Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Gurluşyk senagatynyň ösdürilmegi

Ýurdumyzda köpugurly çözgütleriň esasynda gurulýan binalar toplumlary, döwrebap şäherler we obalar, amala aşyrylýan şähergurluşyk taslamalary ata Watanymyzyň kuwwatynyň uludygyny delillendirýär. Olarda türkmen halkynyň döredijilik ruhy hem-de okgunly ylmy-tehniki ösüş, şeýle hem «Döwlet adam üçindir!», «Watan diňe halky bilen Watandyr! Döwlet diňe halky bilen döwletdir» diýen baş ýörelgeleriň durmuşa geçirilmegi öz aýdyň beýanyny tapdy. Gahryman Arkadagymyz tarapyndan başy başlanyp, häzirki wagtda hormatly Prezidentimiziň parasatly baştutanlygynda üstünlikli durmuşa geçirilýän maksatnamalaýyn strategiýanyň yzygiderli amala aşyrylmagy netijesinde ýurdumyzda öňdebaryjy tehnologiýalar bilen enjamlaşdyrylan, daşary ýurtlardan getirilýän harytlaryň ornuny tutýan giň görnüşlerini öndürmäge ýöriteleşen döwrebap senagat kärhanalary gurlup, ösen ulag düzümi kemala getirilýär hem-de medeni-durmuş maksatly desgalaryň gurluşygy depginli alnyp barylýar. Dünýäde ýaşamak üçin iň amatly şäherleriň biri hökmünde ykrar edilen ak mermerli Aşgabat Garaşsyz, hemişelik Bitarap Watanymyzdaky giň gerimli özgertmeleriň nyşanyna öwrüldi. Soňky ýyllarda paýtagtymyzyň birnäçe gözel desgalarynyň Ginnesiň Bütindünýä rekordlar kitabyna girizilmegi şähergurluşyk maksatnamasynyň üstünliklere beslenýändigine aýdyň şaýatlyk edýär.

18 Dekabr 2024

Dünýäde belende galýan mertebe

Parahat, asuda hem-de bagtyýar durmuşda ýaşaýan agzybir halkymyzy hormatly Prezidentimiz Arkadagly Gahryman Serdarymyzyň paýhasly baştutanlygynda mukaddes Garaşsyzlygymyzyň esaslaryny pugtalandyrmak, şöhratly Watanymyzyň abraý-mertebesini has-da belende götermek ýaly asylly maksat jebisleşdirýär. Berkarar döwletiň täze eýýamynyň Galkynyşy döwründe giň gerimlerde dowam edýän durmuş-ykdysady özgertmeleriň oňyn netijeleri, umumadamzat bähbitlerine gönükdirilen taryhy taslamalar, dünýä döwletleri we halklary bilen alnyp barylýan dostlukly, hoşniýetli gatnaşyklar şeýle asylly maksadyň rowaçlyklara beslenýändiginiň subutnamalarydyr. Türkmen halkynyň Milli Lideri Gahryman Arkadagymyzyň paýhasly ýörelgelerine berk eýerýän Arkadagly Gahryman Serdarymyzyň çuňňur pähim-paýhas, dünýäniň syýasy-ykdysady ýagdaýyny öňdengörüjilik bilen seljermek arkaly ýöredýän ynsanperwer döwlet syýasaty gazanylýan şeýle üstünlikleriň gözbaşy bolup durýar. Munuň özi ynsanperwer daşary syýasaty gyşarnyksyz ýöredýän ýurdumyzyň halkara gatnaşyklar ulgamyna we dünýäniň ykdysady giňişligine işjeň goşulyşmagyny üpjün edýär. Ägirt uly syýasy, ykdysady, medeni, ylym-bilim kuwwatyny hoşniýetli goňşuçylyga, birek-birege sarpa goýmaga, deňhukuklylyga hem-de dünýä döwletleri, iri halkara guramalar bilen özara bähbitli hyzmatdaşlyga gönükdirmäge mümkinçilik berýär. Berkarar Diýarymyzyň dünýä dolan şan-şöhratyny has-da be

18 Dekabr 2024

Nygmat bardyr näçe diýseň...

Ajaýyp umyt-arzuwlara beslenýän Täze ýyla her bir öý-ojakda uludan taýýarlyk görülýär. Şu günler welaýatymyzyň ähli etrap-şäherlerinde, olaryň döwrebap bazarlarynda, söwda merkezlerinde, dükanlarynda, göçme söwda nokatlarynda kemsiz gyzyşan söwdalary synlanyňda hem muňa aýdyň göz ýetirmek bolýar. Dürli harytlary ýeterlik bolan söwda nokatlaryndaky hereket ünsüňi özüne çekýär. Täze ýyl arçalary, olara gerek bolan bezegler, birenaýy gaplanan täze ýyl sowgatlyklary hem-de beýleki harytlar gözüňi dokundyrýar. Gyzgalaňly söwda edýän bagtyýar raýatlarymyzyň hormatly Prezidentimizi alkyşlaýan hoşallyk sözleri dilleriniň senasyna öwrülýär. Baýramçylyk söwdalarynyň ýokary derejede guralmagynda, dürli harytlar bilen üpjün edilmeginde ýurdumyzyň hususy işewürleriniň durmuşa geçirýän işleri bellenmäge mynasypdyr. Alyjylara hödürlenýän harytlaryň aglabasynyň ýurdumyzda öndürilmegi örän guwandyryjydyr. Saçaklarymyzyň berekedine bereket goşýan azyk önümleriniň ýokary hil derejesi, ekologiýa taýdan arassalygy hem-de nyrhlarynyň elýeterli bolmagy diýseň begendirýär. Munuň özi telekeçileriň döredijilikli zähmeti bilen öndürilýän azyk önümleriniň dünýä bazarynda bäsdeşlige ukyplydygyny, durnukly artýan isleglere eýedigini aýdyň görkezýär. Ýörite gaplara gaplanan önümler alyjylaryň islegli harytlarydyr.

18 Dekabr 2024

Döredijilik bäsleşiginiň jemi jemlendi

2024-nji ýylyň «Pähim-paýhas ummany Magtymguly Pyragy» ýyly diýlip yglan edilmegi hem-de Magtymguly Pyragynyň doglan gününiň 300 ýyllygy mynasybetli tamamlanyp barýan ýylda ýurdumyzda geçirilýän dürli çäreler: bäsleşikler, maslahatlar, aýdym-sazly dabaralar hormatly Prezidentimiziň parasatly ýolbaşçylygynda berkarar döwletimiziň ähli ugurlarda rowaçlyklara beslenýändiginiň, akyldar şahyrymyza hormat-sarpanyň bimöçberdiginiň aýdyň subutnamasy bolup durýar. Türkmenistanyň Kärdeşler arkalaşyklarynyň Balkan welaýat birleşmesiniň «Balkan» gazetiniň redaksiýasy bilen bilelikde yglan eden «Adyň dünýä doldy, dana Pyragy» atly döredijilik bäsleşigi hem şolaryň biri boldy. Üstümizdäki ýylyň «Pähim-paýhas ummany Magtymguly Pyragy» ýyly diýlip yglan edilmegi hem-de Magtymguly Pyragynyň doglan gününiň 300 ýyllygy mynasybetli, şeýle-de Berkarar döwletiň täze eýýamynyň Galkynyşy döwründe akyldar şahyrymyza goýulýan belent hormat-sarpany, ussadyň edebi mirasyny, paýhas hazynasyny dünýä ýaýmakda Gahryman Arkadagymyzyň hem-de Arkadagly Gahryman Serdarymyzyň taýsyz tagallalary bilen alnyp barylýan beýik işleri giňden wagyz etmek, döredijilik işgärlerini Gündogaryň beýik akyldaryna bagyşlanan kämil eserleri döretmäge höweslendirmek maksady bilen geçirilen bäsleşige welaýatymyzyň etrap-şäherlerinden döredijilik bilen meşgullanýan raýatlar ýokary işjeňlikde gatnaşdylar. Olar bäsleşige hödürlän goşg

18 Dekabr 2024

Özgerişler — ösüşlere badalga

Garaşsyz, baky Bitarap Watanymyz ajaýyp zamanada ähli ugurlar boýunça bady barha artýan özgerişleriň ýoly bilen diňe öňe barýar. Milli Liderimiziň we hormatly Prezidentimiziň beýik başlangyçlaryndan gözbaş alýan düýpli özgertmeler berkarar döwletimizi günsaýyn täze ösüşlere besleýär. Arkadagly Gahryman Serdarymyzyň başda durmagynda ýurdumyzyň halkara abraýy barha artýar. Jemgyýetimizde demokratik ýol-ýörelgeler täze, has kämil belentliklere çykýar. Ajaýyp zamanamyzda halkymyzyň asuda, abadan, bagtyýar durmuşda ýaşamagy ugrunda taýsyz tagallalary edýän döwlet Baştutanymyz milli kanunçylygymyzy kämilleşdirmeklige-de uly ähmiýet berýär hem-de bu babatda anyk wezipeleri öňde goýýar. Ýurdumyzy durmuş-ykdysady taýdan okgunly ösdürmekde milli kanunçylyk ulgamynyň yzygiderli kämilleşdirilmeginiň zerurdygyny aýratyn belleýär. Bu ugurda netijeli işleriň durmuşa geçirilmegi, täze döwrüň ösen talaplaryna laýyk gelýän kanunlaryň kabul edilmegi jemgyýetiň durnukly ösüşini üpjün edýär. Berkarar döwletiň täze eýýamynyň Galkynyşy döwründe gazanylýan ägirt uly ösüşler, ýetilýän belent sepgitler halkymyzyň hal-ýagdaýynyň has-da gowulanmagyny üpjün etmek bilen, aýdyň hem röwşen geljegimiziň binýadyny goýýar. Goý, ajaýyp zamanada Arkadagly Gahryman Serdarymyzyň paýhasly ýolbaşçylygynda şöhratly menziller dowamat-dowam bolsun!

18 Dekabr 2024

Bagtyýar durmuşyň binýady

Mähriban halkymyzyň sagdyn, bagtyýar durmuşda ýaşamagy üçin ähli şertleri döretmek hormatly Prezidentimiziň döwlet syýasatynyň esasy ugry bolup durýar. Ynsan saglygyny goramakda, berkitmekde sportuň, bedenterbiýäniň ähmiýeti örän uludyr. Şol esasdan, ýurdumyzyň saglygy goraýyş hem-de sport ulgamlaryny ösüşlere beslemek üçin tutumly işlere badalga berilýär. Hormatly Prezidentimiziň: «Berkarar döwletiň täze eýýamynyň Galkynyşy döwründe ýurdumyzda saglygy goraýyş ulgamyny yzygiderli kämilleşdirmek, raýatlarymyzyň saglygyny berkitmek, ynsan ömrüniň dowamlylygyny uzaltmak, bedenterbiýäni we sporty ösdürmek, sagdyn durmuş ýörelgelerini ornaşdyrmak boýunça giň gerimli işler alnyp barylýar» diýen sözleri muny doly tassyklaýar. Saglyk — bagtyýar durmuşyň sakasy. Şonuň üçinem täze taryhy döwürde milli saglygy goraýyş ulgamynda uly ösüşler gazanylýar. Munuň özi ýurdumyzda ulgamy ösdürmek boýunça kabul edilýän maksatnamalar bilen berk baglanyşyklydyr. Bu maksatnamalarda adamlaryň saglygyny goramak we berkitmek, döwrebap lukmançylyk hyzmatlaryny amala aşyrmak, innowasion tehnologiýalara, lukmançylyk ylmyna esaslanýan kämil saglygy goraýyş ulgamyny döretmek hem-de ulgamy dünýä lukmançylygynda gazanylan tejribelere laýyk ösdürmek boýunça anyk wezipeler kesgitlenilýär. 

18 Dekabr 2024

Belent sepgitleri nazarlap

Ata Watanymyz ösüşiň belent sepgitlerine tarap bedew bady bilen öňe barýar. Döwletiň ähli pudaklaryny kämilleşdirmek we okgunly ösdürmek, ýurdumyzyň ykdysady kuwwatyny artdyrmak, sanly ulgama geçmek, dünýäniň iň öňdebaryjy tehnologiýalary bilen üpjün edilen önümçilik kärhanalaryny gurmak, netijede, halkyň, aýratynam ýaşlaryň bagtyýar durmuşyny üpjün etmek kabul edilýän maksatnamalaryň esasy wezipeleridir. «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasy» hem durmuş-ykdysady ösüşleriň täze belentliklerine ýetmäge ýardam edýär. Çünki Berkarar döwletiň täze eýýamynyň Galkynyşy döwri ösüşleriň, rowaçlyklaryň we sagdynlygyň zamanasydyr. Muny ata Watanymyzyň ýeten belent sepgitleri we gazanan üstünlikleri hem subut edýär. Şeýle ösüşlerde ýurdumyzyň içeri işler edaralarynyň işgärleriniňem mynasyp paýy bardyr. Biz hem jemgyýetde asudalygy berkitmek, sagdyn durmuş ýörelgesini jemgyýetimize has-da mäkäm ornaşdyrmak, raýatlaryň arasynda sporta we bedenterbiýä bolan söýgini artdyrmak boýunça birnäçe işleri alyp barýarys. Goý, ata Watanymyzyň gülläp ösmegi, halkymyzyň bagtyýar durmuşy ugrunda taýsyz tagallalary edýän Gahryman Arkadagymyzyň we hormatly Belent Serkerdebaşymyzyň janlary sag, ömürleri uzak bolup, il-ýurt bähbitli tutumlary has-da rowaç alsyn!

18 Dekabr 2024

Arkadag şäheri — Innowasion mümkinçilikler we ýokary hilli ýaşaýyş

Arkadag şäheri Ýewropanyň Hil barlaglary boýunça jemgyýetiniň hil boýunça baýragyna, «Hil saýlawy — 2024» nyşany bolan «Diamond» derejesine mynasyp boldy. Abraýly halkara baýrak golaýda Wenada Arkadag şäheriniň wekiliýetine halkara işewür jemgyýetçiliginiň gatnaşmagynda dabaraly ýagdaýda gowşuryldy. Bu hoş habaryň üstüniň ýetirilmegi, ýagny Arkadag şäheriniň lukmançylyk klasteriniň önümleriniň haryt nyşanynyň Bütindünýä Intellektual Eýeçilik Guramasynyň Halkara býurosynyň degişli güwänamasy bilen tassyklanylmagy buýsanjymyzy has-da artdyrdy. Şäheriň dürli ugurlar boýunça birnäçe halkara güwänamalara we diplomlara mynasyp bolmagy ýerine ýetirilýän işleriň ýokary hil derejesine we dünýä ölçeglerine laýyk gelýändigini görkezýär. Arkadag şäheriniň ulanmaga berlen ilkinji gününde halkara sylaglaryň 21-sine, şeýle hem şu ýyl Koreýa Respublikasynda geçirilen halkara sergide üç sany baýraga, şol sanda iň tapawutlanan «akylly» şäher hökmünde baş baýraga mynasyp bolandygyny ýatlamagyň özi kalbyňy ýakymly duýgulardan doldurýar. Bu baýraklar, ilkinji nobatda, «ýaşyl» ösüş strategiýasyna laýyk gelýän sazlaşykly elektron şäher düzümi üçin berildi. Arkadag şäheri «smart-siti» şähergurluşyk konsepsiýasynyň ýokary talaplary esasynda bina edilýär. Şonuň üçin bu ýerde elektromobilleriň, elektrobuslaryň we elektrotaksileriň hereket etmegi ekologiýa meselelerini çözmekde Türkmenistany

18 Dekabr 2024

Ykdysady hyzmatdaşlyk boýunça türkmen-ýapon komitetiniň mejlisi

16-njy dekabrda paýtagtymyzda Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi. Oňa gatnaşmak üçin «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, bu komitetiň ýapon böleginiň başlygy Hiroýuki Subaýyň ýolbaşçylygyndaky Ýaponiýanyň işewür toparlarynyň uly wekiliýeti ýurdumyza geldi. Duşuşygyň dowamynda taraplar döwletara dialogyň täze tapgyrynda söwda-ykdysady hyzmatdaşlygyň möhüm ugurlaryny, maliýe-maýa goýum gatnaşyklaryny ara alyp maslahatlaşdylar. Geljegi uly bilelikdäki taslamalar, önümçilik hyzmatdaşlygynyň ugurlary barada pikir alyşdylar. Foruma iki ýurduň dürli ministrlikleriniň, pudaklaýyn dolandyryş edaralarynyň wekilleri, Senagatçylar we telekeçiler birleşmesiniň agzalary, iki tarapdan hem işewürlik düzümleriniň ýolbaşçylary wekilçilik etdi.

17 Dekabr 2024

Halaçly halyçylaryň işi ileri

Türkmen halysynyň köpasyrlyk taryhy bar. Ol zenanlarymyzyň zehin-yhlasy bilen ýönekeý senetçilik önümi bolanlygyndan yzygiderli kämilleşdirilip, sungat derejesine göterildi. Garaşsyzlyk ýyllarynda bolsa haly sungatymyz ozal görlüp-eşidilmedik derejede ösdürildi. Mälim bolşy ýaly, «Türkmenhaly» döwlet birleşigine degişli bolan Bäherden çeper halyçylyk kärhanasynyň halyçylarynyň dokan äpet halysynyň umumy meýdany 301 inedördül metre barabardyr. 2001-nji ýylyň 19-njy fewralynda dokalyp başlanan bu haly şol ýylyň 8-nji oktýabrynda kesilýär. Ini 21,5 metr, boýy 14 metr bolan bu haly 2002-nji ýylda iň uly el işi hökmünde Ginnesiň rekordlar kitabyna girizildi. Şeýle äpet we täsin halylary dokamaga halaçly halyçylar hem goşuldylar.

17 Dekabr 2024

Milli buýsanjyň çeşmesi

Ösüş-özgertmelere beslenýän ajaýyp döwrümizde ýurdumyzda bolup geçýän taryhy wakalar buýsanjymyzy goşalandyrýar. Halkara Bitaraplyk gününiň öňüsyrasynda türkmen halkynyň Milli Lideri Gahryman Arkadagymyzyň «Hakyda göwheri» atly täze kitabynyň neşir edilip, halk köpçüligine ýetirilmegi hem şeýle buýsançly wakalaryň biridir. «Pähim-paýhas ummany Magtymguly Pyragy» ýylynyň başynda hormatly Prezidentimiz Serdar Berdimuhamedow «Änew — müňýyllyklardan gözbaş alýan medeniýet» atly ajaýyp kitabyny halkymyza sowgat edipdi. Türki medeniýetiň halkara guramasy (TÜRKSOÝ) tarapyndan Änew şäheriniň 2024-nji ýylda «Türki dünýäsiniň medeni paýtagty» diýlip yglan edilmegi bilen baglanyşykly çäreleriň badalga alýan günlerinde elimize gowşan şol ajaýyp eser bada-bat il-ulsumyzyň söýgüsini gazandy. Ine, bu gün bolsa Gahryman Arkadagymyzyň bagtyýar halkymyza «Hakyda göwheri» atly täze kitabyny sowgat etmegi buýsanjymyzy goşalandyrdy. Birnäçe bölümden ybarat bolan bu kitapda halkymyzyň şöhratly taryhynyň, baý medeni mirasynyň we döwletlilik ýörelgeleriniň beýan edilmegi oňa bolan gyzyklanmany has-da artdyrýar.

17 Dekabr 2024

Täze ýyl Baş arçasynyň yşyklary ýalkym saçdy

15-nji dekabrda ýurdumyzyň Baş arçasy şadyýan aýdymlaryň, ajaýyp sazlaryň owazynyň astynda we ýaşajyk türkmenistanlylaryň ýerine ýetiren tansly kompozisiýalary bilen dürli yşyklarda ýalkym saçdy. Munuň özi uzak garaşylan, hemmeler üçin ýakymly Täze ýyl baýramynyň dabaralaryna özboluşly badalga boldy. Baş arçanyň yşyklaryny ýakmak dabarasy her ýyl «Älem» medeni-dynç alyş merkeziniň öňündäki meýdançada geçirilýär. Bu ýerde asylly däbe görä, giň gerimli dabaralar ýaýbaňlandyrylýar. Sekizburçly ýyldyz we «2025» ýazgy bilen bezelen, köp sanly kümüşsöw garjagazlarda, dürli öwüşgindäki yşyklarda ýalkym saçýan Baş arçanyň beýikligi 44 metre, ini bolsa 16 metre deňdir.

16 Dekabr 2024

Nebitgazçylaryň baýramy giň gerimde bellenildi

Türkmenistanyň nebitgaz toplumynyň merkezi binasynda Nebitgaz senagaty we geologiýa işgärleriniň güni mynasybetli «Pähim-paýhas ummany Magtymguly Pyragy ýylynda nebitgaz pudagynda ýetilen sepgitler» atly dabaraly baýramçylyk maslahaty geçirildi. Türkmenistanyň Ministrler Kabinetiniň Başlygynyň orunbasary Batyr Amanowyň ýolbaşçylygynda geçirilen maslahata degişli toplumyň ýolbaşçylary, edara-kärhanalarynyň işgärleri we hünärmenleri gatnaşdylar. Ilki bilen, B.Amanow Nebitgaz senagaty we geologiýa işgärleriniň güni mynasybetli hormatly Prezidentimiziň iberen Gutlagyny okady. Hormatly Prezidentimiz Serdar Berdimuhamedowyň Gutlagyndaky: «Garaşsyz, Bitarap Türkmenistan öz tebigy baýlyklaryny diňe bir milli bähbitlere däl, eýsem, sebit we dünýä halklarynyň abadan durmuşyny üpjün etmäge hem gönükdirmäge çalyşýar. Pudagyň eksport mümkinçiliklerini diwersifikasiýa ýoly bilen ösdürmek, köpugurly turbageçirijiler ulgamyny döretmek döwletimiziň energetika syýasatynyň ileri tutulýan ugurlarynyň biridir» diýen sözleri çärä gatnaşyjylarda ýokary ruhubelentlik duýgusyny oýardy.

16 Dekabr 2024

Sagdyn jemgyýet — berkarar döwlet

Aýdyň ösüşleri, eşretli ertirleri nazarlaýan özygtyýarly, baky berkarar ýurdumyzda durmuşa geçirilýän özgertmeleriň ählisi asylly maksada — ilatyň ýaşaýyş-durmuş derejesini düýpli gowulandyrmaklyga, dogduk Diýarymyzy gülledip ösdürmeklige gönükdirilýär. Hormatly Prezidentimiz Garaşsyz, Bitarap Watanymyzda kanunylygyň we düzgün-tertibiň pugtalandyrylmagynyň prokuratura edaralarynyň işiniň esasy ugrudygyny belläp, şunda sanly ulgamyň işjeň ulanylmagyna möhüm ähmiýet berilmelidigini tabşyrýar. Şeýle-de munuň özüniň prokuratura edaralarynyň işini kämilleşdirmäge, düzümiň üstüne ýüklenen wezipeleriň talabalaýyk ýerine ýetirilmegi üçin şertleri döretmäge gönükdirilendigini nygtaýar. Biz özümize ynanylan wezipelere abraý bilen hötde gelmek ugrunda etrabymyzdaky edara-kärhanalarda kanunçylyk hukuk namalarynyň düzgünleriniň ýerine ýetirilişine berk gözegçiligi alyp barýarys. Şunuň bilen birlikde halk köpçüligine täze kabul edilýän Kanunlaryň many-mazmunyny düşündirýäris. Şeýle-de jemgyýetçilik guramalarynyň, bilim, saglygy goraýyş ulgamlarynyň wekilleriniň gatnaşmaklarynda mekdep okuwçylarynyň, ýetginjekleriň arasynda yzygiderli wagyz-nesihat çärelerini guraýarys. Bu işe etrabymyzyň il sylagly ýaşululary hem işjeň gatnaşýarlar. Çärelerde ýaşlaryň gyzyklanmalaryna aýratyn üns berýäris, ýaramaz endikleriň zyýany baradaky düşünjelerini artdyrýarys. Ýaş nesliň ylym-bilim almaklyga, hünär

16 Dekabr 2024

Türkmenistanyň Prezidenti hormatly Serdar Berdimuhamedowa

Çuňňur hormatlanylýan Türkmenistanyň Prezidenti! «Pähim-paýhas ummany Magtymguly Pyragy» ýylynda Arkadag şäheriniň Wenada ýerleşýän Ýewropanyň Hil barlaglary boýunça jemgyýetiniň hil boýunça baýragyna, «Hil saýlawy — 2024» nyşany bolan «Diamond» derejesine mynasyp bolandygy baradaky hoş habar gelip gowuşdy. Şeýle hem Arkadag şäheriniň lukmançylyk klasteriniň önümleriniň haryt nyşany Bütindünýä Intellektual Eýeçilik Guramasynyň Halkara býurosynyň degişli güwänamasy arkaly tassyklanyldy. Sizi ýurdumyzyň ilkinji «akylly» şäheriniň halkara derejedäki nobatdaky ykrarnamasyny alamatlandyrýan bu wakalar mynasybetli Türkmenistanyň Halk Maslahatynyň adyndan tüýs ýürekden gutlaýaryn. Siziň janyňyzyň sag, ömrüňiziň uzak bolmagyny, ata Watanymyzyň içeri we daşary syýasy ösüşleri ugrunda alyp barýan işleriňiziň mundan beýläk-de üstünliklere beslenmegini arzuw edýärin.

16 Dekabr 2024

Nebitgaz senagaty we geologiýa işgärleriniň güni mynasybetli baýramçylyk dabaralary

Aşgabat, 14-nji dekabr (TDH). Şu gün ýurdumyzda Nebitgaz senagaty we geologiýa işgärleriniň güni giň gerimde bellenildi. Şu mynasybetli Türkmenistanyň Nebitgaz toplumynyň binasynyň mejlisler zalynda baýramçylyk dabarasy geçirildi. Dabara gatnaşyjylar hormatly Prezidentimiz Serdar Berdimuhamedowyň pudagyň işgärlerine iberen Gutlagyny uly höwes bilen diňlediler. Gutlagda nebitçileriň, gazçylaryň we geologlaryň yhlasly, tutanýerli zähmeti netijesinde ykdysadyýetimiziň nebitgaz pudagynda uly üstünlikleriň gazanylýandygy, pudakda alnyp barylýan toplumlaýyn işleriň esasynda ýurdumyzyň uglewodorod serişdeleriniň gorlary boýunça dünýäniň öňdebaryjy döwletleriniň hataryndaky ornuny berkidýändigi bellenilýär. Bu ugurda halkara derejedäki iri taslamalaryň durmuşa geçirilmegi bilen, uglewodorod serişdeleriniň, ilkinji nobatda, halkymyzyň eşretli durmuşyna, geljek nesillerimiziň hem-de goňşy döwletleriň halklarynyň abadançylygyna hyzmat etmegini gazanmak babatda öňde möhüm wezipeler durýar. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň döwletimize baştutanlyk eden döwründe, 2009-njy ýylyň 14-nji dekabrynda Türkmenistan — Hytaý halkara gaz geçirijisi açylyp ulanmaga berildi we türkmen mawy ýangyjy dünýäniň ykdysady taýdan okgunly ösýän sebitine akdyrylyp başlandy. Taryha altyn harplar bilen ýazylan şol senäniň ýurdumyzda Nebitgaz senaga

16 Dekabr 2024

Nebitgaz senagaty we geologiýa işgärleriniň güni mynasybetli baýramçylyk dabaralary

Aşgabat, 14-nji dekabr (TDH). Şu gün ýurdumyzda Nebitgaz senagaty we geologiýa işgärleriniň güni giň gerimde bellenildi. Şu mynasybetli Türkmenistanyň Nebitgaz toplumynyň binasynyň mejlisler zalynda baýramçylyk dabarasy geçirildi. Dabara gatnaşyjylar hormatly Prezidentimiz Serdar Berdimuhamedowyň pudagyň işgärlerine iberen Gutlagyny uly höwes bilen diňlediler. Gutlagda nebitçileriň, gazçylaryň we geologlaryň yhlasly, tutanýerli zähmeti netijesinde ykdysadyýetimiziň nebitgaz pudagynda uly üstünlikleriň gazanylýandygy, pudakda alnyp barylýan toplumlaýyn işleriň esasynda ýurdumyzyň uglewodorod serişdeleriniň gorlary boýunça dünýäniň öňdebaryjy döwletleriniň hataryndaky ornuny berkidýändigi bellenilýär. Bu ugurda halkara derejedäki iri taslamalaryň durmuşa geçirilmegi bilen, uglewodorod serişdeleriniň, ilkinji nobatda, halkymyzyň eşretli durmuşyna, geljek nesillerimiziň hem-de goňşy döwletleriň halklarynyň abadançylygyna hyzmat etmegini gazanmak babatda öňde möhüm wezipeler durýar. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň döwletimize baştutanlyk eden döwründe, 2009-njy ýylyň 14-nji dekabrynda Türkmenistan — Hytaý halkara gaz geçirijisi açylyp ulanmaga berildi we türkmen mawy ýangyjy dünýäniň ykdysady taýdan okgunly ösýän sebitine akdyrylyp başlandy. Taryha altyn harplar bilen ýazylan şol senäniň ýurdumyzda Nebitgaz senaga

16 Dekabr 2024

Döwrebap tehnikalar — nebitçilere sowgat

Ýurdumyzda bellenilen Nebitgaz senagaty we geologiýa işgärleriniň güni mynasybetli, «Türkmennebit» döwlet konserniniň «Nebitgazdüýpliabatlaýyş» trestine täze «LG C360» kysymly maýyşgak nasos kompressor turbaly tehnikalar toplumynyň 3-si we awtobuslar gelip gowuşdy. Olar Hytaý Halk Respublikasyndan satyn alyndy. Berkarar döwletimiziň ykdysady kuwwatynyň artmagyna goşant goşmak ugrunda gaýratly zähmet çekýän konserniň zähmet toparlary hormatly Prezidentimiziň satyn alyp beren has kämil ýöriteleşdirilen tehnikalar toplumyny we awtobuslary ýokary ruhubelentlikde kabul etdiler. Ýeri gelende, Hytaýdan gelip gowşan bu tehnikalaryň düzümindäki köpugurly tehnikalaryň önüm bermesini kemelden ýa-da bütinleý bes eden guýularda düýpli abatlaýyş işlerini ýokary hilli amala aşyrmaga mümkinçilik berýändigini bellemek gerek. Olaryň kömegi bilen wagtlaýyn hereketsiz duran we guýynyň içinde gaýry zatlaryň baslygyp galmagy netijesinde emele gelen çylşyrymly bökdençlikleri aradan aýyrmak işi ýerine ýetirilýär. Şonuň ýaly-da, düýpli abatlaýşa garaşýan guýulary öz wagtynda dikeldip, ulanyşa tabşyrmak üstünlikli ýola goýulýar. Bu tehnikalar toplumynyň ýany bilen sorujy enjamlar, awtoçelekler, kiçi elektrik desgalary, ähli amatlyklary bolan medeni öýjagazlar hem-de ätiýaçlyk şaýlar gelip gowuşdy.

16 Dekabr 2024

Burawlaýjylaryň toý sowgady

Ýurdumyzyň gazçylarynyň asylly zähmetinden söz açylanda, «Türkmengaz» döwlet konserniniň «Türkmengazburawlaýyş» müdirliginiň zähmet pälwanlarynyň alyp barýan netijeli işleri hem ilkinjileriň hatarynda ýatlanylýar. Müdirligiň gaýratly gazçylary ýurdumyzyň sebitlerinde iş alyp barmak bilen, her bir iş gününi zähmet üstünliklerine besleýärler. Öndürijilikli zähmet gazçylara abraý getirýär. Müdirligiň zähmetsöýer işçi-hünärmenleri egin-egne berip, tutanýerli zähmet çekmegiň hasabyna tamamlanyp barýan 2024-nji ýyly-da ýokary zähmet görkezijileri bilen jemleýärler. Olar ýylyň dowamynda özüniň gaz gory boýunça dünýäde öňdäki orunlaryň birini eýeleýän «Galkynyş» gaz känindäki 259-njy, 236-njy ulanyş gaz guýularyndan senagat ähmiýetli gaz akymyny aldylar. Guýularyň her biri her gije-gündizde degişlilikde 2 million hem-de 2 million 330 müň kub metr tebigy gaz berýär. Lebap welaýatynyň çäginde ýerleşýän «Çartak» gaz känindäki 54-nji ulanyş gaz guýusyndan bir gije-gündizde 224 müň 300 kub metr tebigy gaz alynýar. Guýudan alnan tebigy gazyň esasy aýratynlygy kükürt-wodorodsyz, arassa bolmagydyr. Ahal welaýatynyň «Çalçulba» gaz känindäki ulanyş guýusyndan senagat taýdan ähmiýetli tebigy gazyň alynmagy-da müdirligiň gazçylaryna abraý getirdi. Bu guýynyň-da berýän tebigy gazynyň düzümi kükürt-wodorodsyz, arassa görnüşidir.

14 Dekabr 2024

Hünär baýramyny mynasyp garşylap

Tebigy baýlyklaryň ozal özleşdirilmedik täze ýataklaryny açmak bilen, uglewodorod serişdeleriniň çykarylyşyny artdyrmak «Türkmengeologiýa» döwlet korporasiýasynyň zähmet toparlarynyň baş wezipesidir. Ol ykdysadyýetimiziň ýangyç-energetika toplumynyň iri önümçilik düzümleriniň hatarynda tanalýar. Diýarymyzyň energiýa serişdelerini ygtybarly we netijeli özleşdirip bilýän döwletleriň hataryna ynamly goşulmagy bu korporasiýanyň geofizikleridir geologlarynyň ylma we öňdebaryjy tejribelere daýanyp çekýän halal zähmetiniň netijesidir. Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyna laýyklykda iş alyp barýan Balkan geofizika ekspedisiýasynyň hem bu ugurda gazanylýan üstünliklerde öz mynasyp paýy bar. Kärhanamyzyň hünärmenleri günbatar sebitde seýsmiki gözleg işlerini üstünlikli amala aşyrmagyň hötdesinden gelýärler. Häzirki wagtda bu gaýragoýulmasyz çäreleri «Akmyrat», «Isgender», «Akpatlawuk» ýaly geljegine uly umyt bildirilýän meýdançalarda üstünlikli alyp barýarys.

14 Dekabr 2024

‹
1
2
3
4
5
6
7
8
...
600
601
›