Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Möhüm möwsüme badalga

Mary welaýatynyň pagtaçylary şu ýyl 162 müň gektar meýdandan «ak altynyň» 359 müň tonnasyny ýygnap, döwlete tabşyrmagy maksat edinýärler. Şoňa görä-de olar ýaz ekişini bökdençsiz we agrotehnikanyň talaplaryna laýyklykda geçirmek üçin zerur bolan tagallalary etdiler. Welaýat, etrap häkimleriniň, olaryň oba hojalyk boýunça orunbasarlarynyň, häkimlikleriň beýleki jogapkär işgärleriniň, tehniki hyzmat ediş kärhanalaryň ýolbaşçylarynyň, geňeşlikleriň arçynlarynyň, daýhan birleşikleriniň başlyklarynyň, tejribeli kärendeçileriň we beýlekileriň gatnaşmagynda Geňeş maslahaty geçirildi. Onda gowaça ekişine guramaçylykly girişmekde, ony agrotehnikanyň talaplaryna laýyklykda ýokary hilli alyp barmakda we wagtynda tamamlamakda öňde durýan möhüm wezipeler hakynda giňişleýin gürrüň edildi.

25 Mart 2024

Türkmenistanda gowaça ekişine girişildi

Ýaňy–ýakynda Türkmenistanda möhüm oba hojalyk möwsümi bolan gowaça ekişi başlandy. Hormatly Prezidentimiziň Ministrler Kabinetiniň 15-nji martda geçiren mejlisinde bellän möhletlerine laýyklykda, Ahal, Balkan, Lebap we Mary welaýatlarynyň pagtaçylary 20-nji martda gowaça ekişine başladylar. Daşoguz welaýatynyň daýhanlary bolsa bu möwsüme 27-nji martda girişerler. Türkmenistanyň Prezidenti Serdar Berdimuhamedowyň ak pata bermegi bilen, ekiş möwsümi ýurdumyzyň welaýatlarynda birbada badalga aldy. Güneşli ülkämizde sahawatly türkmen topragyndan bol hasyl öndürýän daýhanlarymyzyň halal zähmet çekmegine ähli mümkinçilikler döredilýär. 

25 Mart 2024

Daýhan yhlasly — toprak bereketli

Ýurdumyzda möhüm oba hojalyk möwsümi bolan gowaça ekişi başlandy Pagtaçylyk daşary ýurtlardan getirilýän harytlaryň ornuny tutýan önümçilikleri we ýurdumyzyň eksport kuwwatyny artdyrmak boýunça döwlet maksatnamalarynyň amala aşyrylmagyny üpjün edýän esasy pudaklaryň biridir. Şunuň bilen baglylykda, hormatly Prezidentimiziň Ministrler Kabinetiniň 15-nji martda geçiren mejlisinde bellän möhletlerine laýyklykda, Ahal, Balkan, Lebap we Mary welaýatlarynyň pagtaçylary 20-nji martda gowaça ekişine başladylar. Daşoguz welaýatynyň daýhanlary bolsa bu möwsüme 27-nji martda girişerler.

22 Mart 2024

Berekediň egsilmesin, topragym!

Hormatly Prezidentimiziň ak pata bermegi, il sylagly ýaşulularyň «Bismillasy» bilen gowaça ekişine girişen Balkan welaýatynyň pagtaçy daýhanlary möwsümde kuwwatly traktorlara tirkelen ekijileriň 30-syny bökdençsiz işlederler. Olaryň saz işlemegi üçin önümçilik birleşiginde döredilen tehniki taýdan hyzmat ediş toparlarynyň 19-sy möwsümiň dowamynda ekin meýdanlarynda bolar. Sebit boýunça gowaça ekiljek 13 müň gektar meýdanda kuwwatly traktorlaryň 140-sy bilen sürüm, 125-si bilen tekizlemedir keş çekmek işleri öz wagtynda we agrotehniki talaplara laýyklykda geçirildi. Ekin ýerlerine barýan suwaryş ulgamlary irgözinden arassalanyp, zerur gowaça tohumy hem ýeterlik möçberde jemlendi. Möwsümde gowaçanyň ozal synagdan geçen «Ýolöten — 7», «Jeýhun» we «S-2606» tohumlary ekiler. Bu işler balkanly daýhanlaryň şu ýyl pagtanyň 16 müň tonnasyny ýygnamak baradaky meýilnamalaryny artygy bilen berjaý etjekdiklerine ynam döredýär. Gowaça ekişine Gyzylarbat etrabynyň «Batly gadam» hususy daýhan hojalygynda badalga berildi. Baýramçylyk dabarasynda welaýatyň etrapdyr şäherlerinden gelen medeniýet we sungat işgärleriniň aýdym-sazly çykyşlary ýaýbaňlandyryldy.

22 Mart 2024

Döwrebap tehniki hyzmatlar

Döwlet Baştutanymyzyň sanly ulgam arkaly ýakynda geçiren iş maslahatynda ýurdumyzyň sebitlerinde ýaýbaňlandyrylan möwsümleýin oba hojalyk işlerini toplumlaýyn esasda alyp barmak boýunça öňde goýan wezipelerini ýerine ýetirmek üçin Daşoguz welaýatynda hem işler depginli alnyp barylýar. Häzirki wagtda demirgazyk sebitiň bugdaý ekilen meýdanlaryny mineral dökünler bilen iýmitlendirmek, şu ýylyň hasyly üçin gowaça, ýazlyk ýeralma hem-de beýleki gök-bakja ekinleriniň ekiljek ýerlerini tekizlemek, ýuwuş suwuny tutmak işleri gyzgalaňly dowam edýär. Dürli görnüşli kuwwatly tehnikalaryň sazlaşykly hem bökdençsiz işledilmegi möwsümi bellenilen möhletlerde geçirmäge mümkinçilik berer. Ekişde ulanyljak oba hojalyk tehnikalaryny we gurallary abatlamak işleri hem talabalaýyk ýerine ýetirilýär. Möhüm möwsüme guramaçylykly taýýarlyk görülýän häzirki günlerde welaýat merkezindäki motor-abatlaýyş zawodynyň ähli önümçilik bölümlerinde dürli görnüşli iş gurallaryny öndürmek babatda-da netijeli işler ýola goýuldy. Welaýatyň oba hojalyk önümçiliginiň tehniki üpjünçiliginde mynasyp orun eýeleýän bu kärhanada taýýarlanylýan önümleriň möçberi, edilýän hyzmatlaryň we işleriň görnüşi ep-esli artdy. Bu ýerde tejribeli ussalaryň, ezber işçileriň 50-den gowragy zähmet çekýär. Olar eýýäm gyş döwründe oba hojalyk tehnikalaryny we dürli görnüşli iş gurallaryny düýpli abatlamak hem-de olar üçin ä

22 Mart 2024

Bol hasyl — halkymyzyň rysgaly

Arkadagly Gahryman Serdarymyzyň mukaddes Watanymyzda açyklyk, aýdyňlyk we giň bäsdeşlik esasynda geçirilen Prezident saýlawlarda, köpmilletli agzybir halkymyz tarapyndan  Türkmenistanyň Prezidenti wezipesine saýlanmagynyň iki ýyllygynyň egsilmez buýsanç bilen baýram edilýän günlerinde, has takygy, 20-nji martda Ahal, Balkan, Lebap we Mary welaýatlarynda gowaça ekişiniň başlanmagy täze gelen baharyň bereket bolçulygynyň buşlukçysy bolup, «Pähim-paýhas ummany Magtymguly Pyragy» ýylynyň şanly wakalaryny has çuň mazmun bilen baýlaşdyrdy. Berkarar döwletiň täze eýýamynyň Galkynyşy döwründe ýurdumyzyň daýhanlaryna döredilip berilýän giň mümkinçilikleriň netijesinde gowaça ekiş möwsümini talabalaýyk geçirmek boýunça zerur işler ýerine ýetirildi.

21 Mart 2024

Türkmenistanda gowaça ekişine girişildi

Türkmenistanda möhüm oba hojalyk möwsümi bolan gowaça ekişi başlandy. Hormatly Prezidentimiz Serdar Berdimuhamedowyň Ministrler Kabinetiniň 15-nji martda geçirilen mejlisinde bellän möhletlerine laýyklykda, Ahal, Balkan, Lebap we Mary welaýatlarynyň pagtaçylary 20-nji martda gowaça ekişine başladylar. Daşoguz welaýatynyň daýhanlary bolsa bu möwsüme 27-nji martda girişerler. Asylly däbe görä, gowaça ekişine il sylagly ýaşulular ak pata berdiler. Beýik Biribardan Watanymyzyň gülläp ösmegi, türkmen halkynyň abadançylygy, döwlet Baştutanymyzyň döwletli tutumlarynyň rowaç bolmagy dileg edilip, meýdanlara ilkinji gowaça tohumlary sepildi. Soňra mehanizatorlar işe girişdiler.

21 Mart 2024

Daýhandan hereket — ýerden bereket

AHALDA Gowaça ekişine badalga bermek dabarasynyň öňüsyrasynda Änew şäherindäki medeniýet öýünde welaýat, etrap häkimlikleriniň, edara-kärhanalaryň, jemgyýetçilik guramalarynyň, daýhan birleşikleridir hojalyklarynyň ýolbaşçylarynyň, öňdebaryjy daýhanlaryň, ýaşuly nesliň wekilleriniň gatnaşmagynda geçirilen tejribe maslahatynda jogapkärli möwsümde öňde durýan wezipeler hakda gürrüň edildi. Maslahatdan soň hemmeler Ak bugdaý etrabynyň Türkmenistanyň Gahrymany M.Sopyýew adyndaky Oba hojalyk paýdarlar jemgyýetiniň çägindäki ekişe badalga bermäge niýetlenen ýere ýygnandylar. Toý meýdançasynda welaýatyň medeniýet we sungat ussatlary aýdym-sazly çykyşlary ýerine ýetirdiler. Türkmeniň baý daýhançylyk däplerini açyp görkezýän tomaşalar, milli tagamlaryň görnüşleri bilen tanyşlyk örän täsirli boldy. Sportuň milli görnüşleri boýunça guralan ýaryşlardyr görkezme çykyşlary hem ildeşlerimizde uly gyzyklanma döretdi.

21 Mart 2024

Bol hasyl yhlasa bagly

Türkmenistanyň Ministrler Kabinetiniň şu ýylyň 9-njy fewralynda geçen ýylyň jemlerine bagyşlanyp geçirilen giňişleýin mejlisinde hormatly Prezidentimiziň gol çeken Kararlary halkymyzyň göwün guşuny ganatlandyrdy. 2024-nji ýylyň hasylyndan başlap bugdaýyň we pagtanyň döwlet satyn alyş nyrhlaryny ýokarlandyrmak boýunça kabul edilen möhüm çözgüt kärendeçileri, oba hojalykçylary diýseň begendirdi. Hormatly Prezidentimiziň daýhanlar üçin döredip berýän mümkinçilikleri netijesinde, kärendeçileriň ýokary hilli tohum, dökün, tehnika, suw bilen ýeterlik üpjün edilmegi bu möhüm işiň öz wagtynda ýokary hilli ýerine ýetirilmegine ýardam berýär. Döredilýän giň mümkinçilikler daýhanlaryň höwesini artdyrýar.

20 Mart 2024

Tohumyň müňlesin, daýhan!

Oba hojalygynda iň bir gyzgalaňly döwür ýetip geldi. Hormatly Prezidentimiziň ýakynda bolup geçen Türkmenistanyň Ministrler Kabinetiniň mejlisinde ak pata bermegi bilen düýn welaýatymyzyň daýhanlary gowaça ekişine girişdiler. Irden welaýat häkimliginde gowaça ekişini ýokary hilli we öz wagtynda guramaçylykly geçirmek bilen baglanyşykly geňeş-maslahat geçirildi. Welaýatymyzyň babadaýhanlary şu ýyl hem 130 müň gektar meýdanda pagta hasylynyň 320 müň tonnasyny ýygnap, döwlete tabşyrmagy maksat edinýärler. Bu maksada üstünlikli ýetmek üçin zerur bolan meseleler birin-birin seljerildi. Gowaça ekişiniň ýokary hilli geçirilmeginiň «ak altynyň» bol hasylynyň hakyky kepilidigine aýratyn üns çekildi.

20 Mart 2024

Tohumyňyz müňlesin, edermen pagtaçylar!

Welaýatymyzda gowaça ekişine girişildi Berkarar döwletiň täze eýýamynyň Galkynyşy döwrüniň “Pähim-paýhas ummany Magtymguly Pyragy” ýylynda welaýatymyzyň zähmetsöýer pagtaçylary Arkadagly Gahryman Serdarymyzyň berýän hemaýat-goldawlaryndan, ýeňilliklerinden ruhlanyp, täze hasylyň düýbüni tutmak işini yhlas bilen dowam etdirýärler.

20 Mart 2024

Ajaýyp döwrüň egsilmez zähmet joşguny bilen

welaýatymyzda gowaça ekişine guramaçylykly girişildi Hormatly Prezidentimiz Arkadagly Gahryman Serdarymyzyň şu ýylyň 15-nji martynda sanly ulgam arkaly geçiren Ministrler Kabinetiniň mejlisinde jogapkärli oba hojalyk möwsümi bolan gowaça ekişine başlamaga ak pata bermegi welaýatymyzyň pagtaçy kärendeçilerini hem joşgunly zähmete ruhlandyrdy. Şeýle zähmet joşguny «Pähim-paýhas ummany Magtymguly Pyragy» ýylynyň gowaça ekişine ýokary guramaçylykly girişilmeginde aýdyň ýüze çykdy.

20 Mart 2024

Topragyň bahar demi

2. Murgap boýlaryna ýaz gelipdir Gadymy heňňamlaryň gujagyndan gaýdýan heň-sedalarda şeýle diýilýär: XVIII-XIX asyrlarda türkmen topragyna syýahat edenler, myhman bolup ötenler Murgap bilen Tejen derýalarynyň aralygynda 1 put çigit taşlanan ýerden 15 — 20 put pagta alyp bolýandygyny, bugdaý, şaly, dary, jöwen, künji, mäş ýaly dürli ekinleriňdir gawun-garpyzyň diýseň bol bitýändigini agyz suwardyp ýazypdyrlar.

20 Mart 2024

Gowaça ekişi — jogapkärli möwsüm

Şu gün hormatly Prezidentimiziň möwsüme beren ak patasyndan ugur alnyp, ýurdumyzyň Balkan, Lebap, Mary welaýatlarynyň daýhanlary bilen bir hatarda, Ahal welaýatynyň oba zähmetkeşleri hem il sylagly ýaşulularyň «Bismillasy» bilen gowaça ekişine girişýärler. «Pähim-paýhas ummany Magtymguly Pyragy» ýylynda welaýatymyz boýunça 135 müň gektarda gowaça ekişini geçirip, şol ýerden 280 müň tonna hasyl almak maksat edinilýär. Şoňa görä-de, welaýatymyzda möhüm oba hojalyk çäresine ykjam taýýarlykly gelindi. Gowaça gymmatly ekindir. Sahawatly topragymyzda ýetişdirilýän gowaça hasylyny dünýä talaplaryna laýyklykda, gaýtadan işläp, ondan bäsdeşlige ukyply ýüplükler taýýarlanylýar, matadyr taýýar dokma önümleri öndürilýär. Gowaça çigidinden bolsa, ýokumly ýag alynýar. Munuň özi gowaçanyň gymmatly ekindiginiň güwäsidir.

19 Mart 2024

Mehanizatorlar bilen duşuşyklar

Türkmenistanyň Kärdeşler arkalaşyklarynyň welaýat birleşmesiniň degişli hünärmenleri oba hojalygynda jogapkärli möwsüm bolan gowaça ekişiniň öň ýanyndaky günlerde etraplardaky tehniki hyzmat ediş kärhanalarda bolup, gowaça ekişine gatnaşjak mehanizatorlaryň arasynda tehniki howpsuzlyk boýunça düşündiriş işlerini alyp bardylar. Mehanizatorlar bilen bolan duşuşyklarda ýaz ekişine taýýarlykly barmak, möwsümde tehniki howpsuzlyk düzgünlerini doly we dogry berjaý etmek barada gürrüň edildi, olara degerli maslahatlar berildi. Ýeri gelende, etraplaryň tehniki hyzmat ediş kärhanalaryndaky oba hojalyk tehnikalarynyň we gurallarynyň gowaça ekişine öňünden doly taýýarlyk hatarynda goýlandygyny bellemegimiz gerek. Iş üstündäki duşuşyklaryň barşynda mehanizatorlar bilen tehniki howpsuzlygyň düzgünleri boýunça özara sowal-jogaplaryň alşylmagy düşündiriş işleriniň netijeliligine oňyn täsirini ýetirdi.

19 Mart 2024

Tohumyňyz müňlesin, pagtaçy daýhanlar!

Şu ýylyň 15-nji martynda Arkadagly Gahryman Serdarymyz Türkmenistanyň Ministrler Kabinetiniň nobatdaky mejlisini geçirip, onda ýurdumyzyň Ahal, Balkan, Lebap, Mary welaýatlarynda 20-nji martda, Daşoguz welaýatynda hem 27-nji martda gowaça ekişine ak pata berdi. Şu gün ýurdumyzyň dört welaýatynda endigandan tekiz sürlen meýdanlarda işjanly daýhanlarymyz aksakgal ýaşulularymyzyň «Bismillasy» bilen gowaça tohumynyň ekişine girişerler. Tohumyňyz müňlesin, pagtaçy daýhanlar! Oba hojalygynda her bir möwsümiň öz aýratynlygy bolup, ýaz ekişi möwsümi daýhandan has-da jogapkärçiligi talap edýär. Çünki howanyň şu amatly pursadyny elden bermän, agrotehnikanyň ähli talaplaryny doly berjaý etmek bilen, gowaça ekişini çalt we ýokary hilli, guramaçylykly geçirmek alynjak hasylyň ýokary bolmagyny üpjün eder.

19 Mart 2024

Belent maksat

Görogly etraby boýunça şu ýyl 17 müňden gowrak gektar meýdanda gowaça ekişini geçirmek göz öňünde tutulýar. Şol meýdanyň 2 müň 800 gektaryna gowaçanyň «F-149» tohumyny hem-de galan 14 müň 700 gektar ýerine «Jeýhun» tohumyny ekmek meýilleşdirilýär. Pähim-paýhas ummany Magtymguly Pyragy ýylynda etrap boýunça ätiýaçlyk gowaça çigidini göz öňünde tutmak bilen 1 müň 898 tonnadan gowrak gowaça çigidini taýýarlamak meýilleşdirildi. Häzirki döwürde şonça mukdardaky gowaça çigidiniň agramly bölegi taýýarlanyldy. Taýýarlanylan gowaça çigidini arassalamak, zyýankeşlere garşy dermanlamak işleri alnyp barylýar.

19 Mart 2024

Ylmy-amaly maslahat geçirildi

Türkmen oba hojalyk institutynyň Ýaş alymlar Geňeşi we «Ýaş bagban» ylmy gurnagy tarapyndan «Bütindünýä kösükli däneliler güni» mynasybetli «Durnukly azyk howpsuzlygynda kösükli dänelileriň orny» atly ylmy maslahat geçirildi. Bu maslahata Türkmen oba hojalyk institutynda hereket edýän ylmy gurnaklaryň işjeň agzalary, talyp ýaşlar we mugallymlar gatnaşdylar. Oňa gatnaşyjylar özleriniň kösükli ekinler baradaky nutuklary bilen çykyş etdiler. Olar öz çykyşlarynda häzirki döwürde kösükli däneli ekinleriň durmuşymyzdaky ähmiýeti we olaryň ylmy taraplary, topraga täsiri, ekin dolanyşygyndaky orny barada täsirli maglumatlary berdiler.

19 Mart 2024

Azyk bolçulygy ugrunda

Daşoguz welaýatynyň Şabat etraby gök-bakja, miwe önümleriniň öndürilmegine mynasyp goşant goşýan etraplaryň biridir. Bu etrap oba hojalyk önümlerini öndürmekde, täze tehnologiýalardan peýdalanyp, baý iş tejribesini durmuşa ornaşdyrmakda özüniň nusgalyk derejesi bilen ýurdumyzda meşhurdyr. Etrabymyzyň kärendeçileri şu ýyl 1 müň 995 gektar meýdanda ýeralma, 10 gektar meýdanda hyýar, 90 gektar meýdanda pomidor, 50 gektar meýdanda kelem, 10 gektar meýdanda käşir we 240 gektar meýdanda bolsa gawun-garpyz, kädi ýaly bakja ekinlerini ösdürip ýetişdirmegi meýilleşdirýärler. Türkmenistanyň Agrar partiýasynyň etrap komitetiniň ilkinji guramalarynyň düzüminiň agramly bölegini daýhan birleşikleriniň kärendeçi daýhanlary düzýär. Daýhançylyk medeniýetini ýokarlandyrmakda, oba hojalyk ylmynyň soňky gazananlaryny durmuşa ornaşdyrmakda amala aşyrylýan işler dogrusynda agzalarymyz yzygiderli wagyz-nesihat çärelerini geçirip durýarlar.

19 Mart 2024

Maýsaly meýdanlara ösüş suwy tutulýar

Şu günler Tejen etrabynyň güýzlük bugdaý ekilen 44 müň 300 gektar meýdanynda endigan gögeriş alnyp, häzirki wagtda ýaşyl dona bürenip oturan maýsalara ikinji ösüş suwuny tutmak ýaly işleriň agrotehnikanyň talaplaryna laýyklykda ýerine ýetirilýändigini bellemek gerek. Etrabyň «Däneçilik» daýhan birleşiginiň tejribeli gallaçy kärendeçileri maýsalaryň idegini ýetirmek boýunça alnyp barylýan işlere aýratyn ähmiýet berýärler. Meretmuhammet Orazow, Hojanazar Begow, Toýly Jaýtyýew ýaly kärendeçiler endigan gögeriş alnan bugdaý meýdanlaryna hyzmat etmekde has-da göreldeli zähmet çekýärler. Olar şu günler maýsaly meýdanlara ösüş suwuny kadalaýyk tutmak işlerini göwnejaý alyp barýarlar. Ady agzalan kärendeçiler yhlasly işleri bilen beýlekilere hem görelde bolýarlar. Olaryň ýaşyl öwsüp oturan ekin meýdanlaryny synlanyňda, bu ýyl hem ýokary galla hasylyny alyp, ýurdumyzda azyk bolçulygyny has-da berkitmekde durmuşa geçirilýän beýik işlere asylly goşant goşmak ugrunda çekýän zähmetleriniň ýerine düşjekdigine bolan ynamyň artýar.

19 Mart 2024

‹
1
2
...
41
42
43
44
45
46
47
...
218
219
›