"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

ARMAWERI, «PEÝNIRÇI»!

Ýurdumyzda süýt önümlerini, aýratyn-da, peýnir önümlerini öndürýän kärhanalar barha artýar. Şolaryň biri-de, 1998-nji ýylda esaslandyrylan «Peýnirçi» hususy kärhanasydyr. Ýurdumyzda gazanylýan ykdysady ösüşlere hususy ulgamyň wekilleri hem mynasyp goşant goşýarlar. Ilatyň gündelik sarp edýän önümlerini ýokary hilde öndürip, Diýarymyzda azyk bolçulygynyň üpjün edilmegine saldamly goşant goşýan, azyk önümlerini öndürmeklige ýöriteleşen hususy kärhanalar hem üstünlikli iş alyp barýarlar. Bu ugurda Daşoguz welaýatynyň işewürleriniň alyp barýan işleri hem aýratyn bellenilmäge mynasypdyr. Şolaryň arasynda Türkmenistanyň Senagatçylar we telekeçiler birleşmesiniň agzasy bolan «Peýnirçi» hususy kärhanasyna aýratyn orun degişli. Bu kärhana öndürýän ýokary hilli önümleri bilen halkyň arasynda uly meşhurlyga eýe bolup gelýär. «Peýnirçi» hususy kärhanasy 1998-nji ýylda Gubadag etrabynda esaslandyryldy. Şu ýerde aýratyn bellemeli zat, ol hem bolsa adyndan belli bolşy ýaly, kärhana öz işini peýnir öndürmekden başlady. Bu ýerde öndürilýän peýnirler ilat arasynda aýratyn islegden peýdalanýar. Kärhanada peýniriň «Altyn», «Ýaýla», «Toý» ady bilen dürli görnüşleri, şeýle-de «Aşgabat» haryt nyşanly ergin peýnir öndürilýär. Bu önümler ýurdumyzyň dürli künjeklerine ugradylyp, uly isleg bilen satyn alynýar. 

2 Oktýabr 2022

Telekeçilik

«Aýbölek» mebel kärhanasy öz önümlerini daşary ýurda eksport edip başlady

Ýurdumyzda hususyýetçilige giň ýol açylmagy, telekeçiler üçin döwlet goldawlarynyň we ýeňillikleriň berilmegi netijesinde, türkmen işewürleri ýurdumyzyň senagat kuwwatynyň ösdürilmegine önjeýli goşant goşýarlar. Şeýle mümkinçiliklerden ýerlikli peýdalanyp, ýurdumyzyň ösüşine goşant goşýan hususy kärhanalaryň biri-de, «Aýbölek» mebel kärhanasydyr.  2000-nji ýylda telekeçi Meretmuhammet Täçmuhammedow tarapyndan esaslandyrylan kärhananyň täze önümçilik toplumy 2010-njy ýylda Gahryman Arkadagymyzyň gatnaşmagynda açylyp ulanylmaga berildi. Häzirki wagtda bu toplumda agaç we demir mebelleri öndürýän bölümler, agaç we demir mebeller üçin niýetlenen aýry-aýry ammarlar, şeýle-de daşary ýurtlardan getirilen önümleri saklamak üçin ammar hereket edýär. Önümçilige niýetlenilen bölümler dünýäniň öňdebaryjy gazananlaryny özünde jemleýän enjamlar bilen enjamlaşdyrylypdyr. Kärhanada 150-den gowrak hünärmen zähmet çekip, olaryň netijeli işlemekleri, rahat dynç almaklary üçin ähli şertler döredilipdir. «Aýbölek» mebel kärhanasy häzirki wagtda dünýäniň 25-e golaý ugurdaş kompaniýalary bilen söwda aragatnaşygyny alyp barýar.

2 Oktýabr 2022

Telekeçilik

Telekeçilige — giň ýol!

Il-gün bähbitli tagallalar Ajap eýýamymyzyň beýleki ýyllarynda bolşy ýaly, Halkyň Arkadagly zamanasy ýylynda-da telekeçiligi ösdürmekde, hususyýetçilige döwlet tarapyndan goldaw berilmeginde uly işler amala aşyrylýar. Bu bolsa Garaşsyz döwletimizde haryt bolçulygynyň döredilmegine kuwwatly itergi berýär. Telekeçiligiň öndüriji güýç hökmünde geriminiň giňelmegine, täze iş orunlarynyň döredilmegine giň mümkinçilikler açylýar.

28 Sentýabr 2022

Telekeçilik

Döwrebap ymaratlaryň gurluşygynda

Türkmenistanyň Senagatçylar we telekeçiler birleşmesiniň agzasy «Atalyk-gurluşyk» hususy kärhanasynyň guran binalary ýokary hilliligi, amatlylygy bilen tapawutlanyp, töwerege görk berýän döwrebap keşbi bilen ünsi çekýär. Kärhananyň Daşoguz şäheriniň köçeleriniň birnäçesiniň ugrunda guran ýaşaýyş jaýlarynyň onlarçasy muňa anyk mysal bolup biler. Häzirki wagtda olaryň ýaşaýjylarynyň müňlerçesi şol amatlyklaryň, eşretleriň hözirini görýär. Kärhana agzalan döwrüň dowamynda Daşoguz şäheriniň Şagadam, Baýdak, Daşoguz, Görogly we beýleki köçeleriniň ugrunda jemi 11 sany ýaşaýyş jaýlaryny gurup, ýaşaýjylaryň ygtyýaryna beripdir. Beýle diýildigi onuň 250-ä golaý maşgalany ähli amatlyklary bolan, täze öýler bilen üpjün edendigini aňladýar.

28 Sentýabr 2022

Telekeçilik

«Halk market» dükanlar torunyň söwda ykjam goşundysy hyzmatda

In­di «Halk mar­ket» dü­kan­lar to­ru­nyň is­len­dik dü­ka­nyn­dan on­laýn gör­nüş­de söw­da et­mek has amat­ly bol­dy. Mu­nuň üçin dü­kan­lar to­ru­nyň ady­bir yk­jam go­şun­dy­sy­ny «Play Mar­ket» in­ter­net dü­ka­nyn­dan ýük­läp, on­dan is­len­dik sarp ediş ha­ryt­la­ryňyzy sar­gyt edip bi­ler­si­ňiz. Yk­jam go­şun­dy sa­da in­ter­feý­si we düş­nük­li­li­gi bi­len ta­pa­wut­lan­ýar. Onuň gur­lu­şy dü­ka­nyň web saý­ty bi­len bir­meň­zeş­dir. Go­şun­dy­nyň baş sa­hy­pa­syn­da «Ak­si­ýa­lar we ar­zan­la­dyş­lar», «Meş­hur ha­ryt­lar» we beý­le­ki kä­bir bö­lüm­çe­ler ýer­leş­di­ri­lip, ge­rek bo­lan is­len­dik za­dy ha­ryt gör­nü­şi­niň bö­lü­mi­ne gi­rip ta­pyp bol­ýar.

25 Sentýabr 2022

Telekeçilik

«Balam» konditer önümlerini öndürýän türkmen kärhanasy «WorldFood Moscow» halkara sergisine gatnaşdy

«Balam» konditer önümlerini öndürýän türkmen kärhanasy 20 — 23-nji sentýabrda Moskwa şäheriniň «Crocus Expo» halkara sergi merkezinde geçirilen «WorldFood Moscow» 31-nji güýzki halkara azyk önümleriniň sergisine gatnaşdy. Bu sergä şu ýyl 24 ýurtdan we Russiýanyň 54 sebitinden azyk önümlerini öndüriji we üpjün ediji kompaniýalaryň 700-den gowragy bardy.

25 Sentýabr 2022

Telekeçilik

«De­toxbox» türk­men kom­pa­ni­ýa­sy işe­wür­ler üçin biz­nes-lanç­la­ry el­tip ber­mek hyz­ma­ty­ny ýo­la goý­dy

Be­de­niň syr­dam­ly­ly­gy­ny sak­la­mak, el­bet­de, dogry iý­mit­len­mek bilen bag­ly bo­lup dur­ýar. Mu­nuň üçin bol­sa biz, il­ki bi­len, iý­mit­len­mek düz­gün­le­ri­ni ber­jaý et­me­li bol­ýa­rys. Paý­tag­ty­myz Aş­ga­bat şä­he­rin­de ýer­leş­ýän «De­toxbox» türk­men kär­ha­na­sy­nyň hü­när­men­le­ri ta­ra­pyn­dan iş­le­nip dü­zü­len dog­ry iý­mit­len­mek düz­gün­le­ri­niň me­ýil­na­ma­sy be­de­ni­ňi­ziň sag­dyn­ly­gy­ny üp­jün et­mä­ge hem-de ar­tyk­maç ag­ra­my­ňy­zy aýyr­ma­ga kö­mek eder. Bu me­ýil­na­ma gün­de 4 ge­zek az ka­lo­ri­ýa­ly, ar­tyk­maç ag­ra­my azalt­ma­ga ni­ýet­le­nen azyk önüm­le­ri­ni ka­bul et­me­kden yba­rat­dyr. Me­ýil­na­ma­nyň esa­sy mak­sa­dy — be­de­niň syr­dam­ly­ly­gy­ny art­dyr­mak, çiş­le­riň öňü­ni al­mak we iş­dä­ni saz­la­mak bo­lup dur­ýar.

25 Sentýabr 2022

Telekeçilik

Tagamy datly, şekersiz sakgyçlara isleg artýar

Kon­di­ter önüm­le­ri­niň önüm­çi­li­gi bi­len meş­gul­lan­ýan «Al­tyn Ýu­nus» hu­su­sy kär­ha­na­sy öndürýän şekerli we şekersiz sakgyçlary-da diňe çagalaryň däl, ulularyňam islegli harytlarynyň hatarynda durýar. Habarçymyz paýtagtymyzyň käbir dükanlarynda bolup, iň geçginli sakgyçlar barada gyzyklananda, satyjylaryň aglabasy «Al­tyn Ýu­nus» hu­su­sy kär­ha­na­synyň öndürýän şekersiz sakgyçlaryna islegiň köplügi barada gürrüň beripdirler.

25 Sentýabr 2022

Telekeçilik

Ykdysady ösüşiň binýady

Telekeçilige giň ýol! Şäher bazarlarynyň birinde tötänden gabat gelen, üstünden eslije ýyl geçen şol wakam hususy pudagyň giň gerimli ösüşi, türkmen işewürleriniň gazanýan köptaraply üstünlikleri barada ýazmakçy bolan pursatlarymda köplenç ýadyma düşýär. Alyjy söwdagärden tertipleşdirilip goýlan harytlaryň bahalaryny soraýardy. Ilkibada ilgezik jogap beren ýaş ýigidiň birdenem sabyr käsesi dolaýdy öýdýän: «Aý, daýza jan, aljak zadyň nyrhyny sorasana!» diýip, gahar bilen jogap berdi. Bu sözlerden soň müşderi ýaş satyjynyň ýanyndan daşlaşmak bilen boldy. Muňa mähetdel gapdalda duran orta ýaşlaryndaky adam (megerem, harytlara dahylly bolsa gerek) ýaş ýigide igenmäge durdy: «Alyjylar bilen beýle gürleşseň, kim seniň ýanyňa geler?! Bir zadyň bahasyny on gezek sorasa-da, ýaltanman jogap ber. Indi şu hereketiňi gaýtalama». Satyjy ýigit sesini çykarmady.

14 Sentýabr 2022

Telekeçilik

Köpugurly kärhana

Milli ykdysadyýetde hususyýetçiligiň paýyny artdyrmak, telekeçiligi ählitaraplaýyn goldamak, hususy işewürligi ösdürmek boýunça giň mümkinçilikleri döretmek hormatly Prezidentimiziň amala aşyrýan döwlet syýasatynyň möhüm ugurlarynyň biridir. Türkmen telekeçileri ýurdumyzda daşary döwletlerden getirilýän harytlaryň ornuny tutýan hem-de dünýä bazarlarynda bäsdeşlige ukyply önümleri öndürmekde oňyn tejribe topladylar. Öý hojalygynda, edara-kärhanalarda we beýleki jemgyýetçilik düzümlerinde peýdalanylýan mebel önümleriniň görnüşleriniň artýandygy, hiliniň ýokarlanýandygy muňa aýdyň mysaldyr. 1998-nji ýylda esaslandyrylan «Türkmen mebel» kärhanasy ýurdumyzyň beýleki hususy düzümleri bilen birlikde, ösüşiň täze belentliklerini nazarlaýar. Ahal welaýatynyň Ak bugdaý etrabynyň çägindäki senagat zolagynda ulanyşa berlen mebel toplumyndaky hususy kärhanalardyr hojalyk jemgyýetleri döwrebap we ýokary hilli mebelleri bilen diňe bir içerki bazary üpjün etmän, eýsem, öz önümlerini daşary ýurtlara-da eksport etmäge ukyply. Bu işde «Türkmen mebel» kärhanasynyň hem mynasyp paýy bar. Önümçilik toplumy 4,5 gektar meýdany eýeleýär. Bu ýerde işler ýokary derejede guralan. Işiň köp bölegi awtomatlaşdyrylan görnüşde alnyp barylýar. Kärhanada zähmet çekýän hünärmenlerdir işçileriň aglaba böleginiň ýaşlardygy aýratyn bellenmäge mynasyp. Işgärleriň döredijilikli işlemekleri we dynç almaklary üçin ähli ş

14 Sentýabr 2022

Telekeçilik

Milli öwüşginli önümler

— Seret, meniň goştorbama! Çagalar bagyna gatnaýarkak öwrenen ertekimiz «Ejeke jan» bar-a, Baýmyrat diýen jigisi keýik owlagyna öwrülýär-ä?! Ana, şol ertekiniň suraty bar meniň goştorbamda. — Meniň goştorbamdaky surata-da seretsen-e! Şolam biziň çagalar bagynda öwrenen ertekimiz.

7 Sentýabr 2022

Telekeçilik

Azyk bolçulygyna goşant

Guşçulygy ösdürmekde hususy pudagyň wekilleri gowy netijeleri gazanýarlar. Olaryň hatarynda Baýramaly etrabynyň çäginde ýerleşýän «Ýaşyl ýaz» hojalyk jemgyýetiniň guşçulyk toplumynyň işgärleri içerki bazarlary ýumurtga we guş eti bilen üpjün etmekde tutanýerlilik görkezýärler. Guşçulyk toplumynyň ýyllyk kuwwaty sekiz million ýumurtga we müň tonna guş etini öndürmäge niýetlenendir. Toplumda ýumurtga berýän, et üçin niýetlenen towuklar saklanýan hem-de inkubator bölümleri bolup, olaryň ählisi Türkiýäniň öňdebaryjy önüm öndürijileriniň ýokary hilli enjamlary bilen üpjün edilendir. Guşlary iýmitlendirmek, olaryň ketekleriniň ýylylyk derejesini kadaly ýagdaýda saklamak, inkubatorlarda broýler jüýjelerini çykarmak işleri şu enjamlaryň kömegi bilen ýerine ýetirilýär we olar kompýuter ulgamy arkaly dolandyrylýar.

29 Awgust 2022

Telekeçilik

Hyrydarly mebeller

Hormatly Prezidentimiziň hususy ulgamy goldamagy, telekeçiler üçin döredýän giň mümkinçilikleri öz ajaýyp miwelerini berýär. Şeýle şertlerden göwünleri galkynýan türkmen telekeçileri mukaddes Garaşsyzlygymyzyň 31 ýyllyk baýramyna toý sowgatlary bilen barýarlar. Milli ykdysadyýetimiziň ösüşine mynasyp goşant goşýan hususy düzümleriň biri-de «Aýbölek» mebel kärhanasydyr. Ýokary hilli we dünýä bazarlarynda bäsdeşlige ukyply önümleri bilen adygan kärhananyň Gazagystan Respublikasyna mekdep partalaryny eksport etmegi hususyýetçiler üçin nobatdaky uly üstünlik boldy.

25 Awgust 2022

Telekeçilik

«Gerçek» aýakgaplary — berk hem amatly

Mary welaýatynyň Mary şäherinde ýerleşýän, Türkmenistanyň Senagatçylar we telekeçiler birleşmesiniň agzasy bolan Aýhan Rejebowanyň ýolbaşçylygyndaky «Gerçek» hususy kärhanasynda hünärmenleriň 500-e golaýy zähmet çekýär. Olar Hytaý Halk Respublikasynyň we Türkiýäniň iň kämil enjamlaryna erk edip, dürli aýakgaplaryň 650-den gowrak görnüşini öndürýärler. Önümçilige ornaşdyrylan, dünýäniň öňdebaryjy aýakgap kärhanalarynda giňden ulanylýan enjamlaryň önümçilik kuwwaty ýylda jübüt aýakgaplaryň 20 milliona golaýyny öndürmäge niýetlenendir. Çig mal hökmünde emeli gönüň, dürli reňkli ýüplükleriň, poliuretanlaryň, poliwinil hloridiniň ulanylmagy aýakgaplaryň ekologik taýdan arassa, hil taýdan berk bolmagyna getirýär. Şeýle aýakgaplar rahatlyk hem ýakym berýär. Işewürligi çaga aýakgaplaryny öndürmekden başlan kärhananyň önümçiligi Berkarar döwletiň täze eýýamynyň Galkynyşy döwründe has-da giňemek bilen. Önümler milli nagyşlar bilen bezelip, dürli reňklerde taýýarlanylýar. Önümçiligiň ýene bir özboluşly aýratynlygy kärhanada birnäçe görnüşli mekdep torbalarynyň öndürilýänligidir. «Halkyň Arkadagly zamanasy» ýylynyň başynda bu kärhanada mekdep okuwçylary üçin torbalar, sport aýakgaplarynyň täze görnüşleri, çagalar üçin ýarymçepekler öndürilip başlandy. Täze önümler Türkmenistanyň Senagatçylar we telekeçiler birleşmesiniň döredilmeginiň 14 ýyllygy mynasybetli paýtagtymyzyň Söwda-senagat eda

25 Awgust 2022

Telekeçilik

Berk hem ykjam

Milli ykdysadyýetimiziň kuwwatlanmagyna uly goşant goşýan telekeçilik ulgamy Berkarar döwletiň täze eýýamynyň Galkynyşy döwründe belent sepgitlere eýe bolýar. Ýurdumyzda azyk bolçulygyny döretmekde, senagat pudagyny ösdürmekde telekeçileriň gazanýan netijeleri guwandyryjydyr. Şu ýylyň geçen ýedi aýynda Senagatçylar we telekeçiler birleşmesi boýunça oba hojalyk we azyk önümlerini öndürmegiň ösüş depgininiň 167,9 göterime, senagat önümleriniň ösüş depgininiň 109,2 göterime deň bolmagy-da muňa aýdyň mysaldyr. Türkmen telekeçileri täze tilsimatlara daýanyp, olary önümçilige ykjam ornaşdyryp, daşary ýurtlardan getirilýän harytlaryň ýerini tutup bilýän önümçiligi işe girizýärler. Ýurdumyzda öndürilýän harytlary daşary ýurt bazarlaryna çykarmakda-da türkmen telekeçileri işeňňirlik görkezýärler. Oňa mysal edip, «Röwşen» hususy kärhanasyny görkezmek bolar.

25 Awgust 2022

Telekeçilik

«Ýeke damja» müňlerçäniň hyzmatynda

Saglyk — ýaşaýşyň möhüm ähmiýetli ölçegi hem görkezijisi. Gadymyýetde ýaşap geçen danalaryň belleýşi ýaly, saglyk — ynsan başynyň täji. Magtymguly atamyzyň: «Saglygyň gadryny bilgil, hasta bolmasdan burun» diýşi ýaly, häzirki döwrüň dünýä belli lukmanlary-da keseli bejereniňden öňüni alanyň ýegdigini ýaňzydýarlar. Hut şoňa görä-de, Arkadagly Serdarymyzyň bimöçber aladalary netijesinde Garaşsyz, hemişelik Bitarap Türkmenistan döwletimizi sagdynlygyň we ruhubelentligiň ýurduna öwürmek bilen bagly işler giňden ýaýbaňlandyrylýar. Bu babatda türkmen telekeçileriniň-de mynasyp goşant goşmagy kanunalaýyklykdyr. Biz hem şeýle telekeçileriň biri bolan Maral Ataýewanyň ýolbaşçylygynda Diýarymyzda hereket edýän «Ýeke damja» hususy kärhanasynda myhmançylykda bolduk. Kärhananyň ýolbaşçysy Maral ATAÝEWA söhbetdeşligimiziň dowamynda bize şeýle gürrüň berdi: — Ata Watanymyz Türkmenistan — sagdyn bedenli, sagdyn ruhly nesilleriň ýurdy. Munuň şeýle bolmagy ugrunda Diýarymyzda giň gerimli işler yzygiderli ýaýbaňlandyrylýar. Bu işlere hususyýetçileriň-de mynasyp goşant goşmagy üçin ähli mümkinçilikler, zerur bolan şertler döredilen. Biz hem döredilip berilýän mümkinçiliklerden peýdalanyp, 2017-nji ýylda «Ýeke damja» hususy kärhanamyzyň önümçiligine başladyk.

24 Awgust 2022

Telekeçilik

Döwrebap maldarçylyk toplumynda

Berkarar Watanymyzda maldarçylyk önümleriniň öndürilişini artdyrmak, azyk bolçulygyny pugtalanmak ugrundaky tagallalara Ahal welaýatynda iş alyp barýan hususy pudagyň wekilleri hem saldamly goşandyny goşýarlar. Türkmenistanyň Senagatçylar we telekeçiler birleşmesiniň agzasy «Ajaýyp ussat — halal önümler» hojalyk jemgyýetiniň döwrebap maldarçylyk toplumynyň netijeli we guwandyryjy işleri bu ugurda aýratyn bellärliklidir. Hojalyk jemgyýetiniň Bäherden etrabynyň «Arçman» daýhan birleşiginiň çägindäki ýokary hilli sygyr etiniň önümçiligine ýöriteleşdirilen maldarçylyk toplumynyň alyp barýan işleriniň gerimi barha giňeýär. 2015-nji ýylda bu ýere Germaniýadan getirilen «aberdin-angus» tohumly mallaryň hojalyga peýdaly alamatlary ylmy esasda öwrenildi, ykdysady taýdan amatlylygy, dürli howa şertlerine ýokary durnuklylygy, yssa we sowuga çydamlylygy göz öňüne tutulyp, bu mallar hojalykda köpçülikleýin idedilip başlandy. Mermer etiniň önümçiligi boýunça iň gowy tohumlaryň biri hasaplanylýan şeýle görnüşli mallaryň bu ýerde göwnejaý idedilmegi we olardan ýokary hilli önüm alynmagy üçin ähli tagallalar edilýär.

19 Awgust 2022

Telekeçilik

Telekeçilik işiniň ýörelgeleri

Döwlet Baştutanymyzyň: «Ýurdumyzda milli ykdysadyýetimiziň ähli pudaklarynda işlejek kiçi, orta we iri tehnologik kärhanalaryň gurluşygy ýokary depginler bilen alnyp barlar. Bu bolsa ykdysady kuwwatymyzy berkitmäge oňyn täsir eder» diýen sözlerinden ugur alnyp, milli ykdysadyýetiň ähli pudaklarynda, şol sanda bazar gatnaşyklarynyň esasyny düzýän hususy pudakda netijeli işler amala aşyrylýar. Telekeçilikde ýerine ýetirilmeli işleriň hemmetaraplaýyn öwrenilmegine esaslanýan we takyk kesgitlenen hereketleri hem maksatlary özünde jemleýän meýilnamanyň bolmagy esasy şertleriň biridir. Meýilnama menejmentiň wajyp düzüm bölekleriniň biri bolmak bilen, işiň üstünliginiň binýatlaýyn esasy bolup durýar. Telekeçilik işiniň meýilnamasy işlenip düzülende, onuň bazaryň (ykdysady dolanyşygyň) üýtgäp durýan ýagdaýlaryna we şertlerine laýyklykda, öz wagtynda we netijeli özgerdilmäge ukyply bolmagy zerurdyr.

11 Awgust 2022

Telekeçilik

Türkmen telekeçilerinden eksportyň täze ugry

Hormatly Prezidentimiziň hususy işewürligi goldamak babatda döredýän şert-mümkinçilikleri, hususyýetçilere berýän goldaw-hemaýatlary ajaýyp miwelerini berýär. Şeýle şertlerden göwünleri galkynýan türkmen telekeçileri mukaddes Garaşsyzlygymyzyň 31 ýyllyk baýramyna toý sowgatlary, täze üstünlikler bilen barýarlar. Arkadagly Serdarymyzyň kiçi, orta we iri telekeçiligi goldamak babatda amala aşyrýan asylly başlangyçlaryndan, durmuşa geçirýän giň gerimli işlerinden ruhlanyp, milli ykdysadyýetimiziň bedew batly ösüşine mynasyp goşant goşýan hususy düzümleriň biri-de «Aýbölek» mebel kärhanasydyr. Täze okuw ýylynyň öňüsyrasynda «Aýbölek» mebel kärhanasynyň goňşy Gazagystan Respublikasyna mekdep partalaryny eksport etmegi hem örän guwandyryjydyr. Türkmen kärhanasyna ilkinji gezek şeýle jogapkärli wezipäniň, ýagny goňşy döwletiň Alma-Ata şäherindäki Gazak milli uniwersitetiniň ýanynda täze ulanyşa beriljek 720 orunlyk döwrebap orta mekdebi okuw partalary bilen üpjün etmegiň tabşyrylmagy milli önümlerimiziň halkara ykrarnamasyna eýe bolýandygynyň nyşanydyr.

11 Awgust 2022

Telekeçilik

Döwrebap jaýlaryň gurluşygy

Ýurdumyzda amala aşyrylýan beýik işleriň hatarynda gurluşyk pudagyna aýratyn orun degişlidir. Berkarar döwletiň täze eýýamynyň Galkynyşy döwründe gurlup ulanylmaga berilýän, gurluşyklary ýokary depginlerde alnyp barylýan birnäçe döwrebap binalary, desgalary görüp, ruhuň göterilýär. Olar özüniň gaýtalanmajak binagärlik keşbi bilen tapawutlanýar. Hormatly Prezidentimiziň taýsyz tagallalary bilen telekeçiligi ösdürmek babatda döredilýän giň mümkinçiliklerden peýdalanyp, ýurdumyzyň ösüşlerine goşant goşýan hususy kärhanalaryň birnäçesi hereket edýär. Olaryň hatarynda welaýatymyzdaky Türkmenistanyň Senagatçylar we telekeçiler birleşmesiniň agzasy «Sekiz ýyldyz» hususy kärhanasy hem bar. Biz bu kärhananyň başlygynyň gurluşyk işleri boýunça orunbasary Geldimyrat Halylow bilen söhbetdeş bolduk. Şonda ol häzirki wagtda kärhananyň alyp barýan işleri dogrusynda giňişleýin gürrüň berdi. — Ählimiziň bilşimiz ýaly, soňky ýyllarda ýurdumyz, şol sanda welaýatymyz medeni-durmuş maksatly binalaryň, orta mekdepleriň, çagalar baglarynyň, hassahanalaryň, saglyk öýleriniň, sport desgalarynyň, ýaşaýyş jaý toplumlarynyň köp gurulýan mesgenine öwrüldi. Häzirki wagtda şeýle gurluşyklaryň birnäçesi güýçli depginlerde alnyp barylýar. Elbetde, bu işleriň aňyrsynda hormatly Prezidentimiziň halkymyzyň abadan durmuşda ýaşamagy üçin edýän tagallalary jemlenendir. Şunuň ýaly haýyrly işlere goşant

10 Awgust 2022

Telekeçilik