Gahryman Arkadagymyzyň eserlerinde türkmen Bitaraplygynyň taryhy barada gymmatly maglumatlar beýan edilýär. Bitaraplyk — munuň özi, ilkinji nobatda, halklaryň parahatsöýüjilikli häsiýetiniň, özara deňhukukly we ylalaşykly ýaşamaga çalyşmagynyň beýanydyr. Gahryman Arkadagymyzyň «Bitarap Türkmenistan» eserinde: «Türkmenistanyň Bitaraplygy — bu biziň mizemez gymmatlygymyzdyr, durmuşymyzyň aýrylmaz bölegidir, biziň baş maksadymyzdyr» diýip belleýär.
Türkmenistan özüniň Bitaraplyk derejesinden gelip çykýan borçlary üstünlikli durmuşa geçirmek bilen parahatçylyk, howpsuzlyk, durnuklylyk işine, ygtybarly, durmuş-ykdysady ösüşe öz goşandyny goşýar. Bu barada Gahryman Arkadagymyzyň: «Parahatçylyk sazy — dostluk, doganlyk sazy» kitabynda «Parahatçylyk — Zeminiň asudalygydyr, asmanyň päkizeligidir» diýip, türkmen Bitaraplygynyň dünýä ýüzünde öňe sürýän ähli başlangyçlarynyň parahatçylygy berkitmäge gönükdirilýändigini beýan edýär.