«TuSimple» kompaniýasy awtomatiki hereketlendiriş ulgamyny dörediji «NVIDIA» korporasiýasy bilen hyzmatdaşlygyny giňeldýär. «TuSimple» täjirçilik taýdan sürüjisiz ýük daşaýan ulaglaryny öndürmekde öňdebaryjy kompaniýalaryň biridir. Kompaniýa gysga wagtyň içinde 4-nji derejeli awtopiloty öndürmegi maksat edinýär. «TuSimple»-iň ösen sürüjisiz awtoulaglary üçin ýörite döredilen «NVIDIA DRIVE Orin SOC» çipi bolar. «NVIDIA DRIVE Orin» moduly sekuntda 1 trillion amaly ýerine ýetirip biler. Çip şol birwagtyň özünde wideo ýazgysyny, multimediýa ulgamynyň işleýşini, simsiz modemleri, duýduryşlary we ş.m. üpjün edýär.