Tozan sorujy we howa arassalaýjy enjamlary bilen meşhurlyk gazanan «Dyson» kompaniýasy öý işlerini we beýleki meseleleri awtomatlaşdyrmak üçin niýetlenen robotlarynyň birnäçesini tanyşdyrdy. Meýilnama laýyklykda, 2030-njy ýyla çenli öý hojalygynyň ähli işleri dolulygyna robotlaryň «paýyna düşer».
Filadelfiýada geçirilen robot we awtomatlaşdyryş boýunça halkara konferensiýada «Dyson» kompaniýasy öý robotlaryny ösdürmek meýilnamasyny mälim etdi. Ştab-kwartirasyny 2019-njy ýylda Angliýadan Singapura göçüren kompaniýa iş ugurlaryny tanyşdyrmak üçin wideolaryny paýlaşdy. Tanyşdyrylan wideoda kompaniýanyň esaslandyryjysy Jeýms Daýsonyň ogly Jeýk Daýsonyň robotlar hakdaky meýilnamalary jikme-jiklikde görkezilýär.