Üstünlikli geçen synag
Ýaponiýanyň milli maglumat we kommunikasiýa institutynyň alymlary sekuntda 1 million gigabaýtlyk maglumaty geçirmäge ukyply interneti synag etdiler. Sekuntda 1,02 petabite ýa-da 1 million gigabaýta deň bolan internet täze işlenen optiki-süýümli geçirijilerde (kabeller) synag edildi. Täze geçiriji kabeller özünde 4 görnüşli süýüm toparyny jemläp, olar aýna turbalar arkaly goralýar. Ýörite tehnologiýalar arkaly geçiriji süýümleriň kuwwatlylygy ýüzlerçe esse artdyryldy. Jemi 801 sany tolkun geçiriji kanallary özünde jemleýän, optiki-süýümli geçirijilerden tizligi sekuntda 1 million gigabaýtdan hem gowrak bolan maglumat 51,7 kilometrlik uzaklykdaky kabul edijä geçirildi.
