her bir tagamyňdan aňsa bolýar. Ýeri gelende, müşderiler üçin her aýda dürli aksiýalaryň bolýandygyny hem ýatladasymyz gelýär.

13 Oktýabr 2024

Güýz, ýagyş, rahatlyk we «Ecodrink» kofehanasy

Buluda bürenen asman, saralan ýapraklaryň gaýyşy, çalajadan damjyklaýan ýagşyň ýagşy, bugaryp duran kofäniň hoşboý ysy — bu görnüş  tüýs kofesöýüjileriň diýýän pasly. Güýz aýlarynda beýleki içgileriň hem ornunyň köp bölegini kofäniň tutýanlygynyň bilermenler tarapyndan aýdylmagy ýöne ýere däl. Bedeni gurplandyrýan, kuwwatlandyrýan, beýnini durlaýan bu ýakymly içgi ösen jemgyýetiň iň bir halaýan nygmatlarynyň biri hasaplanýar. Şeýle islegler göz öňünde tutulyp, häzirki wagtda dünýä ýüzünde kofe öndürijilerdir kofehanalaryň sany-sajagy ýok. Bu babatda ýurdumyzyň telekeçileri hem täze-täze işleri alyp barmakda yhlaslaryny, zehinlerini gaýgyranoklar. Gürrüňi ediljek bu ýer «Dejavu» restoranyna degişli bolan «Ecodrink» kofehanasydyr. Bu ýer açyk asmanyň astynda, tebigat bilen sazlaşykly baglara ýanaşyk ýerleşdirilen oturgyçlaryň rahat gurşawy, kofeden lezzet almaga gelýänleriň saýlaýan ýeri. Birnäçe aýdan bäri, «Ecodrink» kofehanasy Aşgabat şäheriniň ýaşaýjylaryny we myhanlaryny özüniň ýokary derejeli hyzmatlarydyr önümleri bilen begendirip gelýär.

13 Oktýabr 2024

«Gülzarly B» kafesi hyzmatda

Ak bugdaýyň watany hasaplanylýan, 2024-nji ýylda «Türki dünýäsiniň medeni paýtagty» diýlip yglan edilen Änew şäherinde Köpetdaga tarap uzap gidýän Azatlyk köçesiniň ugrunda göreniňde gözüňi egleýän iki gatly ak binanyň birinji gatynda açylan «Gülzarly B» atly kafe ýerleşýär. Bu kafe indi ençeme ýyl bäri, halka döwrebap hyzmat edip, il-günüň söýgüsini gazanyp, şäheriň iň bir gelim-gidimli, dynç alynýan ýerine öwrüldi. Giren badyňa, ezber türkmen telekeçileriniň ussatlyk bilen öndüren, häzirki zamanyň ösen talaplaryna laýyk gelýän tämiz, kämil mebelleriniň üstündäki al-elwan güller ünsüňi özüne çekýär. Bu kafede iki, dört, sekiz adamlyk stollar goýlupdyr. Kafe bir wagtyň özünde ýüze golaý adama hyzmat edip bilýär. Bu ýerde doglan günleri, dost-ýarlar bilen duşuşyklary, kiçiräk toýlary geçirmäge gelýänleriň sanynyň gün-günden artýandygyny kafeniň işgärleri guwanç bilen gürrüň berýärler. Bu kafede milli tagamlarymyz bolan unaş, palaw, dolama, çorba, çekdirme, çebiş çorbasy ýaly naharlardan başga-da, Aziýa we dünýä halklarynyň islegli tagamlary-da elýeterli bahadan hödürlenilýär.

13 Oktýabr 2024

Mahabatyň gelip çykyşy we ösüş ýoly

(Başlangyjy gazetiň geçen sanlarynda). Ýöriteleşen mahabat gazetleri, gulluklary, kompaniýalary. 1657-nji ýylda Angliýada diňe bildirişlerden ybarat bolan «The Public Adviser» neşiri çap edilip başlanýar. 1673-nji ýylda bu ýurtda mugt ýaýradylýan «City Mercury» atly ilkinji mahabat gazeti peýda bolýar. 1690-njy ýylda ilkinji amerikan gazeti neşir edilip başlanýar.

13 Oktýabr 2024

Dünýäniň iň gowy myhmanhanalary

Abraýly «50 Best» reýtingleriniň awtorlary 2024-nji ýylda dünýäniň iň gowy myhmanhanalarynyň sanawyny düzdüler. Reýtingiň lideri Taýlanddaky «Capella Bangkok» myhmanhanasy boldy. Ol 2023-nji ýylyň sanawyndaky 11-nji orundan 10 setir ýokary galdy. Myhmanhanada bäş restoran, şol sanda şef-aşpez Mauro Kolagrekonyň bir Mişlen ýyldyzly restorany, şeýle-de, derýa kenarynda hususy basseýnleri bolan 7 willa bar.

13 Oktýabr 2024

‹
1
2
...
83
84
85
86
87
88
89
...
1411
1412
›