Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Mary welaýatynda täze suw arassalaýjy desga açyldy

Mary welaýaty, 25-nji dekabr (TDH). Şu gün Mary welaýatynyň Türkmengala etrabynda kuwwatlylygy bir gije-gündizde 25 müň kub metre deň bolan suw arassalaýjy desganyň açylyş dabarasy boldy. Munuň özi Täze ýyl baýramynyň öňüsyrasynda welaýatyň ýaşaýjylary üçin ajaýyp sowgada öwrüldi. Gahryman Arkadagymyz tarapyndan başy başlanyp, häzirki wagtda Arkadagly Gahryman Serdarymyzyň baştutanlygynda üstünlikli durmuşa geçirilýän özgertmeler syýasaty halkymyzyň ýaşaýyş-durmuş derejesiniň yzygiderli ýokarlandyrylmagyna, milli ykdysadyýetimiziň ähli pudaklarynyň infrastrukturasynyň döwrüň talaplaryna laýyklykda döwrebaplaşdyrylmagyna gönükdirilendir. Şunda ilatyň arassa agyz suwy bilen üpjün edilmegi esasy wezipeleriň biri hökmünde kesgitlenildi. Bu ugurda öňde goýlan wezipeleri üstünlikli amala aşyrmak maksady bilen, ýurdumyzda zerur işler amala aşyrylýar.

4 sagat öň

Arassa agyz suwy bilen üpjünçilik — abadan durmuşyň möhüm şerti

Düýn, Täze ýyl baýramynyň öňüsyrasynda Mary welaýatynyň Türkmengala etrabynyň Seýitnazar Seýdi geňeşliginiň çäginde agyz suwuny arassalaýjy kuwwatly, döwrebap desganyň açylyp ulanmaga berilmegi welaýatyň ýaşaýjylarynyň baýramçylyk şatlygyny artdyrdy. Desgany Mary welaýat häkimliginiň Düýpli gurluşyk müdirliginiň buýurmasy esasynda «Baky çynar» hojalyk jemgyýetiniň gurluşykçylary gurdular. Açylyş dabarasyna köp sanly raýatlar gatnaşdylar. Desganyň giň howlusy baýramçylyk bezeglerine beslendi. Dabarada medeniýet we sungat işgärleriniň ýörite taýýarlan baýramçylyk çykyşlaryna giň orun berildi.

4 sagat öň

Gymmatly gollanmanyň ýapon dilindäki terjimesi

Arkadagly Gahryman Serdarymyzyň «Ýaşlar ― Watanyň daýanjy» atly kitabyndan: ― Biziň halkymyz kitaphon halk. Kitap okalyp, onuň mazmuny köpçülige ýetirilensoň, ol ruhy baýlyga öwrülýär. Kitapdan okalan, öwrenilen gymmatly bilimler hem terbiýäniň üsti bilen geljekki ýaşlara geçirilýär.

7 sagat öň

Ünslüligi ünsden düşürmäň!

Türkmenistanyň Içeri işler ministrliginiň Döwlet ýangyn howpsuzlygy gullugy watandaşlarymyzy Täze ýyl baýramy bilen gutlaýar hem-de baýramçylygy asuda we parahat geçirmegi arzuw edip, şulary ýatladýar. Täze ýyl arçalary gurnalanda ony çyra bezegi bilen bezemek işi diňe şol ugurdan işleýän tejribeli elektrik ussasy tarapyndan ýerine ýetirilmeli. Arça yşyklandyryjylarynyň näsazlygy duýulsa, (simleriň gyzmagy, uçgun emele gelmegi we ş.m.) çyra bezegi haýal etmän öçürilmeli we näsazlyk anyklanyp, ony düzedilýänçä işletmegi gadagan etmeli. Arçanyň bezeg çyralaryna elektrik simleri kabel kanallarda özbaşyna geçirilip, birikdirilen ýerlerini gysyjylar bilen berkidip, yzgar geçirmeýän sargy bilen berk örtmeli, elektrik geçirijiniň ugrunda awtomatik goraýjy oturdylmalydyr.

8 sagat öň

Ýürekleriň buýsanjy Watan!

Köňüllere ýol salýan eser Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda her bir günümiz ajaýyp wakalara beslenýär. Türkmen halkynyň Milli Lideri Gahryman Arkadagymyzyň «Hakyda göwheri» atly gymmatly eseri ähli halkymyz üçin ajaýyp sowgat boldy. Şöhratly taryhymyzyň çeper beýany bolan bu eser iki bapdan we birnäçe bölümden ybarat bolup, onda halkymyzyň baý geçmişi, medeni we ruhy mirasy hakynda buýsançly söhbet açylýar. Gahryman Arkadagymyz bu ajaýyp eserinde: «Pederlerimiz asyrlaryň mizan eleginden geçirip, bu durmuş hakykatyny pähime öwrüpdirler: Geçmişi bolmadygyň geljegi bolmaz. Geçmiş — geljegiň berk binýady. Geçmiş — geljegi gurmagyň sapaklary. Geçmiş — pähim-parasat. Halkymyzyň müňýyllyklara uzaýan geçmişi, taryhy — mertligiň, gahrymançylygyň, ygrarlylygyň, belent ahlaklylygyň taryhy. Halkymyz özüniň bäş müň ýyldan habar berýän taryhynda şu belent ahlak sypatlaryny tug deýin belentde saklap gezdi» diýip bellemek bilen, şöhratly taryhymyza ýokary baha berýär.

10 sagat öň

Şanly ýylyň belent sepgitleri

«Pähim-paýhas ummany Magtymguly Pyragy» ýylynyň başynda Saparmyrat Türkmenbaşy etrabynyň merkezinde we Akdepe etrabynyň Andalyp şäherinde welaýat Polisiýa müdirliginiň Akdepe etrap polisiýa bölüminiň polisiýanyň ýol gözegçiligi gullugynyň awtoulaglaryň tehniki ýagdaýyny anyklaýyş we hasaba alyş toparynyň edara binalary açylyp ulanmaga berildi.

10 sagat öň

Ajaýyp eseriň gymmaty wagyz edildi

Türkmen halkynyň Milli Lideri Gahryman Arkadagymyzyň toýly günlerde çapdan çykan «Hakyda göwheri» atly gymmatly kitaby halkymyz üçin ajaýyp toý sowgady boldy. Gahryman Arkadagymyzyň halkymyzyň şöhratly taryhy hem-de edebi mirasy hakyndaky toplan maglumatlarynyň jemi we oguz edebiýatynyň ähmiýetini açyp görkezmekde gymmatly çeşme bolup durýan täze eseriniň many-mazmunyny wagyz etmek boýunça häzirki wagtda dürli çärelere, tanyşdyrylyş dabaralaryna giň orun berilýär. Welaýat kitaphanasynda geçirilen «tegelek stoluň» başyndaky söhbetdeşlik hem Gahryman Arkadagymyzyň täze kitabynyň ähmiýeti barada pikir alyşmak hem-de onuň many-mazmunyny halk köpçüliginiň arasynda wagyz etmekde öňde durýan wezipeleri ara alyp maslahatlaşmak maksady bilen geçirildi. «Daşoguz habarlary» gazetiniň redaksiýasynyň, TDP-niň Daşoguz şäher komitetiniň, welaýat kitaphanasynyň bilelikde guramagynda geçirilen söhbetdeşlige Mejlisiň deputaty Ýeňiş Haýtjanow, Daşoguz şäher halk maslahatynyň başlygy Allanazar Garajanow, gazetiň bölüm redaktory Mahym Piriýewa, uly habarçysy Gözel Seýidowa, TDP-niň şäher komitetiniň bölüm müdiri Aýsoltan Nurmedowa, partiýa guramaçysy Didar Osmanow, welaýat kitaphanasynyň direktory Ogulhan Mätdurdyýewa, direktoryň orunbasary Yhlas Saparow dagy gatnaşdylar.

10 sagat öň

Baýramçylyk joşguny

Daşoguz şäherindäki «Bagt köşgi» toý-dabaralar merkezinde TZB-niň welaýat bölüminiň, TKA-nyň welaýat birleşmesiniň, Türkmenistanyň Senagatçylar we telekeçiler partiýasynyň welaýat komitetiniň, welaýat Medeniýet müdirliginiň bilelikde guramaklarynda «Hoş geldiň Täze ýyl, eziz Diýara!» ady bilen baýramçylyk dabarasy geçirildi. Dabara jemgyýetçilik guramalarynyň, dürli pudaklaryň ilkinji zenanlar guramalarynyň işjeň agzalary gatnaşdylar.

10 sagat öň

Bagtyň binýady, rowaçlygyň çyragy

Gahryman Arkadagymyzyň başyny tutan il-ýurt bähbitli we umumadamzat ähmiýetli özgertmelerini Arkadagly Gahryman Serdarymyzyň mynasyp dowam etdirmegi netijesinde Garaşsyz, baky Bitarap Watanymyzyň abraý-mertebesi älem içre barha belende galýar, parahatçylyksöýüjilikli, hoşniýetli we ynsanperwer ýörelgeleri giňden dabaralanýar. Muňa Birleşen Milletler Guramasynyň Baş Assambleýasy tarapyndan hut üstümizdäki ýylda ýurdumyzyň asylly başlangyçlary esasynda «2025-nji ýyl — Halkara parahatçylyk we ynanyşmak ýyly», «Merkezi Aziýa — parahatçylyk, ynanyşmak we hyzmatdaşlyk zolagy», «Birleşen Milletler Guramasynyň oýunlary», «Merkezi Aziýada ýadro ýaragyndan azat zolak hakyndaky Şertnama» atly Kararnamalaryň kabul edilmegi hem aýdyň şaýatlyk edýär. Şeýle hem 1995-nji ýylyň 12-nji dekabrynda hem-de 2015-nji ýylyň 3-nji iýunynda Birleşen Milletler Guramasynyň Baş Assambleýasynyň kabul eden Kararnamalaryna laýyklykda Garaşsyz Watanymyzyň hemişelik Bitaraplyk hukuk ýagdaýy dünýä bileleşigi tarapyndan iki gezek ykrar edildi. Baş Assambleýanyň Kararnamalarynyň ikisi bilen resmi taýdan ykrar edilen hemişelik Bitaraplyk hukuk derejesine eýe bolmak bilen, ata Watanymyz parahatçylyk, howpsuzlyk, özygtyýarlylyk ýörelgelerine eýerip, halkara syýasatda wajyp orny eýeleýär. Güneşli ýurdumyzyň daşary syýasaty sebit we halkara derejesinde durnuklylygyň, ösüşiň bähbitlerine dialogy hem-de hyzmatdaşlygy ös

12 sagat öň

Bagtyýarlygyň gurşawynda

2024-nji ýylda ähli ulgamlarda uly öňegidişliklere eýe bolundy. Ähli ugurlar bilen bir hatarda saglygy goraýyş ulgamyny ösdürmek, hil taýdan has-da kämilleşdirmek, täze belentliklere çykarmak boýunça birnäçe işler durmuşa geçirildi. «Pähim-paýhas ummany Magtymguly Pyragy» ýyly diýlip atlandyrylan üstümizdäki ýylda Halkara Bitaraplyk gününiň öň ýanynda hormatly Prezidentimiziň gol çeken resminamalaryna laýyklykda Türkmenistanyň «Magtymguly Pyragynyň 300 ýyllygyna» atly ýubileý medaly bilen sylaglanylmagym tutuş maşgalamyzyň şatlygyna şatlyk goşdy. Aslynda, biri-birinden tapawutly, üstünlikli ýyllaryň dowamynda ynsan saglygyny goramak ýaly mukaddes kärde zähmet çekip, döwletimizde sagdyn jemgyýeti gurmakda özümiň goşandymyň bardygyna diýseň buýsanýaryn. Zähmet çeken ýyllarymda adam saglygyny berkitmek maksady bilen yzygiderli welosipedli ýörişleri hem-de wagyz-nesihat çärelerini geçirdik. Bu ugurda bize hut lukman Arkadagymyz we hormatly Prezidentimiz görelde mekdebi bolýar. Mundan beýläk-de Gahryman Arkadagymyzyň, Arkadagly Gahryman Serdarymyzyň göreldesine eýerip, ynsan saglygyny goramak ugrunda jan aýaman zähmet çekeris.

12 sagat öň

Ylym dünýäsiniň giňişliginde

2024-nji ýylda maňa talyplygymyň ikinji ýylynda ýurdumyzyň ýaşlarynyň arasynda yglan edilen ylmy işleriň bäsleşiginde ýeňiji bolmak bagty miýesser etdi. Men bu ýyly ylymlar dünýäsindäki ilkinji üstünligimi gazanan ýylym hökmünde hemişelik ýatlaryn. Ylmy gözleglerimi tebigy gazdan täze önümleri almaga bagyşlap, bäsleşigiň netijesi boýunça ikinji orna mynasyp boldum. Umuman, tamamlanyp barýan ýylyň biziň ýokary okuw mekdebimiz üçin düşümli ýyllaryň biri bolandygyny aýratyn nygtamak isleýärin. Mugallymlarymyzdyr talyplarymyz köpsanly bäsleşiklerde ýeňiji boldular. Daşary ýurtlara guralan saparlar bilelikdäki tejribäniň täze ädimlerine öwrüldi. Geljekde-de bilimimizi artdyryp, täze üstünlikler bilen 2025-nji ýylyň şanyna şan goşarys.

12 sagat öň

Üstünliklere beslenen ýyl

«Pähim-paýhas ummany Magtymguly Pyragy» atly şygar bilen dabaralandyrylan şu ýylymyz täze döwrümiziň taryhy zer harplary bilen ýazylýan ýyllarynyň biri boldy. Türkmen halkynyň Milli Lideri Gahryman Arkadagymyzyň zehin jöwherinden syzylyp çykan ajaýyp şygryndan alnan bu şygaryň mazmun baýlygy ýurdumyzyň hem halkymyzyň, şeýle hem dünýä jemgyýetçiliginiň durmuşynda giň beýanyny tapdy. Arkadagly Gahryman Serdarymyzyň baştutanlygynda ösüşiň taryhy ýoly bilen ynamly öňe barýan ýurdumyz dünýä giňişliginde öz ornuny has-da pugtalandyrdy. Onuň anyk mysallaryny doly derejede açyp görkezýän wakalar şu ýylymyzy boýdan-başa gurşap aldy. Ýurdumyzyň daşary döwletler bilen ikitaraplaýyn hem-de köptaraplaýyn esasda hyzmatdaşlygynyň netijeleri barha berkeýär. Onuň şeýledigini tutuş dünýäniň döwletimiz tarapyndan dürli ugurlar boýunça öňe sürülýän başlangyçlary we teklipleri doly goldaýandyklary-da açyp görkezýär. Hormatly Prezidentimiziň başlangyjy esasynda Birleşen Milletler Guramasynyň Baş Assambleýasy tarapyndan «2025-nji ýyl — Halkara parahatçylyk we ynanyşmak ýyly» atly taryhy Kararnamanyň biragyzdan kabul edilmegi dünýä ýüzüne parahatçylygyň nuruny çaýýan döwletimize belent ynamyň ajaýyp mysaly boldy. Milletler Bileleşigi tarapyndan ýurdumyzyň başlangyjy esasynda kabul edilen «Merkezi Aziýa — parahatçylyk, ynanyşmak we hyzmatdaşlyk zolagy», «Birleşen Milletler Guramasynyň oýunlary», «Merke

12 sagat öň

Ýakymy ýürekleri ýyladýar

Aý-günüň aýlanyp, ýyl kerweniniň gelip-gidip durmasyna gutarma ýok. Ine, ýene-de bir Täze ýyl rysgal-döwlete, şatlyk-şagalaňa, hoş habarlara, toýly günlere beslenip, gapymyzy kakyp dur. Umman ýaly çuň pähim-parasatdan, goşgy-gazal, aýdym-saz ýaly hoşnutlykdan dolup gelen «Pähim-paýhas ummany Magtymguly Pyragy» ýylymyz bilen hoşlaşyk pursadymyz barha golaýlaşýar. Şeýle toýly günleriň bosagasynda şanly ösüş-özgerişliklerden, täze üstünliklerden we bagtly pursatlardan ýüklenip gelen Täze ýylymyzy garşylamak juda ýakymly. Ol ýakym ýürekleri ýyladýar.

12 sagat öň

2024-nji ýyl meniň durmuşymda

Sultan NYÝAZOW,Akdepe etrabynyň O.Ärsaryýew adyndaky daýhan birleşiginiň kärendeçisi, Türkmenistanyň «Watana bolan söýgüsi üçin» medalynyň eýesi: — Ata-babalarymyzyň topraga yhlas edip, halal zähmet çekeniň il içinde abraý-mertebä eýe boljakdygy hakyndaky aýdanlary rast gürrüň eken. Berkarar döwletiň täze eýýamynyň Galkynyşy döwründe daýhanlaryň netijeli zähmet çekmegi üçin döredilip berilýän ägirt uly mümkinçiliklerden peýdalanyp, bäş gektar kärende ýerimden ýigrimi tonna golaý bugdaý hasylyny ýygnap, meýilnamany artygy bilen berjaý etdim. «Pähim-paýhas ummany Magtymguly Pyragy» ýyly bereketli türkmen topragy üçin rysgally gelşi ýaly, meniň üçin hem aýratyn düşümli ýyllaryň biri boldy. «Watana bolan söýgüsi üçin» medaly bilen sylaglanmagym durmuşymdaky iň ýakymly wakalaryň biri boldy.

12 sagat öň

Haýyr-sahawatyň nusgasy

Hormatly Prezidentimiziň taýsyz tagallasy bilen berkarar Diýarymyzda ýaşlaryň Watana wepaly, innowasiýa tehnologiýalardan baş çykarýan, beýik ösüşlerimize mynasyp goşant goşmaga ukyply şahsyýetler bolup ýetişmekleri babatda ähli mümkinçilikler döredilýär. Bu ugurda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň öňe süren başlangyçlary aýratyn ähmiýete eýedir. Gahryman Arkadagymyzyň başlangyjy bilen esaslandyrylan diňe bir Türkmenistanda däl-de, onuň çäklerinden daşarda hem uly abraýa eýe bolan Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy körpe nesil baradaky aladanyň döwlet syýasaty derejesine çykarylandygynyň aýdyň mysalydyr. «Türkmenistanda çaganyň irki ösüşi we mekdebe taýýarlygyny ösdürmek babatda 2020 — 2025-nji ýyllarda mekdebe çenli çagalar edaralarynyň işini kämilleşdirmegiň Maksatnamasynyň» kabul edilmegi bu ugurda alnyp barylýan işleri hil taýdan täze derejä çykardy hem-de gerimini giňeltdi. Maksatnamada bellenilen çäreleriň çäklerinde, şol sanda saglyk ýagdaýy sebäpli mümkinçiligi çäkli çagalaryň ösüşini üpjün etmek, olara inklýuziw bilim we terbiýe bermegiň has netijeli çemeleşmelerini peýdalanmak göz öňünde tutulandyr. Inklýuziw bilim umumy bilimiň ösüş derejesini alamatlandyrýar hem-de mümkinçiligi çäkli çagalar üçin bilimiň elýeterliliginiň üpjün edilm

12 sagat öň

«Magtymguly diýip adym tutsalar...»

Pyragyň arzuwlan ajap eýýamy Gündogaryň beýik akyldary Magtymguly Pyragynyň doglan gününiň 300 ýyllygy mynasybetli Beki Seýtäkow adyndaky mugallymçylyk mekdebiniň mejlisler zalynda «Pyragyň arzuwlan zamany bolan, Garaşsyz, Bitarap ýurdum ajaýyp» atly baýramçylyk dabarasy geçirildi.

12 sagat öň

Ýaşlar — Watanyň kuwwaty

«Türkmenistanda ýaşlar barada döwlet syýasatynyň 2021 — 2025-nji ýyllar üçin Döwlet maksatnamasy» ýaşlar hakdaky aladanyň rowaçlyga beslenýändiginiň alamaty hökmünde buýsanjymyza buýsanç goşýar. Türkmenistanyň Halk Maslahatynyň mejlisinde hem türkmen halkynyň Milli Lideri ýaşlar barada döwlet syýasatyny üstünlikli amala aşyrmak boýunça öňde uly wezipeleriň durýandygyny nygtamak bilen, bu babatda birnäçe başlangyçlardyr teklipleri beýan etdi. Şunuň bilen baglylykda, Gahryman Arkadagymyz şu ýylyň ahyryna çenli toplumlarda ylym, bilim, medeniýet ulgamlaryny kämilleşdirmek, ýaşlar barada döwlet syýasatyny has-da ösdürmek bilen bagly maslahatlary geçirmegi, Türkmenistanyň Halk Maslahatynyň geljek ýyl boljak mejlisine dürli ugurlar bilen bir hatarda, 2026 — 2052-nji ýyllarda ýokary bilimi ösdürmegiň Strategiýasynyň taslamasyny hödürlemegi teklip etdi. Bu bolsa ýurdumyzda ýaşlara Watanyň daýanjy, ýurduň ösüşiniň esasy sütünleriniň biri hökmünde garalýandygynyň aýdyň subutnamasydygyny tassyklaýar. Arkadagly Gahryman Serdarymyz ýaşlaryň medeni-köpçülik çärelerine gatnaşmagy, öz ýoluny döretmegi, zehinini kämilleşdirmegi, ylym-bilim babatda tejribe toplamagy, dünýä derejesinde ussat hünärmenler bolup ýetişmegi ugrunda giň gerimli başlangyçlary durmuşa geçirýär. Çünki ýaşlaryň ýokary derejede bilim almagyna, saýlan hünäriniň eýesi bolmagyna ýardam bermek, olary ylyma-bilime höweslendirmek

12 sagat öň

Jümle-jahan habarlary

Täze ýyl rekordy

12 sagat öň

Baýramçylyk sowgatlary gowşuryldy

Berkarar döwletimize şatlyk-şowhun paýlap gelen Täze ýyl baýramçylygy mynasybetli dabaralar welaýatymyzyň bagtyýar çagalary üçin hem ýatdan çykmajak pursatlara beslenýär. Welaýat häkimliginiň guramagynda «Bagt köşgi» toý-dabaralar merkezinde döwletli çagalara baýramçylyk sowgatlary gowşuryldy.

12 sagat öň

Gündizleri — görkana, gijeleri — nurana

Gözel paýtagtymyz Aşgabat häzirki wagtda Ýer ýüzünde beýik ösüşleriň, ajaýyp binagärligiň, parahatçylygyň we abadançylygyň mekany hökmünde uly meşhurlyga eýedir. Berkarar döwletiň täze eýýamynyň Galkynyşy döwrüniň beýik ösüşleri ýurdumyzyň sebitlerinde açylan häzirki zaman şäherçeleriň, obalaryň, ýaşaýyş jaý toplumlarynyň, önümçilik we durmuş maksatly binalaryň ajaýyp keşbinde has-da aýdyň duýulýar. Garaşsyz, hemişelik Bitarap Watanymyz arzyly arzuwlaryň hasyl bolýan ýurduna öwrüldi. Halkymyzyň beýik söýgüsine hem buýsanjyna beslenen, eziz hem mukaddeslik saýylan gymmatlyklar hemişe göwnüňi telwaslandyrýar, ylhamyňy joşdurýar. Paýtagtymyzyň tutuş çägini gurşap alan ýadygärlikler, suw çüwdürimleri, dynç alyş meýdançalary gözel şäherimiziň binagärlik aýratynlyklaryny has-da baýlaşdyrmak bilen birlikde, türkmen döwletiniň kuwwatyny hem dabaralandyrýar. Ajaýyp binalaryň töwereginiň dürli güller, täsin baglar, seýilgähler bilen bezelişi bolsa ýaşaýşa bolan höwesimizi artdyryp, ruhyňy belende galdyrýar. Ak şäherimiziň ajaýyplygy, tämizligi, arassalygy, gök baglara, ter güllere beslenip durşy göwünleri galkyndyrýar, joşgunly zähmet çekmäge, yhlasly okamaga höweslendirip, her birimize lezzet eçilýär. Paýtagtymyzyň adyny göterýän «Aşgabat» seýilgähi hem arassa we jana tenekar howasy, gyşyn-ýazyn gök öwüsýän agaçlary bilen bu ýere dynç almaga gelýän raýatlaryň söýgüsine mynasyp bolýar. Ş

12 sagat öň

1
2
3
4
5
6
7
8
...
1406
1407
›