Geçen hepde «Sprinklr» kompaniýasy maliýe hasabatyny berdi. Hasabata laýyklykda, «Sprinklr»-iň girdejisi 30% artyp, ABŞ-nyň 136 million dollaryna ýetdi. Kompaniýanyň hyzmatlaryna ýylda ABŞ-nyň 1 million dollaryndan gowrak pul sarp edýän müşderileriniň sany 26% artdy. Ýeri gelende aýtsak, «Sprinklr»-iň iri kärhana müşderileri üçin emeli intellekt (AI) gurallar toplumy bolan «CXM» platformasy bar. Platforma müşderiler bilen aragatnaşyk saklaýan marketologlar we işgärler üçin onlaýn söhbetdeşlikleri, ses, elektron poçta we beýleki hyzmatlary öz içine alýar.
Geçen birža söwdalarynda «Sprinklr»-iň her bir paýnamasy 21,16% ýokarlanyp, ABŞ-nyň 13,8 dollaryndan bahalandy.